3 days ago
4
ARTICLE AD BOX
ବାଙ୍ଗିରିପୋଷି: ଲଗାଣ ପ୍ରବଳ ବର୍ଷା ଯୋଗୁଁ ଝାରପୋଖରିଆ ଥାନା ଅନ୍ତର୍ଗତ ଜାଲଦା ପଞ୍ଚାୟତର ପୁନସିଆ ଗ୍ରାମରେ ଏକ ଅଭାବନୀୟ ତଥା ଦୁଃଖଦ ଘଟଣା ଘଟିଯାଇଛି, ଯେଉଁଥିରେ ମାଟି କାନ୍ଥ ପଡ଼ି ଜଣେ ମହିଳାଙ୍କର ଅକାଳ ବିୟୋଗ ଘଟିଛି।ମୃତ ମହିଳା ଜଣକ ସମ୍ପୃକ୍ତ ଗ୍ରାମର ଚୁନୁ ନାଏକ ବୋଲି ଚିହ୍ନଟ ହୋଇଛନ୍ତି।
ମାଟି ତଳେ ଚାପି ହୋଇ ରହିଯାଇଥିଲେ
ମିଳିଥିବା ସୂଚନା ଅନୁଯାୟୀ, ଗତ କିଛି ଦିନ ହେବ ଜାରି ରହିଥିବା ଅବିଶ୍ରାନ୍ତ ବର୍ଷା କାରଣରୁ ମାଟି ଘରର କାନ୍ଥଗୁଡ଼ିକ ଭିଜି ଦୁର୍ବଳ ହୋଇପଡ଼ିଥିଲା। ଗାତ ରାତିରେ ଚୁନୁ ନିଜ ଘର ଭିତରେ ଥିବା ସମୟରେ ଅଚାନକ ବାସଗୃହର ଏକ ମାଟି କାନ୍ଥ ତାଙ୍କ ଉପରେ ଭୁଶୁଡ଼ି ପଡ଼ିଥିଲା, ଯାହା ଫଳରେ ସେ ଘଟଣାସ୍ଥଳରେ ହିଁ ମାଟି ତଳେ ଚାପି ହୋଇ ରହିଯାଇଥିଲେ। ଏହି ଘଟଣା ପ୍ରଚାରିତ ହେବା ପରେ ସମଗ୍ର ପୁନସିଆ ଗ୍ରାମ ସମେତ ଆଖପାଖ ଅଞ୍ଚଳରେ ଗଭୀର ଶୋକର ଛାୟା ଖେଳିଯାଇଛି। ସ୍ଥାନୀୟ ଝାରପୋଖରିଆ ଥାନା ପୁଲିସ ଖବର ପାଇ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି ଏବଂ ପ୍ରଶାସନ ପକ୍ଷରୁ କ୍ଷତିଗ୍ରସ୍ତ ତଥା ଅସହାୟ ପରିବାରକୁ ତୁରନ୍ତ ସରକାରୀ ଆର୍ଥିକ ସହାୟତା ଯୋଗାଇ ଦେବାକୁ ଗ୍ରାମବାସୀଙ୍କ ପକ୍ଷରୁ ଦୃଢ଼ ଦାବି କରାଯାଇଛି।
Suspended: ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ୨ ବରିଷ୍ଠ ଅଧିକାରୀ ନିଲମ୍ବିତ, ୪୮ ଘଣ୍ଟାରୁ ଅଧିକ ଜେଲ୍ରେ ଥିଲେ
