The traffic problem: ଜଟିଳ ହେଲାଣି ଶିଶୁଭବନ ଛକ ଟ୍ରାଫିକ ସମସ୍ୟା: ସନ୍ଧ୍ୟାରେ ସ୍ଥିତି ନିୟନ୍ତ୍ରଣ ବାହାରେ

22 hours ago 5
ARTICLE AD BOX

ଭୁବନେଶ୍ବର: ରାଜଧାନୀର ଅନ୍ୟତମ ବ୍ୟସ୍ତବହୁଳ ରାସ୍ତା ଶିଶୁଭବନ ଓଭରବ୍ରିଜ୍‌ରେ ଜଟିଳ ହେଉଛି ଟ୍ରାଫିକ ସମସ୍ୟା। ଅଣଓସାରିଆ ବ୍ରିଜ ସହିତ ରାସ୍ତା ମଝିରେ କଂକ୍ରିଟ ଡିଭାଇଡର୍‌ ଥିବା କାରଣରୁ ଗାଡ଼ିଗୁଡ଼ିକ ଅଟକି ରହୁଛି। ଏହା ସହିତ ବାମ ପଟକୁ ରାସ୍ତା ରହୁ ନଥିବାରୁ ଆମ୍ବୁଲାନ୍ସ ସମେତ ଜରୁରୀକାଳୀନ ଗାଡ଼ିଗୁଡ଼ିକ ଅଟକି ରହୁଛି। ଟ୍ରାଫିକ୍‌ ଜାମ୍‌ ହ୍ରାସ କରିବା ଆଳରେ ଓଭରବ୍ରିଜ୍‌ର ଉଭୟ ପାର୍ଶ୍ୱରେ ଥିବା ପାଦଚଲା ରାସ୍ତାକୁ ଭାଙ୍ଗି ଗାଡ଼ି ଚଳାଚଳ ରାସ୍ତା ସହ ମିଶାଇ ଦିଆଯାଇଛି। ଫଳରେ ଏହି ରାସ୍ତା ଦେଇ ନିୟମିତ ଯାତାୟାତ କରୁଥିବା ଛାତ୍ରଛାତ୍ରୀ, ବରିଷ୍ଠ ନାଗରିକ, ମହିଳା ଓ ଅନ୍ୟ ପଥଚାରୀମାନେ ବିପଦସଂକୁଳ ଭାବେ ଓଭରବ୍ରିଜ ପାରି ହେଉଛନ୍ତି। 

କଳାକୃତି ଦେଇଛି ରୋଜଗାର: ବହୁ ମହିଳାଙ୍କୁ ଆତ୍ମନିର୍ଭରଶୀଳ କଲେଣି ମନୀଷା

ଅଟକୁଛି ଆମ୍ବୁଲାନ୍ସ, ପଥଚାରୀଙ୍କୁ ଓଭରବ୍ରିଜ୍‌ ମନା
ସନ୍ଧ୍ୟାରେ ସ୍ଥିତି ନିୟନ୍ତ୍ରଣ ବାହାରେ

ପୁରୁଣା ଭୁବନେଶ୍ୱର, ରବି ଟକିଜ୍‌, ଟଙ୍କପାଣି, ଶିଶୁପାଳଗଡ଼, ବାଲିଅନ୍ତା ଓ ବାଲିପାଟଣା ଆଦି ଅଞ୍ଚଳର ହଜାର ହଜାର ଲୋକ ପ୍ରତିଦିନ ଏହି ଓଭରବ୍ରିଜ୍‌ ଦେଇ ରାଜଧାନୀକୁ ଆସିଥାନ୍ତି। ଏହା ସହିତ ଏହି ରାସ୍ତା ଦେଇ କ୍ୟାପିଟାଲ ହସ୍ପିଟାଲକୁ ଦୈନିକ ବହୁ ଆମ୍ବୁଲାନ୍ସ ମଧ୍ୟ ଯା’ଆସ କରିଥାଏ। ପୁରୀ ଜିଲ୍ଲାର ବହୁ ଗୁରୁତର ରୋଗୀ ରେଫର୍ ହୋଇ ଏହି ରାସ୍ତା ଦେଇ କ୍ୟାପିଟାଲ ହସ୍ପିଟାଲକୁ ଆସିଥାନ୍ତି। କିନ୍ତୁ ଅଣଓସାରିଆ ରାସ୍ତା ପାଇଁ ଏହି ବ୍ରିଜ ଉପରେ ସବୁବେ‌ଳେ ଆମ୍ବୁଲାନ୍ସ ସମସ୍ୟାର ସମ୍ମୁଖୀନ ହେଉଛନ୍ତି।  ରୋଗୀଙ୍କୁ ନେଇ ଯାଉଥିବା ଆମ୍ବୁଲାନ୍ସ ବହୁ ସମୟ ଧରି ରାସ୍ତାରେ ଅଟକି ରହୁଥିବାରୁ ଜରୁରୀ ଚିକିତ୍ସା ପାଇବାରେ ବିଳମ୍ବ ହେବା ସହ ରୋଗୀଙ୍କ ଜୀବନ ପ୍ରତି ବିପଦ ବଢ଼ୁଛି। ଘରୋଇ ଆମ୍ବୁଲାନ୍ସ ଡ୍ରାଇଭର ଋତୁରାଜଙ୍କ ଅଭିଯୋଗ ଅନୁସାରେ, ଗତ ୩୧ ତାରିଖ ଦିନ ସେ ଜଣେ ଗର୍ଭବତୀଙ୍କୁ ‌ନେଇ କ୍ୟାପିଟାଲ ହସ୍ପିଟାଲ ଆସୁଥିଲେ। ସେ ରବି ଟକିଜ୍‌ ଛକଠାରୁ ଶିଶୁଭବନ ଛକ ପର୍ଯ୍ୟନ୍ତ ମାତ୍ର ଅଢ଼େଇ କିମି ରାସ୍ତା ପାରି ହେବାକୁ ୨୦ ମିନିଟ୍‌ରୁ ଅଧିକ ସମୟ ଲାଗିଥିଲା। ମହିଳାଜଣକ ଅସ୍ତବ୍ୟସ୍ତ ହୋଇପଡ଼ିଥିଲେ। ପରେ ତାଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା। 

Women farmers: ନବରଂଗପୁର ମହିଳା ଚାଷୀଙ୍କ ଉତ୍ପାଦିତ ସାମଗ୍ରୀ ଏବେ ଅମେରିକା ଓ ଲଣ୍ଡନରେ ବିକ୍ରି

ସେହିପରି ଓଭରବ୍ରିଜରୁ ଅନତି ଦୂରରେ ଦୁଇ ଦୁଇଟି ବିଦ୍ୟାଳୟ ରହିଛି। ତେଣୁ ପ୍ରତିଦିନ ବହୁ ଛାତ୍ରଛାତ୍ରୀ ଓଭରବ୍ରିଜ ରାସ୍ତା ପାରି ହୋଇ ବିଦ୍ୟାଳୟକୁ ଯାଉଛନ୍ତି। ପୂର୍ବରୁ ଥିବା ଫୁଟ୍‌ପାଥ ରାସ୍ତା ଚଉଡ଼ା କରାଯିବାକୁ ଭାଙ୍ଗି ଦିଆଗଲା।  ଏନେଇ ପୂର୍ତ୍ତ ବିଭାଗ ପକ୍ଷରୁ କୁହାଯାଇଛି ଯେ, ଶିଶୁଭବନ ଓଭରବ୍ରିଜ୍‌ର ଚଉଡ଼ା ଆବଶ୍ୟକତା ତୁଳନାରେ କମ୍‌ ରହିଛି। ତେଣୁ ଉଭୟ ପାର୍ଶ୍ୱରେ ଥିବା ପ୍ରାୟ ଦେଢ଼ ମିଟର ଲେଖାଏଁ ପାଦଚଲା ରାସ୍ତାକୁ ଭାଙ୍ଗି ଯାନବାହାନ ଚଳାଚଳ ରାସ୍ତା ସହ ମିଶାଇ ଦିଆଯାଇଛି। ପୂର୍ବରୁ ଲଗାଯାଇଥିବା ଷ୍ଟିଲ ଓ ପ୍ଲାଷ୍ଟିକ ଡିଭାଇଡର୍‌ ଚୋରି ହୋଇଯିବାରୁ ଏବେ କଂକ୍ରିଟ ଡିଭାଇଡର୍‌ ଲଗାଯାଇଛି। ଏନେଇ ଟ୍ରାଫିକ ପୁଲିସ ପକ୍ଷରୁ କୁହାଯାଇଛି, ଶିଶୁଭବନ ଛକରେ ଆମ୍ବୁଲାନ୍ସକୁ ରାସ୍ତା ଛାଡ଼ିବା ପାଇଁ ସ୍ବତନ୍ତ୍ର ଭାବେ ଜଣେ ଟ୍ରାଫିକ ପୁଲିସକୁ ନିୟୋଜିତ କରାଯାଇ ସଚେତନ କରାଯାଉଛି।

Read Entire Article
LEFT SIDEBAR AD

Hidden in mobile, Best for skyscrapers.