Royal Bengal Tiger: ଛତିଶଗଡ଼ରୁ ଡେବ୍ରିଗଡ଼ ଆସିଛି ମହାବଳ ବାଘ, କ୍ୟାମେରା ଟ୍ରାପ୍‌ରୁ ମିଳିଲା ପ୍ରମାଣ

1 day ago 3
ARTICLE AD BOX

ସମ୍ବଲପୁର: ଡେବ୍ରିଗଡ଼ ଅଭୟାରଣ୍ୟକୁ ଆସିଥିବା ମହାବଳ ବାଘର ପୂର୍ବ ଅବସ୍ଥିତି ସମ୍ପର୍କରେ ଗୁରୁତ୍ୱପୂର୍ଣ୍ଣ ତଥ୍ୟ ମିଳିଛି। ଗତ ୯ ନଭେମ୍ବର ୨୦୨୬ରେ ଡେବ୍ରିଗଡ଼ ଅଭୟାରଣ୍ୟକୁ ଆସିଥିବା ଅଣ୍ଡିରା ମହାବଳ ବାଘ ପୂର୍ବରୁ ଛତିଶଗଡ଼ର ଉଦନ୍ତୀ–ସୀତାନଦୀ ବ୍ୟାଘ୍ର ସଂରକ୍ଷିତ ଅଞ୍ଚଳରେ ରହିଥିବା ସ୍ପଷ୍ଟହୋଇଥିବା କହିଛନ୍ତି ବନ୍ୟପ୍ରାଣୀ ବିଭାଗ ଡିଏଫଓ ଅଂଶୁ ପ୍ରଜ୍ଞା ଦାସ। ଛତିଶଗଡ଼ ବନ ବିଭାଗ ଅଧିକାରୀଙ୍କଠାରୁ ମିଳିଥିବା କ୍ୟାମେରା ଟ୍ରାପ୍‌ ଫଟୋରେ ବାଘର ଶରୀରରେ ଥିବା ଡୋରା ଚିହ୍ନକୁ ବିଶ୍ଳେଷଣ କରାଯିବା ପରେ ଏହା ନିଶ୍ଚିତ ହୋଇଛି। ୨୦୨୫ ମସିହାରେ ଏହି ବାଘ ପ୍ରାୟ ୬ ମାସ ଧରି ଉଦନ୍ତୀ–ସୀତାନଦୀ ବ୍ୟାଘ୍ର ସଂରକ୍ଷିତ ଅଞ୍ଚଳରେ କ୍ୟାମେରା ଟ୍ରାପ୍‌ରେ ଚିହ୍ନଟ ହୋଇଥିଲା। ତେବେ ବାଘର ଗତିବିଧି ସମ୍ପର୍କରେ ଅଧିକ ତଥ୍ୟ ଜାଣିବା ପାଇଁ କ୍ୟାମେରା ଟ୍ରାପ୍‌ ତଥ୍ୟର ବିଶ୍ଳେଷଣ ଜାରି ରହିଛି।

ମହାବଳ ବାଘ ମୂଳତଃ ମହାରାଷ୍ଟ୍ରର

ଅନ୍ୟପକ୍ଷରେ ଏହି ମହାବଳ ବାଘ ମୂଳତଃ ମହାରାଷ୍ଟ୍ରରୁ ବାହାରି ଅନ୍ୟ ଅଞ୍ଚଳକୁ ଯାଇଥାଇପାରେ ବୋଲି ବନ ଅଧିକାରୀମାନେ ଅନୁମାନ କରୁଛନ୍ତି। ତେବେ ମହାରାଷ୍ଟ୍ରରୁ ବାଘର ସ୍ଥାନାନ୍ତରଣ ଓ ଏହାର ପୂର୍ବ ଗତିପଥ ସମ୍ପର୍କରେ ଏପର୍ଯ୍ୟନ୍ତ କୌଣସି କ୍ୟାମେରା ଟ୍ରାପ୍‌ ପ୍ରମାଣ ମିଳିନାହିଁ। ବାଘଟି କେଉଁ କେଉଁ ଜଙ୍ଗଲ ଦେଇ ଡେବ୍ରିଗଡ଼ରେ ପହଞ୍ଚିଛି, ସେ ସମ୍ପର୍କରେ ଅଧିକ ତଥ୍ୟ ଜାଣିବା ପାଇଁ ଡେବ୍ରିଗଡ଼ କର୍ତ୍ତୃପକ୍ଷ ଜାତୀୟ ବ୍ୟାଘ୍ର ସଂରକ୍ଷଣ ପ୍ରାଧିକରଣ (ଏନ୍‌ଟିସିଏ)କୁ ଅନୁରୋଧ କରିଛନ୍ତି। ବାଘର ପୂର୍ବ ସ୍ଥାନାନ୍ତରଣ ସମ୍ପର୍କରେ ଏନ୍‌ଟିସିଏ ନିକଟରେ ଉପଲବ୍ଧ ଅତିରିକ୍ତ ତଥ୍ୟ ପ୍ରଦାନ କରିବାକୁ କୁହାଯାଇଛି।

Minerals in Balasore: ବାଲେଶ୍ବରରେ ଲଘୁଖଣିଜ ମହାଲୁଟ୍‌: ରୟାଲଟି ଅପେକ୍ଷା ଜରିମାନା ଆଦାୟ ଅଧିକ

Read Entire Article
LEFT SIDEBAR AD

Hidden in mobile, Best for skyscrapers.