Rahul Gandhi: ବିଜେପି ଶାସନରେ ଭାରତ ଆଉ ଗଣତନ୍ତ୍ର ହୋଇ ରହିନାହିଁ: ରାହୁଲ ଗାନ୍ଧୀ

2 days ago 2
ARTICLE AD BOX

ହାଇଦ୍ରାବାଦ: ବିଜେପି ସରକାରଙ୍କ ନେତୃତ୍ବରେ ଭାରତରେ ଆଉ ଗଣତନ୍ତ୍ର ରହିନାହିଁ ବୋଲି କଂଗ୍ରେସ ନେତା ରାହୁଲ ଗାନ୍ଧୀ ଶନିବାର କହିବା ସହିତ ୨୦୧୪ ପରେ ଦେଶରେ ଗଣତାନ୍ତ୍ରିକ ପ୍ରତିଷ୍ଠାନଗୁଡ଼ିକୁ ଦୁର୍ବଳ କରାଯାଉଛି ବୋଲି କହିଛନ୍ତି। ତେଲେଙ୍ଗାନା ସରକାରଙ୍କ ଦ୍ବାରା ଆୟୋଜିତ ଭାରତ ସମ୍ମିଳନୀରେ ଉଦ୍‌ବୋଧନ ଦେଇ ଗାନ୍ଧୀ କହିଛନ୍ତି ଯେ, ଯଦି ଭାରତୀୟ ନିର୍ବାଚନ କମିସନ ୧୪ କୋଟି ଭୋଟରଙ୍କୁ ଅବୈଧ ଘୋଷଣା କରନ୍ତି, ତାହାହେଲେ ନିର୍ବାଚନ କିପରି ବୈଧ ହୋଇପାରିବ।

ଭାରତ ପ୍ରକୃତରେ ଆଉ ଗଣତନ୍ତ୍ର ନୁହେଁ
ଗାନ୍ଧୀ ଭାରତୀୟ ଜନତା ପାର୍ଟି ଓ କେନ୍ଦ୍ର ସରକାରଙ୍କୁ ସମାଲୋଚନା କରି କହିଛନ୍ତି ଯେ, ଦୁନିଆରେ ଗଣତାନ୍ତ୍ରିକ ଆନ୍ଦୋଳନ ପାଇଁ ଏହା ଗୁରୁତ୍ୱପୂର୍ଣ୍ଣ ଯେ, ଭାରତ ଏକ ଗଣତନ୍ତ୍ର ହୋଇରହୁ। କିନ୍ତୁ ଆମେ ଯାହା ଦେଖୁଛୁ ଓ ପ୍ରମାଣ ପାଉଛୁ ତାହା ହେଉଛି ଯେ, ଭାରତ ପ୍ରକୃତରେ ଆଉ ଗଣତନ୍ତ୍ର ନୁହେଁ। ଗାନ୍ଧୀ ଅଭିଯୋଗ କରିଛନ୍ତି ଯେ, ୨୦୧୪ଲୋକସଭା ନିର୍ବାଚନ ଭାରତର ରାଜନୈତିକ ଦୃଶ୍ୟପଟରେ ଏକ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ଆସିଥିଲା, ରାଜନୈତିକ ବ୍ୟବସ୍ଥାରେ ଲକ୍ଷ ଲକ୍ଷ ଡଲାର ପ୍ରବେଶ କରାଯାଇଥିଲା ଓ ପ୍ରଚାରର ଏକ ନୂତନ ଶୈଳୀ ଉଭା ହୋଇଥିଲା।

ମୋର ଗୋଟିଏ ନିବେଦନ ଈଶ୍ବର ଜଣେ: ରାଜେନ୍ଦ୍ର ରାଠୋର

ସେ ଦାବି କରିଛନ୍ତି ଯେ, ୨୦୧୪ରେ ଦେଶରେ ଗଣତନ୍ତ୍ର ନଷ୍ଟ ହୋଇଯାଇଥିବା କଂଗ୍ରେସ ଜାଣିପାରିଛି। ସମ୍ମିଳନୀରେ ଭାଗ ନେଇପାରି ନଥିବା ବିଦେଶୀ ପ୍ରତିନିଧିଙ୍କୁ ସେ କ୍ଷମା ପ୍ରାର୍ଥନା କରିଛନ୍ତି, କେନ୍ଦ୍ର ସରକାର ସେମାନଙ୍କୁ ଅଂଶଗ୍ରହଣ କରିବାରୁ ବାରଣ କରିଥିବା ଅଭିଯୋଗ କରିଛନ୍ତି। ଗାନ୍ଧୀ କହିଛନ୍ତି ଯେ, ଏହି ଘଟଣା ଆମେ ଭାରତରେ କ’ଣ କ’ଣ ମୁକାବିଲା କରୁଛୁ ତାହାର ଏକ ଅନୁଭବ ପ୍ରଦାନ କରୁଛି।

Read Entire Article
LEFT SIDEBAR AD

Hidden in mobile, Best for skyscrapers.