ARTICLE AD BOX
ଭୁବନେଶ୍ବର/ବାଲିଅନ୍ତା ବଜାର: କୁଆଖାଇ ନଦୀରେ ଜଳ ସଂରକ୍ଷଣ ପାଇଁ ଆନିକଟ୍ ନିର୍ମାଣ ପରେ ଏହାର ଆଖପାଖ ଜନବସତି ସବୁ ବିପଦ ଭିତରକୁ ଚାଲି ଆସିଛି। ଏହାର ଉଛୁଳା ଜଳ ନଦୀର ଦୁଇପାର୍ଶ୍ବ ଜନବସତି, ଜମିଜମା ସହ ଅନ୍ୟାନ୍ୟ ନିର୍ମାଣକୁ ବ୍ୟାପକ କ୍ଷତି ପହଞ୍ଚାଇବା ବୋଲି ଉତ୍ତର ଭୁବନେଶ୍ବର ଉନ୍ନୟନ ପରିଷଦ ଅଭିଯୋଗ କରିଛି। ଏହାର ପ୍ରତିକାର ପାଇଁ ତୁରନ୍ତ କୁଆଖାଇ ନଦୀର ଦୁଇପାର୍ଶ୍ବରେ ହରିଦାସପୁରଠାରୁ ବାଲିଅନ୍ତା ପର୍ଯ୍ୟନ୍ତ ସାବରମତୀ ନଦୀ ଢାଞ୍ଚାରେ ସୁଉଚ୍ଚ ନଦୀବନ୍ଧ ସହ ରାସ୍ତା ନିର୍ମାଣ କରିବାକୁ ପରିଷଦ ଦାବି କରିଛି।
Indravati river: ଇନ୍ଦ୍ରାବତୀର ଦୁଇ ରୁପ, ଏବେ ନାଳ, ବର୍ଷା ହେଲେ ନଦୀ
ସାବରମତୀ ନଦୀ ଢାଞ୍ଚାରେ ବନ୍ଧ ସହ ରାସ୍ତା ନିର୍ମାଣ ଦାବି
ଆଜି ଏକ ସାମ୍ବାଦିକ ସମ୍ମିଳନୀରେ ପରିଷଦର ସଭାପତି ପ୍ରଭାତ ଦାଶ କହିଛନ୍ତି, କୁଆଖାଇ ଓ ଏହାର ଶାଖା ନଦୀ କୁଶଭଦ୍ରାରେ ଜଳସଂପଦ ବିଭାଗ ପକ୍ଷରୁ ୨ଟି ଆନିକଟ୍ ନିର୍ମାଣ ଶେଷ ପର୍ଯ୍ୟାୟରେ ପହଞ୍ଚିଲାଣି। ଆନିକଟ୍ କାର୍ଯ୍ୟକାରୀ ହେଲେ, ନଦୀର ସଂରକ୍ଷିତ ଜଳସ୍ତର ୫ରୁ ୬ ମିଟର ରହିବ। ଯେହେତୁ ନଦୀର କୂଳ ନିକଟରେ କୌଣସି ବନ୍ଧ ନାହିଁ, ଏହି ଜଳ କୁଆଖାଇର ଉଭୟ ପାର୍ଶ୍ବକୁ ମାଡ଼ି ଆସିବ ଓ ଉଭୟ ପାର୍ଶ୍ବରେ ଥିବା ଜମି, ଜନବସତି, ବ୍ୟବସାୟିକ ପ୍ରତିଷ୍ଠାନ, ମନ୍ଦିର, ବିଦ୍ୟାଳୟ ଓ ବାଲିଅନ୍ତା ହାଟ ଭଳି ଗୁରୁତ୍ୱପୂର୍ଣ୍ଣ ସ୍ଥାନ ଜଳମଗ୍ନ ହେବାର ଆଶଙ୍କା ରହିଛି। ଏହି କ୍ଷତିକୁ ବିଚାର କରି ୨/୩ ବର୍ଷ ତଳୁ ପରିଷଦ ସରକାରଙ୍କୁ କୁଆଖାଇ ନଦୀର ହରିଦାସପୁରଠାରୁ ବାଲିଅନ୍ତା ପର୍ଯ୍ୟନ୍ତ ଉଭୟ ପାର୍ଶ୍ବ ସୁଉଚ୍ଚ ବନ୍ଧ ନିର୍ମାଣ ପାଇଁ ରାଜ୍ୟ ସରକାରଙ୍କ ନିକଟରେ ଦାବି କରି ଆସୁଛି। । ପ୍ରତିବର୍ଷ ନଦୀକୂଳରୁ ମାଟି ଧସି ଅନେକ ଅଞ୍ଚଳ ନଦୀଗର୍ଭକୁ ଲୀନ ହେଉଥିବାରୁ ଏହାର ସ୍ଥାୟୀ ପ୍ରତିକାର ଜରୁରୀ ହୋଇପଡ଼ିଛି। ଏହି ନଦୀବନ୍ଧ ନିର୍ମାଣ ହେଲେ ବନ୍ୟା ଓ ନଦୀକୂଳ କ୍ଷୟରୁ ଅଞ୍ଚଳବାସୀ ସୁରକ୍ଷା ପାଇବା ସହ ଯାତାୟାତ ସୁବିଧା, ଭୁବନେଶ୍ୱରର ସୌନ୍ଦର୍ଯ୍ୟବୃଦ୍ଧି ଓ ପର୍ଯ୍ୟଟନର ବିକାଶ ହୋଇପାରିବ। ଏଥିପ୍ରତି ସରକାର ଗୁରୁତ୍ୱ ଦେଇ ଆବଶ୍ୟକ ପଦକ୍ଷେପ ନେବାକୁ ସଭାପତି ଶ୍ରୀ ଦାଶ ସରକାରଙ୍କୁ ନିବେଦନ କରିଛନ୍ତି।
SP Officer’s Driver ‘ଛିନତାଇ ଏକ୍ସପର୍ଟ’ ଏସ୍ପିଙ୍କ ଗାଡ଼ିଚାଳକ! ଅପରାହ୍ଣ ୪ଟାରେ ଆରମ୍ଭ କରୁଥିଲା ଅଭିଯାନ

31 minutes ago
1


