1 hour ago
1
ARTICLE AD BOX
ଖଣ୍ଡଗିରି: ଖଣ୍ଡଗିରି-ଉଦୟଗିରି ଐତିହ୍ୟ ପାହାଡ଼କୁ ସୁରକ୍ଷା ଦେବାକୁ ହୋଇଥିବା କଟକଣା ଫୁସ୍ ହୋଇଯାଇଛି। ଉଭୟ ପାହାଡ଼ର ମଝି ରାସ୍ତାକୁ ବ୍ୟାରିକେଡ୍ ପକାଇ ବନ୍ଦ କରିବାକୁ ପୂର୍ବରୁ ନିୟମ ହୋଇଥିବା ବେଳେ ଏବେ ବ୍ୟାରିକେଡ୍ର ନାଁ ଗନ୍ଧ ନାହିଁ। ପାନ୍ଥିକା ନିକଟରୁ ବ୍ୟାରିକେଡ୍ ଏକ ବର୍ଷରୁ ଅଧିକ ସମୟ ପୂର୍ବରୁ ହଟି ସାରିଥିବା ବେଳେ ଜୟଦେବବାଟିକା ନିକଟରେ ବ୍ୟାରିକେଟ୍ ଥାଇ ବି ନଥିଲା ଭଳି ରହିଛି। ଯିଏ ଯେତେ ବେଳେ ଆସିଲା ଏହି ବ୍ୟାରିକେଡ୍ ହଟାଇ ଗାଡ଼ି ନେଇ ଯାଉଛନ୍ତି। ବର୍ତ୍ତମାନ ପାହାଡ଼ ନିକଟରେ ପର୍ଯ୍ୟଟକଙ୍କ ଭିଡ଼ ଲାଗିବା ଆରମ୍ଭ ହୋଇଯାଇଥିବାରୁ ଅବାଧ ଗାଡ଼ି ଚଳାଚଳ କାରଣରୁ ଅଘଟଣ ଘଟିବା ନେଇ ଆଶଙ୍କା ସୃଷ୍ଟି ହୋଇଛ। ଏପରିକି ପର୍ଯ୍ୟଟକ ଓ ଗାଡ଼ିଚାଳକଙ୍କ ମଧ୍ୟରେ ବିଭିନ୍ନ ସମୟରେ ତୁତୁମେମେ ପରିସ୍ଥିତି ଉପୁଜୁଛି। ରାତି ସମୟରେ ଏହି ରାସ୍ତାରେ ଅସାମାଜିକଙ୍କ ଆଡ଼ା ଜମୁଛି। ଦୁଇ ଓ ଚାରିଚକିଆ ଯାନ ସବୁ ଏଠାରେ ଲାଗୁଛି। ସୌନ୍ଦର୍ଯ୍ୟୀକରଣ ପାଇଁ ପଡ଼ିଥିବା ବେଞ୍ଚ ଖୋଲା ବାର୍ ପାଲଟୁଛି। ପୁଲିସ ଗାଡ଼ି ପାଟ୍ରୋଲିଂ ପାଇଁ ଆସୁ ନଥିବାରୁ ଅସାମାଜିକଙ୍କ ପ୍ରାଦୁର୍ଭାବ ବଢ଼ୁଛି।
ସୂଚନା ମୁତାବକ, ପାର୍କିଂ ସ୍ଥଳ ପୂର୍ବରୁ ଅସ୍ଥାୟୀ ଲୁହା ବ୍ୟାରିକେଡ୍ କରାଯାଇ ଦୁଇ ଓ ଚାରିଚକିଆ ଗାଡ଼ିଗୁଡ଼ିକୁ ପାର୍କିଂ ପାଖକୁ ଛଡ଼ାଯାଉଥିଲା। ଏହା ଭିତରକୁ ସମ୍ପୂର୍ଣ୍ଣ ଗାଡ଼ି ଚଳାଚଳ ବନ୍ଦ ଥିଲା। ଖଣ୍ଡଗିରି ଟ୍ରାଫିକ୍ ଛକ ଆଡ଼ୁ ଆସୁଥିବା ଗାଡ଼ି ପାଇଁ ପାନ୍ଥିକା ନିକଟ ଶୌଚାଳୟ ପାଖରେ ଓ ବିପରୀତ ଦିଗରୁ ଆସୁଥିବା ଗାଡ଼ିଗୁଡ଼ିକୁ ଜୟଦେବ ବାଟିକା ଫାଟକ ନିକଟରେ ବ୍ୟାରିକେଡ୍ ପକାଯାଇ କଟକଣା କରାଯାଇଥିଲା। ପର୍ଯ୍ୟଟକମାନେ ନିର୍ଦ୍ଦିଷ୍ଟ ସ୍ଥାନରେ ଗାଡ଼ି ରଖି ଚାଲିଚାଲି ଯାଉଥିଲେ। ଏବେ ଦୁଇପାର୍ଶ୍ବ ମୁକୁଳା ଥିବାରୁ ଗାଡ଼ିଗୁଡ଼ିକ ଅବାଧରେ ପ୍ରବେଶ କରୁଛନ୍ତି। କେବଳ ଖଣ୍ଡଗିରିବାରି ପଟେ କମିସନରେଟ୍ ପୁଲିସର ଦୁଇଟି ବ୍ୟାରିକେଡ୍ ଓ ଦୁଇଟି ଲୁହା ପାହାଚ ଗାଡ଼ି ଜଗିବା ପାଇଁ ରଖାଯାଇଛି। ମାତ୍ର ଏହାକୁ କେହି ବି ମାନୁନାହାନ୍ତି। ସେହିପରି ରାସ୍ତାପାର୍ଶ୍ବରେ ଥିବା ସ୍ଥାୟୀ ଲୁହାବାଡ଼ରେ ବାଇକ୍ ଗଳିଯିବା ଭଳି ଫାଙ୍କ ରଖାଯାଇଥିବାରୁ ଅନାୟସରେ ବାଇକ୍ ଯା’ଆସ କରୁଛି। ସେହିପରି ସ୍ଥାୟୀ ବ୍ୟାରିକେଡ୍ ଲଗାଯିବା ନେଇ ଏଏସ୍ଆଇ କର୍ତ୍ତୃପକ୍ଷ ହାତ ଟେକିଦେଇଛନ୍ତି।
Rajasthan: ମରୁଡ଼ି ପ୍ରଭାବିତ ଅଞ୍ଚଳ ପାଇଁ ଭଜନଲାଲଙ୍କ ୯୩୨୧ କୋଟିର ପ୍ୟାକେଜ୍ ଘୋଷଣା
ସ୍ଥାନୀୟ ଜଣେ ବ୍ୟବସାୟୀଙ୍କ କହିବା ଅନୁଯାୟୀ ପୂର୍ବରୁ ରାସ୍ତାରେ ଭାରୀଯାନ ଚଳାଚଳ କଟକଣା ପାଇଁ ଲାଗିଥିବା ଓଭରହେଡ୍ ବ୍ୟାରିକେଡ୍କୁ ହଟା ଯାଇଥିଲା। ତା’ ବଦଳରେ ପାନ୍ଥିକା ନିକଟରେ ଟୋଲ୍ ମଧ୍ୟ ଲାଗିଥିଲା। କିନ୍ତୁ କାର୍ଯ୍ୟକାରୀ ହେଲାନି। ଖଣ୍ଡଗିରି ପଟୁ ଲୁହା ବାଧକକୁ ହଟାଇ ଦିଆଯାଇଛି। ବିପରୀତ ଦିଗରୁ ସ୍ଥାୟୀ ବନ୍ଦୋବସ୍ତ କରାଯାଇଥିବାରୁ ଗାଡ଼ି ପଶି ପାରୁନାହିଁ। କିନ୍ତୁ ଗୋଟିଏ ଦିଗରୁ ଗାଡ଼ି ପଶି ଯାଉଥିବାରୁ ଭିତରେ ଭିଡ଼ ଜମୁଛି। ଦିନରାତି ଏବେ ପୁଣି ପାହାଡ଼ ଭିତରକୁ ବସ୍, କାର୍, ଅଟୋ, ବାଇକ୍ ଯାତାୟାତ କରୁଛି। ପର୍ଯ୍ୟଟକ ପୂର୍ବଭଳି ସ୍ୱଚ୍ଛନ୍ଦରେ ବୁଲାବୁଲି କରିପାରୁନାହାନ୍ତି। ଏ ସମ୍ପର୍କରେ ଏଏସ୍ଆଇ ଅଧୀକ୍ଷକ ଏନ୍କେ ସ୍ବାଇଁ, ଗଣମାଧ୍ୟମକୁ କିଛି କହିବାକୁ ମନା କରିଦେଇଛନ୍ତି।
