JIo Odisha: ଜିଓ ଓଡ଼ିଶା କର୍ମଚାରୀଙ୍କ ସଫେଇ କାର୍ଯ୍ୟକ୍ରମ

3 hours ago 1

ARTICLE AD BOX

ସ୍ୱଚ୍ଛ ଭାରତ ମିସନ୍’ ଅନ୍ତର୍ଗତ ‘ସ୍ୱଚ୍ଛତା ହିଁ ସେବା’ ଅଭିଯାନର ଏକ ଅଂଶ ଭାବରେ ରିଲାଏନ୍ସ ଜିଓର ଓଡ଼ିଶା କର୍ମଚାରୀମାନେ ରାଜ୍ୟର ବିଭିନ୍ନ ସ୍ଥାନରେ ସଫେଇ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ।

ଭୁବନେଶ୍ୱର: ‘ସ୍ୱଚ୍ଛ ଭାରତ ମିସନ୍’ ଅନ୍ତର୍ଗତ ‘ସ୍ୱଚ୍ଛତା ହିଁ ସେବା’ ଅଭିଯାନର ଏକ ଅଂଶ ଭାବରେ ରିଲାଏନ୍ସ ଜିଓର ଓଡ଼ିଶା କର୍ମଚାରୀମାନେ ରାଜ୍ୟର ବିଭିନ୍ନ ସ୍ଥାନରେ ସଫେଇ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ। ଭୁବନେଶ୍ୱରରେ ଜିଓ ଓଡ଼ିଶା ରାଜ୍ୟ କାର୍ଯ୍ୟାଳୟ ପକ୍ଷରୁ ଭୁବନେଶ୍ୱର ମହାନଗର ନିଗମ ସହ ମିଳିତ ଭାବେ ଶନିବାର ଜନତା ମଇଦାନ ନିକଟସ୍ଥ ମହାତ୍ମା ଗାନ୍ଧୀ ପାର୍କ ଏବଂ ଏହାର ଆଖପାଖ ଅଞ୍ଚଳରେ ସଫେଇ କାର୍ଯ୍ୟ ଓ ଜନସଚେତନତା ସୃଷ୍ଟି କରାଯାଇଥିଲା। ଜିଓ ଓଡ଼ିଶା ରାଜ୍ୟ କାର୍ଯ୍ୟଳୟର କର୍ମଚାରୀ ଓ ବରିଷ୍ଠ ଅଧିକାରୀଙ୍କ ସହିତ ମହାନଗର ନିଗମର ସଫେଇ କର୍ମଚାରୀ ଏବଂ ସ୍ଥାନୀୟ କର୍ପୋରେଟର ମଧ୍ୟ ଏଥିରେ ଯୋଗ ଦେଇଥିଲେ।

ଆହୁରି ପଢନ୍ତୁ: UN: ଜାତିସଂଘରେ ଭାରତର ପାଲଟା ପ୍ରହାର: ଆତଙ୍କବାଦ ପାଇଁ ପାକ୍‌ ପରିଣାମ ଭୋଗିବାକୁ ବାଧ୍ୟ

ରାଜ୍ୟର ୨୫ରୁ ଅଧିକ ସ୍ଥାନରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ଯେଉଁଥିରେ ୩୦୦ରୁ ଅଧିକ କର୍ମଚାରୀ ଅଂଶଗ୍ରହଣ କରିଥିଲେ। ଦେଶ ‘ସ୍ୱଚ୍ଛ ଭାରତ ମିସନ୍‌’ର ଦ୍ୱାଦଶ ବାର୍ଷିକୀ ପାଳନ କରୁଥିବା ବେଳେ ରିଲାଏନ୍ସ ଜିଓର କର୍ମଚାରୀ ଏବଂ ସେମାନଙ୍କ ପରିବାର ସଦସ୍ୟମାନେ ୧୭ ସେପ୍ଟେମ୍ବରରୁ ୨ ଅକ୍ଟୋବର ପର୍ଯ୍ୟନ୍ତ ସାରା ଦେଶରେ ଏକ ବ୍ୟାପକ ‘ସ୍ୱଚ୍ଛତା ହିଁ ସେବା ୨୦୨୬’ ସଫେଇ ଅଭିଯାନରେ ସାମିଲ ହେଉଛନ୍ତି।