13 hours ago
1
ARTICLE AD BOX
ନୂଆଦିଲ୍ଲୀ: ଭାରତୀୟ ସେନାର ନୂଆ ମୁଖ୍ୟ ଭାବେ ଜେନେରାଲ ଧୀରଜ ସେଠ୍ ଆଜି ଆନୁଷ୍ଠାନିକ ଭାବେ ଦାୟିତ୍ୱ ଗ୍ରହଣ କରିଛନ୍ତି। ପଶ୍ଚିମ ସୀମାନ୍ତରେ ସେନାର ଦୁଇଟି ପ୍ରମୁଖ ଅପରେସନାଲ କମାଣ୍ଡର ନେତୃତ୍ୱ ନେବାର ବିରଳ ଅଭିଜ୍ଞତା ଜେନେରାଲ ସେଠ୍ଙ୍କ ପାଖରେ ରହିଛି। ସେନାକୁ ସ୍ୱାବଲମ୍ବୀ, ଆଧୁନିକ ତଥା ଭବିଷ୍ୟତର ଆହ୍ୱାନର ମୁକାବିଲା ପାଇଁ ପ୍ରସ୍ତୁତ କରିବା ଏବଂ ସୀମା ସୁରକ୍ଷାକୁ ସୁଦୃଢ଼ କରିବା ଦିଗରେ ସେ କାର୍ଯ୍ୟ କରିବେ ବୋଲି ସେନା ପକ୍ଷରୁ କୁହାଯାଇଛି। ସେ ଭାରତର ୧୩ ଲକ୍ଷ ସଦସ୍ୟ ବିଶିଷ୍ଟ ବିଶାଳ ସେନା ବାହିନୀର ୩୧ତମ ସେନାଧ୍ୟକ୍ଷ ହୋଇଛନ୍ତି।
ଅନ୍ୟପକ୍ଷରେ ଜେନେରାଲ ଉପେନ୍ଦ୍ର ଦ୍ୱିବେଦୀ ପ୍ରାୟ ୪୦ ବର୍ଷରୁ ଅଧିକ ସମୟ ଧରି ଦେଶର ସେନା ବାହିନୀରେ ଉଲ୍ଲେଖନୀୟ ସେବା ପ୍ରଦାନ କରିବା ପରେ ମଙ୍ଗଳବାର ଅବସର ଗ୍ରହଣ କରିଛନ୍ତି। ସେନାମୁଖ୍ୟ ଭାବେ ଦାୟିତ୍ୱ ଗ୍ରହଣ କରିବା ପୂର୍ବରୁ ଜେନେରାଲ ସେଠ୍ ଭାରତୀୟ ସେନାର ଉପମୁଖ୍ୟ (ଭାଇସ୍ ଚିଫ୍ ଅଫ୍ ଦି ଆର୍ମି ଷ୍ଟାଫ୍) ଭାବେ କାର୍ଯ୍ୟ କରୁଥିଲେ।
ବର୍ତ୍ତମାନ ବିଶ୍ୱର ଭୂ-ରଣନୀତିକ ପରିବେଶ ଏବଂ ସୁରକ୍ଷା ବ୍ୟବସ୍ଥା ବେଶ୍ ପରିବର୍ତ୍ତନଶୀଳ ରହିଛି। ବିଶେଷ କରି ଅତ୍ୟାଧୁନିକ ପ୍ରଯୁକ୍ତିବିଦ୍ୟାର ପ୍ରୟୋଗ ଏବଂ ଆଧୁନିକ ଯୁଦ୍ଧ କୌଶଳରେ ଆସୁଥିବା ବ୍ୟାପକ ପରିବର୍ତ୍ତନ ଯୋଗୁଁ ସୁରକ୍ଷା କ୍ଷେତ୍ରରେ ନୂଆ ନୂଆ ଆହ୍ୱାନ ସୃଷ୍ଟି ହେଉଛି। ଏଭଳି ଏକ ଜଟିଳ ସମୟରେ ଜେନେରାଲ ସେଠ୍ ଭାରତୀୟ ସେନାର ସର୍ବୋଚ୍ଚ କମାଣ୍ଡ ଗ୍ରହଣ କରିଛନ୍ତି।
