Ganjam Flood: ଠାକୁରେ ଆମ ବହି ଶୁଖାଇ ଦିଅ

ଆଖି ଆଗରେ ଅସୁମାରୀ ସ୍ୱପ୍ନ । ସ୍କୁଲ ଯିବେ, ପାଠ ପଢ଼ିବେ ଆଉ ନିଜ ଭବିଷ୍ୟତ ଗଢ଼ିବେ । ହେଲେ ପ୍ରକୃତିର କୋପ ଆଗରେ ଯେମିତି ସବୁ ସ୍ୱପ୍ନ ଧୂଳିସାତ୍ ହୋଇଯାଇଛି। ବନ୍ୟା ପାଣିରେ ଓଦା ହୋଇଯାଇଛି ଖାତା-ବହି । ଆଉ ଭିଜା ବହିକୁ ଦେଖି କୁନି କୁନି ପିଲାଙ୍କ ମନ ମଧ୍ୟ ଭିଜିଯାଉଛି। ସେଥିପାଇଁ ତ ସ୍କୁଲ ଅଗଣାରେ ଶୁଖାଇବାକୁ ପଡ଼ିଛି ଓଦା ଖାତା-ବହି। ଯେଉଁ ବୟସରେ ପିଲାଙ୍କ ହାତରେ ବହି ଖାତା ରହିବା କଥା, ସେହି ବୟସରେ ଏବେ ସେମାନେ ବନ୍ୟାର କ୍ଷତି ସଜାଡ଼ିବାରେ ଲାଗିଛନ୍ତି । ପାଠପଢ଼ାର ସମୟ ଏବେ ବନ୍ୟା ଦାଉରୁ ନିଜ ଅମୂଲ୍ୟ ଶିକ୍ଷା ସାମଗ୍ରୀକୁ ବଞ୍ଚାଇବାରେ ବିତୁଛି । ଗଞ୍ଜାମ ଜିଲ୍ଲାରେ ବନ୍ୟା ପରେ ବିଭିନ୍ନ ସ୍ଥାନରୁ ଏମିତି ଅନେକ ହୃଦୟବିଦାରକ ଚିତ୍ର ସାମ୍ନାକୁ ଆସିଛି ।