Ganja: ସମ୍ବଲପୁରରୁ ଗଂଜେଇ ନେବାବେଳେ ଧରାପଡିଲା ବିହାରୀ ଝିଅ

2 days ago 3
ARTICLE AD BOX

ଗୟା: ସମ୍ବଲପୁରରୁ ବିହାର ଗଂଜେଇ ଚାଲାଣବେଳେ ଧରାପଡ଼ିଲେ ଯୁବତୀ | ବିହାରର ଗୟା ଜଙ୍କସନରେ ଏଭଳି ଏକ ଘଟଣା ସାମ୍ନାକୁ ଆସିଛି, ଯେଉଁଠାରେ ଆରପିଏଫ୍ (RPF), ସିଆଇବି (CIB), ନାର୍କୋଟିକ୍ସ ବିଭାଗ ଏବଂ ଜିଆରପି (GRP) ର ଏକ ମିଳିତ ଟିମ ଶନିବାର ଦିନ ଜଣେ ୨୨ ବର୍ଷୀୟା ଯୁବତୀଙ୍କୁ ଗିରଫ କରିଛନ୍ତି। ତାଙ୍କ ନିକଟରୁ ୧୨.୭୫୬ କିଲୋଗ୍ରାମ ଗଞ୍ଜେଇ ଜବତ କରାଯାଇଛି। ଜବତ ହୋଇଥିବା ଗଞ୍ଜେଇର ମୂଲ୍ୟ ପ୍ରାୟ ୬ ଲକ୍ଷ ୩୭ ହଜାର ୮୦୦ ଟଙ୍କା ହେବ ବୋଲି ଆକଳନ କରାଯାଇଛି। 

ଆରପିଏଫ୍ ପକ୍ଷରୁ ମିଳିଥିବା ସୂଚନା ମୁତାବକ ଗିରଫ ହୋଇଥିବା ଯୁବତୀଙ୍କ ନାମ ଛୋଟି କୁମାରୀ। ସେ ରୋହତାସ୍ ଜିଲ୍ଲାର କାରଗାହାର ଥାନା ଅନ୍ତର୍ଗତ ସୋନାଡିହ ଗ୍ରାମର ବାସିନ୍ଦା। ସେ ଧନବାଦ-ଶାକୁର ବସ୍ତି ଏକ୍ସପ୍ରେସ (ଟ୍ରେନ୍ ନମ୍ବର ୦୩୬୩୯) ର ଏକ ସାଧାରଣ ବଗିରେ ଯାତ୍ରା କରୁଥିଲେ। ସେ ନେଉଥିବା ଏକ ବ୍ୟାଗ୍ ଭିତରେ ଗଞ୍ଜେଇ ଲୁଚାଇ ରଖାଯାଇଥିଲା। ଗୋପନ ସୂତ୍ରରୁ ଖବର ପାଇ ତାଙ୍କୁ ଗୟା ରେଳ ଷ୍ଟେସନର ଏକ ନମ୍ବର ପ୍ଲାଟଫର୍ମରୁ ଗିରଫ କରାଯାଇଥିଲା |  

ଆହୁରି ପଢନ୍ତୁ: China: ୧୯୮୦ରେ ସୁଯୋଗ ହାତଛଡ଼ା କରିଥିଲା ଭାରତ, ଚୀନ ଆଗେଇଗଲା: ରାଜୀବ ଗାନ୍ଧୀଙ୍କୁ ଦାୟୀ କଲେ ଜୟଶଙ୍କର

ବ୍ୟାଗ୍ ଯାଞ୍ଚ ବେଳେ ମିଳିଲା ଗଞ୍ଜେଇର ୧୨ଟି ପ୍ୟାକେଟ୍
ବ୍ୟାଗ୍ ଯାଞ୍ଚ କରିବା ପରେ ଅଧିକାରୀମାନେ ସେଥିରୁ ଗଞ୍ଜେଇର ୧୨ଟି ପ୍ୟାକେଟ୍ (ବଣ୍ଡଲ୍) ପାଇଥିଲେ, ଯାହାର ମୋଟ ଓଜନ ୧୨.୭୫୬ କିଲୋଗ୍ରାମ ଥିଲା। ମହିଳା ପୋଲିସ କର୍ମଚାରୀଙ୍କ ସହାୟତାରେ ଯୁବତୀଙ୍କୁ ହେପାଜତକୁ ନିଆଯାଇଥିଲା ଏବଂ ଗଞ୍ଜେଇ ଜବତ କରାଯାଇଥିଲା। ପଚରାଉଚରା ବେଳେ ଛୋଟି କୁମାରୀ ପ୍ରକାଶ କରିଛନ୍ତି ଯେ, ସେ ଟଙ୍କା ଲୋଭରେ ଓଡ଼ିଶାର ସମ୍ବଲପୁରରୁ ବିହାରର ସାସାରାମକୁ ଏହି ଗଂଜେଇ ଚାଲାଣ କରୁଥିଲେ |

Read Entire Article
LEFT SIDEBAR AD

Hidden in mobile, Best for skyscrapers.