Cyclone: ବାତ୍ୟା 'ଅକୱାନ' ପାଇଁ କନ୍ଧମାଳରେ ବ୍ୟାପକ ପ୍ରସ୍ତୁତି; ୧୬୧୦ ଜଣଙ୍କୁ ସୁରକ୍ଷିତ ରଖିବାକୁ ଯୋଜନା

40 minutes ago 1
ARTICLE AD BOX

ଘୁ.ଉଦୟଗିରି (ସମୀର କୁମାର ପାଢ଼ୀ): ବାତ୍ୟା 'ଅକୱାନ'କୁ ଦୃଷ୍ଟିରେ ରଖି ସମ୍ଭାବ୍ୟ ବିପଦର ମୁକାବିଲା ପାଇଁ ସ୍ଥାନୀୟ ବ୍ଲକ ଏବଂ ଏନଏସି ପ୍ରଶାସନ ପକ୍ଷରୁ ଆଗୁଆ ପ୍ରସ୍ତୁତି ଆରମ୍ଭ ହୋଇଛି। ଭୂସ୍ଖଳନ ଆଶଙ୍କା ଥିବା ଦୁର୍ଗମ ଓ ଅପହଞ୍ଚ ଅଞ୍ଚଳରୁ ଲୋକଙ୍କୁ ସୁରକ୍ଷିତ ଭାବେ ଉଦ୍ଧାର କରି ବିଭିନ୍ନ ଆଶ୍ରୟସ୍ଥଳକୁ ସ୍ଥାନାନ୍ତର କରାଜୀବ ପାଇଁ ରୂପରେଖ ପ୍ରସ୍ତୁତ କରାଯାଇଛି।

ବାତ୍ୟା ଏବଂ ବର୍ଷା ସୂଚନା ମିଳିଲେ କଳିଙ୍ଗା ଘାଟି କଥା ସମସ୍ତଙ୍କ ମନରେ ଆସିଥାଏ। ବାତ୍ୟା ଆସୁଥିବା ଏବଂ ବର୍ଷା ହେବା ସମ୍ଭାବନା ଭିତରେ ପୁଣି ଥରେ କଳିଙ୍ଗା ଘାଟି ବନ୍ଦ ହେବା ନେଇ ଆଶଙ୍କା ଦେଖା ଦେଇଛି। କନ୍ଧମାଳଜିଲ୍ଲା ପ୍ରଶାସନର ନିର୍ଦେଶକୁ ଅପେକ୍ଷା ଅଛି। ଅନ୍ୟ ପଟେ ଘୁ.ଉଦୟଗିରି ବ୍ଲକ ଅନ୍ତର୍ଗତ ଲିଙ୍ଗାଗଡ଼ ପଞ୍ଚାୟତର ମୁଣ୍ଡାକାଙ୍ଗା ଓ ହାତୀକ୍ଳାଉ, କଦମସାହି ସମେତ ବିଭିନ୍ନ ଅଞ୍ଚଳରୁ ଲୋକଙ୍କୁ ସ୍ଥାନାନ୍ତର କରାଯାଇ ଲିଙ୍ଗାଗଡ଼ ବାଳିକା ଉଚ୍ଚ ବିଦ୍ୟାଳୟ ଓ ପ୍ରାଥମିକ ବିଦ୍ୟାଳୟରେ କତିଙ୍ଗିଆ ପଞ୍ଚାୟତର କିଲାପାଙ୍ଗା ସ୍କୁଲରେ ଆଶ୍ରୟ ସ୍ଥଳ ପ୍ରସ୍ତୁତ କରାଯିବ। 

ପ୍ରଶାସନ ପକ୍ଷରୁ ଦିଆଯାଇଥିବା ତଥ୍ୟ ଅନୁସାରେ କତିଙ୍ଗିଆ, ଲିଙ୍ଗାଗଡ଼, ରଟିଙ୍ଗିଆ, ମାଲିକାପୋଡି, ରାଇକଲା, କଳିଙ୍ଗା, ଗ୍ରେସିଙ୍ଗିଆ ତଲାରୀମାହାର ମୋଟ ୧୪୮୦ ଜଣଙ୍କୁ ବିଭିନ୍ନ ବିଦ୍ୟାଳୟକୁ ସ୍ଥାନାନ୍ତର କରାଯିବ। ସ୍ଥାନୀୟ ଏନଏସି ର ୧ନଂ, ୪ନଂ ଏବଂ ୧୧ନଂ ୱାର୍ଡର ମୋଟ ୧୩୦ଜଣଙ୍କୁ କଲ୍ୟାଣ ମଣ୍ଡପ ଏବଂ ଅନ୍ୟ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରିବା ଯୋଜନା ପ୍ରସ୍ତୁତ କରାଯାଇଛି।

Cyclone today: ଆଜି ବାତ୍ୟା: ୧୭ରେ ଅତିଭୀଷଣ ରୂପ ନେବ

ବ୍ଲକ ପ୍ରଶାସନ ପକ୍ଷରୁ ୧୮ତାରିଖ ଠାରୁ ଏବଂ ଏନଏସି ପକ୍ଷରୁ ୧୯ତାରିଖ ଦିନ ସ୍ଥାନାନ୍ତର କାର୍ଯ୍ୟ ଆରମ୍ଭ ହେବ। ସମ୍ଭାବ୍ୟ ବାତ୍ୟା ଓ ପ୍ରବଳ ବର୍ଷା ଯୋଗୁଁ ପାହାଡ଼ିଆ ଅଞ୍ଚଳରେ ପୁଣି ଭୂସ୍ଖଳନ ହେବାର ଆଶଙ୍କା ରହିଛି। ତେଣୁ କୌଣସି ଜୀବନହାନି ଯେପରି ନହୁଏ, ସେଥିପାଇଁ ପ୍ରଶାସନ ପକ୍ଷରୁ ଦୁର୍ଗମ ଅଞ୍ଚଳରେ ରହୁଥିବା ଲୋକଙ୍କୁ ଚିହ୍ନଟ କରି ସୁରକ୍ଷିତ ସ୍ଥାନକୁ ଅଣାଯିବା ନେଇ ପ୍ରକ ପ୍ରସ୍ତୁତି ସରିଛି। ବିପଦପୂର୍ଣ୍ଣ ଅଞ୍ଚଳରୁ ଲୋକଙ୍କୁ ଆଗୁଆ ସ୍ଥାନାନ୍ତର କରିବା ସହ ଆଶ୍ରୟସ୍ଥଳରେ ସେମାନଙ୍କ ରହିବା ବ୍ୟବସ୍ଥା ଉପରେ ପ୍ରଶାସନ ନଜର ରଖିଛି। ବିଶେଷକରି ରୋଗୀ, ବୃଦ୍ଧବୃଦ୍ଧା ଓ ଶିଶୁମାନଙ୍କ ସୁରକ୍ଷାକୁ ଗୁରୁତ୍ୱ ଦିଆଯାଉଛି। 

Read Entire Article
LEFT SIDEBAR AD

Hidden in mobile, Best for skyscrapers.