59 minutes ago
1
ARTICLE AD BOX
ନୂଆଦିଲ୍ଲୀ- ଅନ୍ଲାଇନ୍ ଖାଦ୍ୟ ଅର୍ଡର ପ୍ରଦାନ କରୁଥିବା କମ୍ପାନୀ ଜୋମେଟୋ ଏହାର ପ୍ଲାଟଫର୍ମରେ ଆନାଲଗ୍ ଡେରୀ ରୁ ପ୍ରସ୍ତୁତ ଡିସ୍ ବିକ୍ରି କରିବା ଉପରେ କଟକଣା ଲଗାଇଛି। କମ୍ପାନୀ କହିଛି ଯେ ଏହି ମାମଲାରେ ଏହାର ଜିରୋ ଟଲରେନ୍ସ ପଲିସି ରହିବ ଓ ନିୟମ ଉଲ୍ଲଂଘନ କରୁଥିବା ରେଷ୍ଟୁରାଣ୍ଟଗୁଡ଼ିକର ଲିଷ୍ଟିଂ ହଟାଯାଇପାରିବ।
ଆହୁରି ପଢ଼ନ୍ତୁ: କୋର୍ଟରେ ବିଚାରପତି କାହିଁକି କାଠ ହାତୁଡ଼ି ବ୍ୟବହାର କରନ୍ତି? ଆପଣ ଜାଣନ୍ତି କି?
କେଉଁ ଡିସ୍ଗୁଡ଼ିକୁ ହଟାଗଲା?
ଜୋମାଟୋର ସୂଚନା ଅନୁଯାୟୀ, ଯେଉଁ ରେଷ୍ଟୁରାଣ୍ଟଗୁଡ଼ିକ ନିଜେ ସୂଚନା ଦେଇଥିଲେ ଯେ ସେମାନଙ୍କର କିଛି ଡିସ୍ରେ ଆନାଲଗ୍ ଡେରୀ ବ୍ୟବହାର କରାଯାଉଛି ସେଗୁଡ଼ିକୁ ତୁରନ୍ତ ପ୍ଲାଟଫର୍ମରୁ ହଟାଇ ଦିଆଯାଇଛି। ଗ୍ରାହକମାନଙ୍କ ସ୍ୱାସ୍ଥ୍ୟ ଓ ଖାଦ୍ୟ ସମ୍ବନ୍ଧୀୟ ସୂଚନାରେ ସ୍ୱଚ୍ଛତା ରକ୍ଷା କରିବା ପାଇଁ ଏହି ନିଷ୍ପତ୍ତି ନିଆଯାଇଥିବା କମ୍ପାନୀ ପକ୍ଷରୁ କୁହାଯାଇଛି।
ରେଷ୍ଟୁରାଣ୍ଟଗୁଡ଼ିକୁ ବର୍ତ୍ତମାନ କ’ଣ କରିବାକୁ ହେବ?
ପ୍ରକୃତ ଡେରୀ ପ୍ରଡକ୍ଟ ବ୍ୟବହାର କରନ୍ତୁ।
ଯଦି ଏହା ତୁରନ୍ତ ସମ୍ଭବ ନୁହେଁ, ତେବେ ଆନାଲଗ୍ ଡେରୀ ଥିବା ଡିସ୍ଗୁଡ଼ିକୁ ମେନୁରୁ ହଟାଇ ଦିଅନ୍ତୁ।
ସପ୍ଲାୟରଙ୍କଠାରୁ ମିଳୁଥିବା ପ୍ରଡକ୍ଟର ଲେବଲ ଏବଂ ସାମଗ୍ରୀର ସୂଚନା ପୁନର୍ବାର ଯାଞ୍ଚ କରନ୍ତୁ।
ଯେଉଁ ଜିନିଷ ବ୍ୟବହାର ହେଉଛି, ତାରି ସଠିକ୍ ସୂଚନା ଜୋମେଟୋକୁ ଦିଅନ୍ତୁ।
ନିୟମ ପାଳନ ନ କଲେ ରେଷ୍ଟୁରାଣ୍ଟଗୁଡ଼ିକୁ ଜୋମେଟୋ ପ୍ଲାଟଫର୍ମରୁ ହଟାଇ ଦିଆଯିବ।
ଆହୁରି ପଢ଼ନ୍ତୁ: ଛତ୍ରପୁର ଉପଖଣ୍ଡ ଚିକିତ୍ସାଳୟ ପରିସରରୁ ଦିବ୍ୟାଙ୍ଗ ନାବାଳିକା ଅପହରଣ ମାମଲା: ପେଷାଦାର ଅପରାଧୀ ଗିରଫ
ଆନାଲଗ୍ ଡେରୀ କ’ଣ?
ଯେଉଁ ପ୍ରଡକ୍ଟରେ କ୍ଷୀରରୁ ପ୍ରସ୍ତୁତ ସାମଗ୍ରୀ ବଦଳରେ ଅନ୍ୟ ପଦାର୍ଥ ବ୍ୟବହାର କରାଯାଏ, କିନ୍ତୁ ତାର ସ୍ୱାଦ ଓ ରୂପ ଅସଲି ଡେରୀ ପରି ହୋଇଥାଏ, ତାହାକୁ ଆନାଲଗ୍ ଡେରୀ କୁହାଯାଏ। ଉଦାହରଣ ସ୍ୱରୂପ, ଆନାଲଗ୍ ପନିରରେ କ୍ଷୀର ବଦଳରେ ବନସ୍ପତି ତେଲ, ଷ୍ଟାର୍ଚ ଏବଂ ଅନ୍ୟାନ୍ୟ ପଦାର୍ଥ ବ୍ୟବହାର କରାଯାଇପାରେ। ଏପରି ପ୍ରଡକ୍ଟ ନିଜେ ବେଆଇନ ନୁହେଁ, କିନ୍ତୁ ଏହାକୁ ଅସଲି ପନିର କିମ୍ବା ଡେରୀ ପ୍ରଡକ୍ଟ ଭାବରେ ବିକ୍ରି କରିବା ଭୁଲ ଅଟେ। ଗ୍ରାହକଙ୍କୁ ସ୍ପଷ୍ଟ ସୂଚନା ଦେବା ଜରୁରୀ ଅଟେ।
ଆନାଲଗ୍ ପନିରକୁ ନେଇ କାହିଁକି ବଢ଼ିଲା ବିବାଦ?
ଦେଶରେ ଗତ କିଛି ସମୟ ହେବ ଆନାଲଗ୍ ପନିରକୁ ନେଇ ଚର୍ଚ୍ଚା ବଢ଼ିଛି। ଏପ୍ରିଲ୍ ୨୦୨୬ରେ ଏଫ୍ଏସ୍ଏସ୍ଆଇ ଏହି ବିଷୟରେ ଏକ ସାର୍ବଜନୀନ ନୋଟିସ୍ ଜାରି କରିଥିଲା। ଏଥିରେ କୁହାଯାଇଥିଲା ଯେ ଆନାଲଗ୍ କିମ୍ବା ଚିଜ୍ ଆନାଲଗ୍କୁ ପନିର ନାମରେ ବିକ୍ରି କରିବା ନିୟମର ଉଲ୍ଲଂଘନ ଅଟେ। FSSAI ରେଷ୍ଟୁରାଣ୍ଟ ଓ ଅନ୍ୟାନ୍ୟ ଖାଦ୍ୟ ବ୍ୟବସାୟୀଙ୍କୁ କହିଥିଲା ଯେ ଯଦି କୌଣସି ପ୍ରଡକ୍ଟରେ ଡେରୀ ବଦଳରେ ଅଣ-ଡେରୀ ସାମଗ୍ରୀ ବ୍ୟବହାର ହେଉଛି, ତେବେ ତାହାକୁ ମେନୁରେ ନନ୍-ଡେରୀ ବା ଆନାଲଗ୍ ଭାବରେ ସ୍ପଷ୍ଟ ଭାବେ ଦର୍ଶାଯିବା ଉଚିତ। ଏହି ମାସରେ ଜାତୀୟ ମାନବିକ ଅଧିକାର ଆୟୋଗ ମଧ୍ୟ ଆନାଲଗ୍ ପନିରକୁ ନେଇ ଓ ସମସ୍ତ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳକୁ ନୋଟିସ୍ ପଠାଇଛି। ଏହାର ବ୍ୟବହାର, ପୋଷଣ, ସ୍ୱାସ୍ଥ୍ୟ ଉପରେ ପ୍ରଭାବ ଓ ଯାଞ୍ଚ ପ୍ରଣାଳୀ ସମ୍ପର୍କରେ ସୂଚନା ମାଗିଛି।
ଆହୁରି ପଢ଼ନ୍ତୁ: ସୁପ୍ରିମକୋର୍ଟରେ ଇଥାନଲ ମାମଲା ଖାରଜ
ଅଧିକ ଦେଖନ୍ତୁ:
