Wedding: ଚର୍ଚ୍ଚାରେ କାବ୍ୟାଙ୍କ ବ୍ରାଇଡାଲ୍ ଲୁକ୍

ଦୀର୍ଘଦିନ ଧରି କାବ୍ୟା ଓ ଅନିରୁଦ୍ଧଙ୍କ ସମ୍ପର୍କ ଏବଂ ବିବାହକୁ ନେଇ ଚର୍ଚ୍ଚା ଲାଗି ରହିଥିଲା। ଶେଷରେ ଗ୍ରୀସ୍‌ରେ ଏକ ଘରୋଇ ସମାରୋହରେ ଉଭୟ ନୂଆ ଜୀବନ ଆରମ୍ଭ କରିଛନ୍ତି।

ଏହି ଅବସରରେ ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ଏମ୍‌.କେ. ଷ୍ଟାଲିନ୍‌ ଓ ସୁପରଷ୍ଟାର ରଜନୀକାନ୍ତ ମଧ୍ୟ ଗ୍ରୀସ୍‌ରେ ପହଞ୍ଚିଥିବା ଜଣାପଡ଼ିଛି। ଏବେ ଭାରତରେ ଏହି ନବଦମ୍ପତିଙ୍କ ପାଇଁ ଏକ ବଡ଼ ଭୋଜିର ଆୟୋଜନ ହେବାକୁ ଯାଉଛି।

କାବ୍ୟାଙ୍କ ବିବାହ ପୋଷାକକୁ ପ୍ରସିଦ୍ଧ ଫ୍ୟାଶନ୍ ଡିଜାଇନର ତରୁଣ ତାହିଲିଆନୀ ଡିଜାଇନ୍ କରିଥିବା ବେଳେ ସେଲିବ୍ରିଟି ଷ୍ଟାଇଲିଷ୍ଟ ଏମି ପଟେଲ୍ ଏହାକୁ ଷ୍ଟାଇଲ୍ କରିଥିଲେ। ସେ ରୋଜ୍ ଗୋଲ୍ଡ ଓ ହାଲୁକା ଗୋଲାପୀ ରଙ୍ଗର ଏକ ମରମେଡ୍ କଟ୍ ଲେହେଙ୍ଗା ପିନ୍ଧିଥିଲେ। ପାରମ୍ପରିକ ବିବାହ ପୋଷାକଠାରୁ ଭିନ୍ନ ଏହି ଲେହେଙ୍ଗାର ଡିଜାଇନ୍ ତାଙ୍କୁ ଏକ ଆଧୁନିକ ଓ ରାଜକୀୟ ଲୁକ୍ ଦେଇଥିଲା।

ବିବାହ ପୋଷାକ ସହ କାବ୍ୟାଙ୍କ ଅଳଙ୍କାର ମଧ୍ୟ ବେଶ୍ ଚର୍ଚ୍ଚାରେ ରହିଛି। ଭାରୀ ଗହଣା ବଦଳରେ ସେ ଏକ ସୁନ୍ଦର ହୀରାର ଚୋକର୍ ହାର ପିନ୍ଧିଥିଲେ। ଏହା ସହ ମେଳ ଖାଉଥିବା ଝୁଲନ୍ତା କାନଫୁଲ ଓ ହାତରେ ହୀରାର ଚୁଡ଼ି ତାଙ୍କ ଲୁକ୍‌କୁ ଆହୁରି ଆକର୍ଷଣୀୟ କରିଥିଲା।