2 days ago
3
ARTICLE AD BOX
ନୂଆଦିଲ୍ଲୀ: ସଂସଦର ମୌସୁମୀ ଅଧିବେଶନ ହଟ୍ଟଗୋଳ ମଧ୍ୟରେ ଶେଷ ହୋଇଛି। ଗୁରୁବାର ‘ବନ୍ଦେ ମାତରମ୍’ ସହିତ ଲୋକସଭାର ଶେଷ ମୌସୁମୀ ଅଧିବେଶନ ଆରମ୍ଭ ହୋଇଥିଲା। ପରେ ଲୋକସଭାର କାର୍ଯ୍ୟ ଅନିର୍ଦ୍ଦିଷ୍ଟ କାଳ ପାଇଁ ସ୍ଥଗିତ ରଖାଯାଇଥିଲା। ଶେଷ ଦିନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଗୃହମନ୍ତ୍ରୀ ଅମିତ ଶାହ ଉପସ୍ଥିତ ଥିଲେ।
ମୌସୁମୀ ଅଧିବେଶନର ଶେଷ ଦିନରେ ଗୁରୁବାର ଲୋକସଭାର କାର୍ଯ୍ୟ ‘ବନ୍ଦେ ମାତରମ୍’ ସହିତ ଆରମ୍ଭ ହୋଇଥିଲା। ସଂସଦରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, କଂଗ୍ରେସ ସାଂସଦ ରାହୁଲ ଗାନ୍ଧୀ ଓ ସମସ୍ତ ସଦସ୍ୟ ଉପସ୍ଥିତ ଥିଲେ। ଜାତୀୟ ଗୀତର ଛଅଟି ପଦ ବାଜିବା ପରେ, ନିମ୍ନ ସଦନକୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବୀ ରଖାଯାଇଥିଲା। ରାଷ୍ଟ୍ରପତି ଦ୍ରୌପଦୀ ମୁର୍ମୁ ‘ବନ୍ଦେ ମାତରମ୍’କୁ ଆଇନଗତ ସୁରକ୍ଷା ପ୍ରଦାନ କରୁଥିବା ଆଇନକୁ ଅନୁମୋଦନ କରିବା ପରେ ଏହାକୁ ଲୋକସଭାରେ ଗାନ କରାଯାଇଥିଲା। ସରକାର ପୂର୍ବରୁ ସରକାରୀ କାର୍ଯ୍ୟକ୍ରମରେ‘ବନ୍ଦେ ମାତରମ୍’ ଗାନକୁ ନିୟନ୍ତ୍ରଣ କରୁଥିବା ପ୍ରୋଟୋକଲ ଜାରି କରିଥିଲେ। ଜାନୁଆରୀ ୨୮ ତାରିଖରେ ଏକ ଆଦେଶରେ କେନ୍ଦ୍ର ଗୃହ ମନ୍ତ୍ରଣାଳୟ ନିର୍ଦ୍ଦେଶ ଦେଇଥିଲା ଯେ, ରାଷ୍ଟ୍ରପତିଙ୍କ ଆଗମନ, ତ୍ରିରଙ୍ଗା ଉତ୍ତୋଳନ ଓ ରାଜ୍ୟପାଳମାନଙ୍କ ଦ୍ୱାରା ଅଭିଭାଷଣ ସମେତ ବିଭିନ୍ନ ଅବସରରେ ଗୀତର ଛଅଟି ପଦ ଗାନ କରାଯିବ।
ସରକାର ଓ ବିରୋଧୀ ଦଳ ମଧ୍ୟରେ ତୀବ୍ର ବାକ୍ ବିନିମୟ ପରେ ଲୋକସଭାକୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବୀ ରଖାଯାଇଥିଲା। ଜୁଲାଇ ୨୦ ରେ ମୌସୁମୀ ଅଧିବେଶନ ଆରମ୍ଭ ହେବା ପରଠାରୁ, ନିଟ୍ ପ୍ରଶ୍ନପତ୍ର ଲିକ୍ ଆନ୍ଦୋଳନ ସମୟରେ ଛାତ୍ର ପ୍ରତିବାଦକାରୀଙ୍କ ଉପରେ ପୁଲିସ କାର୍ଯ୍ୟାନୁଷ୍ଠାନ ଓ ରାମମନ୍ଦିର ଦାନ ଚୋରି ମାମଲା ସମେତ ବିଭିନ୍ନ ପ୍ରସଙ୍ଗକୁ ନେଇ କାର୍ଯ୍ୟ ବାରମ୍ବାର ସ୍ଥଗିତ ରହିଥିଲା। ଶେଷ ଦିନରେ ସଂସଦ ପରିସରରେ ଥିବା ମକର ଦ୍ୱାରରେ ବିଜେପି ଓ ଇଣ୍ଡି ମେଣ୍ଟ ସାଂସଦଙ୍କ ଦ୍ୱାରା ପ୍ରତିବାଦ କରାଯାଇଥିଲା। ଝାଡ଼ଖଣ୍ଡରେ ଚାଲିଥିବା ଛାତ୍ର ଓ ଚାକିରି ଅନ୍ବେଷୀଙ୍କ ପ୍ରତିବାଦକୁ କଂଗ୍ରେସ ସ୍ୱୀକାର କରିବାରେ ବିଫଳ ହୋଇଛି ବୋଲି ଅଭିଯୋଗ କରି ବିଜେପି ରାହୁଲ ଗାନ୍ଧୀଙ୍କ ବିରୋଧରେ ପ୍ରତିବାଦ କରିଥିଲା। ଅନ୍ୟପକ୍ଷରେ ବିରୋଧୀ ଦଳଗୁଡ଼ିକ ମଧ୍ୟ ସେମାନଙ୍କର ଦାବିରେ ଅଟଳ ରହିଥିଲେ।
