1 hour ago
1
ARTICLE AD BOX
କୋଲକାତା: ତୃଣମୂଳ କଂଗ୍ରେସର ପୂର୍ବତନ ବିଧାୟକ ତାପସ ଚାଟାର୍ଜୀ ଏବଂ ବିଶ୍ବଜିତ ଦାସ ଶୁକ୍ରବାର ଋତବ୍ରତ ବାନାର୍ଜୀଙ୍କ ନେତୃତ୍ବାଧୀନ ବିରୋଧୀ ଗୋଷ୍ଠୀକୁ ଭେଟିଛନ୍ତି। ଉଭୟ ନେତା ଅଭିଯୋଗ କରିଛନ୍ତି ଯେ ବିଭିନ୍ନ ରାଜନୈତିକ ପ୍ରସଙ୍ଗ ଉପରେ ମିଳିତ ଆଲୋଚନା ପାଇଁ ମମତାଙ୍କ ନେତୃତ୍ବାଧୀନ ଟିଏମ୍ସିରେ ସୁଯୋଗ ମିଳୁନି। ତେବେ ବିଦ୍ରୋହୀ ଗୋଷ୍ଠୀରେ ଚାଟାର୍ଜୀ ଏବଂ ଦାସଙ୍କୁ ସାମିଲ କରାଯିବା କି ନା’ ସେନେଇ ବିଦ୍ରୋହୀ ଗୋଷ୍ଠୀର ମିଳିତ ନେତୃବୃନ୍ଦ ନିଷ୍ପତ୍ତି ନେବେ ବୋଲି ଋତବ୍ରତ ବାନାର୍ଜୀ କହିଛନ୍ତି। ଆସନ୍ତାକାଲି ଏସଂକ୍ରାନ୍ତରେ ନିଷ୍ପତ୍ତି ନିଆଯିବ ବୋଲି ସେ କହିଛନ୍ତି। ୨୦୧୧ ପଶ୍ଚିମବଙ୍ଗ ବିଧାନସଭା ନିର୍ବାଚନ ପରେ ସିପିଏମ୍ ଛାଡ଼ି ଟିଏମ୍ସିରେ ଯୋଗ ଦେଇଥିବା ଚାଟାର୍ଜୀ କହିଛନ୍ତି, ଦଳର ବରିଷ୍ଠ ନେତାମାନେ ନେତୃବୃନ୍ଦଙ୍କ ସହ ବିଭିନ୍ନ ପ୍ରସଙ୍ଗରେ ଆଲୋଚନା ପାଇଁ ସୁଯୋଗ ପାଉନାହାନ୍ତି।
ଆହୁରି ପଢନ୍ତୁ: Uttarpradesh: ଉତ୍ତରପ୍ରଦେଶରେ ୨ ୱାଣ୍ଟେଡ୍ ଅଭିଯୁକ୍ତଙ୍କୁ ଏନକାଉଣ୍ଟର୍: ଘଟଣାରେ ୨ ପୁଲିସ ଆହତ
ଚାଟାର୍ଜୀ କହିଛନ୍ତି, ତତ୍କାଳୀନ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସହ ଯେକୌଣସି ପ୍ରସଙ୍ଗରେ ଆଲୋଚନା ପାଇଁ ମୁଁ କିଛି ସୁଯୋଗ ପାଇନି। ଟିଏମ୍ସି କ୍ଷମତାରେ ଥିବାବେଳେ ଦଳର ସୁପ୍ରିମୋ ତାଙ୍କୁ ଅଣଦେଖା କରିଥିବା ସେ ଅଭିଯୋଗ କରିଛନ୍ତି। ସେହିପରି ବାଗଦାହ ବିଧାୟକ ବିଶ୍ବଜିତ ଦାସ ମଧ୍ୟ ଋତବ୍ରତ ବାନାର୍ଜୀଙ୍କୁ ବିଧାନସଭାରେ ତାଙ୍କ ଅଫିସ୍ରେ ଭେଟିଛନ୍ତି। ୨୦୧୯ରେ ସେ ଟିଏମ୍ସି ଛାଡ଼ି ବିଜେପିରେ ଯୋଗ ଦେଇଥିଲେ ଏବଂ ୨୦୨୧ ବିଧାନସଭା ନିର୍ବାଚନରେ ସେ ବିଜେପି ଟିକେଟ୍ରେ ନିର୍ବାଚନ ଜିତିଥିଲେ। ତେବେ ମାତ୍ର କିଛି ମାସ ମଧ୍ୟରେ ସେ ପୁଣିଥରେ ଟିଏମ୍ସିକୁ ଆସିଥିଲେ।
