1 day ago
2
ARTICLE AD BOX
କାବୁଲ:ପାକିସ୍ତାନୀ ସେନା ପୁଣି ଥରେ ଆଫଗାନିସ୍ତାନରେ ଏକ ବିମାନ ଆକ୍ରମଣ କରିଛି। ଆଫଗାନିସ୍ତାନ କହିଛି ଯେ, ଏଥିରେ ୯ ଜଣ ସାଧାରଣ ନାଗରିକ ପ୍ରାଣ ହରାଇଛନ୍ତି ଏବଂ ୧୧ ଜଣ ଆହତ ହୋଇଛନ୍ତି। ପାକିସ୍ତାନୀ ସେନା ମଧ୍ୟ କହିଛି ଯେ, ସେମାନେ ଦୁଇଟି ସ୍ଥାନରେ ଆତଙ୍କବାଦୀ ଆଡ୍ଡାକୁ ଟାର୍ଗେଟ କରିଛନ୍ତି। ପାକିସ୍ତାନୀ ସେନା ଦାବି କରିଛି, ୨୨ ଜଣ ଆତଙ୍କବାଦୀ ନିହତ ହୋଇଛନ୍ତି, କିନ୍ତୁ ଏହି ଦାବିର କୌଣସି ସତ୍ୟତା ମିଳି ନାହିଁ। ଏହି ସମୟରେ, ତାଲିବାନ ସରକାରଙ୍କ ମନ୍ତ୍ରୀ ନୁରୁଲ୍ଲାହ ନୁରି ପାକିସ୍ତାନୀ ସେନା ଏବଂ ଆଇଏସଆଇକୁ ଏକ ଗମ୍ଭୀର ଚେତାବନୀ ଦେଇଛନ୍ତି। ସେ କହିଛନ୍ତି ଯେ, ପାକିସ୍ତାନୀ ସେନା ଆଫଗାନିସ୍ତାନର ଇତିହାସରୁ ଶିକ୍ଷା ଗ୍ରହଣ କରିବା ଉଚିତ୍। ଯଦି ତାଲିବାନ ଚାହିଁବ ତେବେ ଦୁଇ ଦିନ ମଧ୍ୟରେ ପାକିସ୍ତାନର ପେଶାୱରରେ ସେମାନଙ୍କର ପତାକା ଉତ୍ତୋଳନ କରିପାରିବ।ନୁରି ଆଫଗାନିସ୍ତାନର କାର୍ଯ୍ୟକାରୀ ସୀମା ବ୍ୟାପାର ମନ୍ତ୍ରୀ। ତାଲିବାନ ମନ୍ତ୍ରୀ ପାକିସ୍ତାନକୁ ଆଫଗାନ ଲୋକଙ୍କ ଧୈର୍ଯ୍ୟ ପରୀକ୍ଷା ନ କରିବାକୁ ଚେତାବନୀ ଦେଇଛନ୍ତି।
ବିପଦର ମୁକାବିଲା କରିବାକୁ ପ୍ରସ୍ତୁତ
ପାକିସ୍ତାନକୁ ଆଫଗାନିସ୍ତାନ ଏବଂ ଏହାର ଲୋକଙ୍କୁ କମ୍ ଭାବେ ଆକଳନ ନକରିବାକୁ ଚେତାବନୀ ଦେଇଛନ୍ତି। ଆଫଗାନିସ୍ତାନ ଏହାର ପଡ଼ୋଶୀମାନଙ୍କ ସହିତ ସଂଘର୍ଷ ଚାହୁଁନାହିଁ, କିନ୍ତୁ ଧମକ ଦେଲେ ଜବାବ ଦେବୁ। ତାଲିବାନ ସେନା ଯେକୌଣସି ସାମରିକ ବିପଦର ମୁକାବିଲା କରିବାକୁ ପ୍ରସ୍ତୁତ ବୋଲି ତାଗିଦ୍ କରିଛନ୍ତି।
