1 hour ago
2
ARTICLE AD BOX
ନୂଆଦିାଲ୍ଲୀ: ରେଳବାଇରେ ସରକାରୀ ଚାକିରିର ସ୍ୱପ୍ନ ଦେଖୁଥିବା ଯୁବକ-ଯୁବତୀଙ୍କ ପାଇଁ ଏକ ସୁବର୍ଣ୍ଣ ସୁଯୋଗ ଆସିଛି। ରେଲୱେ ରିକ୍ରୁଟମେଣ୍ଟ ସେଲ୍, ଜୟପୁର ପକ୍ଷରୁ ଅପ୍ରେଣ୍ଟିସ୍ ପଦବିରେ ନିଯୁକ୍ତି ପାଇଁ ବିଜ୍ଞପ୍ତି ଜାରି କରାଯାଇଛି। ଜାରି ହୋଇଥିବା ବିଜ୍ଞପ୍ତି ଅନୁସାରେ, ଏହି ନିଯୁକ୍ତି ପାଇଁ ଅନଲାଇନ୍ ଆବେଦନ ପ୍ରକ୍ରିୟା ୨୦୨୬ ଅକ୍ଟୋବର ୭ ରୁ ଆରମ୍ଭ ହେବ। ଆବେଦନର ଶେଷ ତାରିଖ ୨୦୨୬ ନଭେମ୍ବର ୬ ରହିଛି। ଯୋଗ୍ୟ ପ୍ରାର୍ଥୀମାନେ ନିର୍ଦ୍ଧାରିତ ସମୟ ମଧ୍ୟରେ ଅନଲାଇନ୍ ମାଧ୍ୟମରେ ଆବେଦନ କରିପାରିବେ।
ଏହି ନିଯୁକ୍ତିରେ ସାମିଲ ହେବା ପାଇଁ ପ୍ରାର୍ଥୀ ଜଣକ ମାନ୍ୟତାପ୍ରାପ୍ତ ବୋର୍ଡରୁ ସର୍ବନିମ୍ନ ୫୦% ମାର୍କ ସହିତ ୧୦ମ ଶ୍ରେଣୀ ପାସ୍ କରିଥିବା ସହିତ ସମ୍ପର୍କିତ ଟ୍ରେଡ୍ରେ ଆଇଟିଆଇ ପାସ୍ କରିଥିବା ଆବଶ୍ୟକ। ଏହା ବ୍ୟତୀତ ପ୍ରାର୍ଥୀଙ୍କ ସର୍ବନିମ୍ନ ବୟସ ୧୫ ବର୍ଷ ଏବଂ ସର୍ବାଧିକ ବୟସ ୨୪ ବର୍ଷରୁ ଅଧିକ ହେବା ଉଚିତ୍ ନୁହେଁ। ସଂରକ୍ଷିତ ବର୍ଗର ପ୍ରାର୍ଥୀମାନଙ୍କୁ ସରକାରୀ ନିୟମ ଅନୁସାରେ ବୟସରେ ଛାଡ଼ ମିଳିବ।
ଆବେଦନ ଶୁଳ୍କ
ଏହି ନିଯୁକ୍ତି ପାଇଁ ଆବେଦନ ଫର୍ମ କେବଳ ଅନଲାଇନ୍ ମାଧ୍ୟମରେ ଆରଆରସି ଜୟପୁରର ଅଫିସିଆଲ୍ ୱେବସାଇଟ୍ ରେ ଯାଇ ପୂରଣ କରାଯାଇପାରିବ। ଅଫଲାଇନ୍ କିମ୍ବା ଅନ୍ୟ କୌଣସି ମାଧ୍ୟମରେ ଆବେଦନ ଗ୍ରହଣ କରାଯିବ ନାହିଁ। ଫର୍ମ ପୂରଣ କରିବା ସମୟରେ ଅନ୍ୟ ସମସ୍ତ ବର୍ଗର ପ୍ରାର୍ଥୀଙ୍କୁ ୧୦୦ ଟଙ୍କା ଆବେଦନ ଶୁଳ୍କ ଦେବାକୁ ପଡ଼ିବ। ତେବେ ଏସସି/ଏସଟି ଏବଂ ପିଡବ୍ଲୁବିଡି ବର୍ଗର ପ୍ରାର୍ଥୀମାନେ ମାଗଣାରେ ଆବେଦନ କରିପାରିବେ।
ମୁଖ୍ୟ ତାରିଖ
• ଆବେଦନ ଆରମ୍ଭ: ୭ ଅକ୍ଟୋବର ୨୦୨୬
• ଆବେଦନର ଶେଷ ତାରିଖ: ୬ ନଭେମ୍ବର ୨୦୨୬
• ଶିକ୍ଷାଗତ ଯୋଗ୍ୟତା: ୧୦ମ ପାସ୍ (ସର୍ବନିମ୍ନ ୫୦%) + ଆଇଟିଆଇ
• ବୟସ ସୀମା: ୧୫ରୁ ୨୪ ବର୍ଷ
• ଆବେଦନ ଶୁଳ୍କ: ୧୦୦
• ଏସସି/ଏସଟି ଏବଂ ପିଡବ୍ଲୁବିଡି: ଶୁଳ୍କ ଛାଡ଼
• ଆବେଦନ ମାଧ୍ୟମ: କେବଳ ଅନଲାଇନ୍
