7 minutes ago
2
ARTICLE AD BOX
ନୂଆଦିଲ୍ଲୀ: ରଣବୀର କପୁରଙ୍କ ଅଭିନୀତ ଫିଲ୍ମ ‘ରାମାୟଣ’ ଚଳିତ ବର୍ଷର ବହୁ ପ୍ରତୀକ୍ଷିତ ଚଳଚ୍ଚିତ୍ର ମଧ୍ୟରୁ ଅନ୍ୟତମ। ଏହି ଫିଲ୍ମକୁ ନେଇ ସୋସିଆଲ ମିଡିଆରେ ଜୋରଦାର ଚର୍ଚ୍ଚା ଚାଲିଛି। ଫିଲ୍ମରେ ରଣବୀର କପୁରଙ୍କୁ ରାମ ଏବଂ ୟଶଙ୍କୁ ରାବଣ ଭୂମିକାରେ ଦେଖିବା ପାଇଁ ପ୍ରଶଂସକମାନେ ଉତ୍ସାହିତ ଥିଲେ।
ଆଜି ଅର୍ଥାତ୍ ନଭେମ୍ବର ୫ ତାରିଖରେ ଏହି ଫିଲ୍ମ ସିନେମା ହଲ୍ରେ ମୁକ୍ତିଲାଭ କରିଛି। ରିଲିଜ୍ ହେବା ମାତ୍ରେ ଚାରିଆଡ଼େ ଏହାକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି। ରିଲିଜ୍ ପୂର୍ବରୁ ଫିଲ୍ମକୁ ନେଇ ଏତେ ଉତ୍ସାହ ଥିଲା ଯେ, ଏହାର ଆଡଭାନ୍ସ ବୁକିଂ ମଧ୍ୟ ଜୋରଦାର ହୋଇଥିଲା। ତେଣୁ ପ୍ରଥମ ଦିନରେ ଫିଲ୍ମଟି ରେକର୍ଡ ଭାଙ୍ଗିବା ଭଳି ଆୟ କରିବ ବୋଲି ଆଶା କରାଯାଉଛି। ଏହାରି ମଧ୍ୟରେ ‘ରାମାୟଣ’ର ପ୍ରଥମ ଦିନର ପ୍ରାରମ୍ଭିକ ବକ୍ସ ଅଫିସ୍ କଲେକ୍ସନ ସାମ୍ନାକୁ ଆସିଛି। ତେବେ ଖବର ଲେଖାଯିବା ସୁଦ୍ଧା ଫିଲ୍ମଟି କେତେ ଆୟ କରିଛି ଆସନ୍ତୁ ଜାଣିବା।
ଅପରାହ୍ନ ୩ଟା ସୁଦ୍ଧା ‘ରାମାୟଣ’ର ଜବରଦସ୍ତ ଆୟ
ନିତେଶ ତିୱାରୀଙ୍କ ନିର୍ଦ୍ଦେଶିତ ‘ରାମାୟଣ’ରିଲିଜ୍ ହେବା ପରେ ସମୀକ୍ଷକ ଓ ପ୍ରଶଂସକଙ୍କଠାରୁ ଭଲ ପ୍ରତିକ୍ରିୟା ମିଳିଛି। ଏବେ ଫିଲ୍ମର ଅପରାହ୍ନ ୩ଟା ସୁଦ୍ଧାର ଆୟ ରିପୋର୍ଟ ସାମ୍ନାକୁ ଆସିଛି। ରିପୋର୍ଟ ଅନୁସାରେ, ‘ରାମାୟଣ’ ଅପରାହ୍ନ ୩ଟା ସୁଦ୍ଧା ୨୬.୪୪ କୋଟି ଟଙ୍କା ଆୟ କରିଛି। ଏପର୍ଯ୍ୟନ୍ତର ଆୟକୁ ଦେଖିଲେ ଫିଲ୍ମର ପ୍ରଥମ ଦିନର ଶେଷ ଫଳାଫଳ ବେଶ୍ ଭଲ ରହିବ ବୋଲି ଆଶା କରାଯାଉଛି।
ସିନେମା କେଉଁ ଭାଷାରେ କେତେ କରିଛି ଆୟ?
ହିନ୍ଦୀରେ ୧୯.୨୭ କୋଟି ଟଙ୍କା
କନ୍ନଡ଼ରେ ୩.୨୨ କୋଟି ଟଙ୍କା
ତେଲୁଗୁରେ ୨.୫୩ କୋଟି ଟଙ୍କା
ତାମିଲରେ ୯୭ ଲକ୍ଷ ଟଙ୍କା
ମାଲାୟଲମରେ ୪୫ ଲକ୍ଷ ଟଙ୍କା
ଫିଲ୍ମ ‘ରାମାୟଣ’ ବିଷୟରେ
ଏହି ଫିଲ୍ମରେ ରଣବୀର କପୁର ଭଗବାନ ଶ୍ରୀରାମଙ୍କ ଭୂମିକାରେ, ସାଇ ପଲ୍ଲବୀ ସୀତାଙ୍କ ଭୂମିକାରେ, ୟଶ ରାବଣଙ୍କ ଭୂମିକାରେ, ସନ୍ନି ଦେଓଲ ହନୁମାନଙ୍କ ଭୂମିକାରେ ଏବଂ ରବି ଦୁବେ ଲକ୍ଷ୍ମଣଙ୍କ ଭୂମିକାରେ ନଜର ଆସିବେ। ଏହା ବ୍ୟତୀତ ଫିଲ୍ମରେ ଲାରା ଦତ୍ତା, ଅରୁଣ ଗୋଭିଲ ଓ ରକୁଲ ପ୍ରୀତ ସିଂହ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସୁଛନ୍ତି।
ସେନ୍ସେକ୍ସରେ ୨୦୦୮ ପଏଣ୍ଟ ବୃଦ୍ଧି; ନିବେଶକଙ୍କୁ ୮.୨ ଲକ୍ଷ କୋଟି ଲାଭ
