NIT Rourkela Develops Solar Microgrid ଇଭି ଚାର୍ଜିଂ ଷ୍ଟେସନ୍‌କୁ ଅଧିକ ଦକ୍ଷକରିବ ବିକଶିତ ମାଇକ୍ରୋଗ୍ରିଡ୍‌, ଏନ୍‌ଆଇଟି ପ୍ରକଳ୍ପକୁ ପେଟେଣ୍ଟ୍‌

15 minutes ago 1
ARTICLE AD BOX

ରାଉରକେଲା: ବୈଦ୍ୟୁତିକ ଯାନବାହନ ଚାର୍ଜିଂ ଷ୍ଟେସନଗୁଡ଼ିକୁ ଅଧିକ ଦକ୍ଷ, ନିର୍ଭରଯୋଗ୍ୟ ଓ ସ୍ଥାୟୀ କରିବା ପାଇଁ ଜାତୀୟ ପ୍ରଯୁକ୍ତି ପ୍ରତିଷ୍ଠାନ (ଏନ୍‌ଆଇଟି) ରାଉରକେଲାର ଗବେଷକ ଦଳ ଏକ ସ୍ୱତନ୍ତ୍ର ଜ୍ଞାନକୌଶଳ ବିକଶିତ କରିଛନ୍ତି। ଏହି ବିକଶିତ ବ୍ୟବସ୍ଥାକୁ ପେଟେଣ୍ଟ୍‌ ମଧ୍ୟ ମିଳିଛି। ବର୍ତ୍ତମାନ ଦେଶରେ ଇଭି ବ୍ୟବହାର ବଢ଼ୁଥିବା ବେଳେ ଏକାସାଙ୍ଗରେ ଅନେକ ଗାଡ଼ି ଚାର୍ଜ୍‌ ହେଲେ ସ୍ଥାନୀୟ ବିଦ୍ୟୁତ୍ ନେଟୱାର୍କ ଉପରେ ଚାପ ପଡ଼ିଥାଏ। ଏହାସହ ସୌରଶକ୍ତି ଚାଳିତ ଚାର୍ଜିଂ ଷ୍ଟେସନରେ ପାଣିପାଗ ଅନୁଯାୟୀ ବିଦ୍ୟୁତ୍ ଉତ୍ପାଦନରେ ହ୍ରାସ ତଥା ବାରମ୍ବାର ଚାର୍ଜିଂ ଯୋଗୁ ବ୍ୟାଟେରୀର ଆୟୁଷ କମିଯାଏ। ଏହି ସମସ୍ୟାର ସମାଧାନ ପାଇଁ ଅନୁଷ୍ଠାନର ଇଲେକ୍ଟ୍ରିକାଲ ଇଞ୍ଜିନିୟରିଂ ବିଭାଗର ପ୍ରଫେସର ପ୍ରଭାତ କୁମାର ରାୟ, ଆସୋସିଏଟ୍‌ ପ୍ରଫେସର ଅର୍ଣ୍ଣବ ଘୋଷ, ଗବେଷକ ଡ. ଅନିନ୍ଦ୍ୟା ଭାରତୀ ମିଳିତ ଭାବେ ଏକ ସୌରଶକ୍ତି ଚାଳିତ ଇଭି ଚାର୍ଜିଂ ମାଇକ୍ରୋଗ୍ରିଡ୍ ପ୍ରସ୍ତୁତ କରିଛନ୍ତି।

NIT Rourkela: ଏନ୍‌ଆଇଟି ରାଉରକେଲାର ସଫଳତା: ଇଭି ବ୍ୟାଟେରିର ଆୟୁଷ ବଢ଼ିବ
ଏହି ଅଭିନବ ପ୍ରଣାଳୀରେ ସୋଲାର ପ୍ୟାନେଲ୍, ପାରମ୍ପରିକ ବିଦ୍ୟୁତ୍ ଗ୍ରୀଡ୍‌, ବ୍ୟାଟେରି ଓ ସୁପର୍‌କ୍ୟାପାସିଟର୍‌ର ମିଶ୍ରଣରେ ଏକ ସ୍ୱତନ୍ତ୍ର ଶକ୍ତି ସଂରକ୍ଷଣ ବ୍ୟବସ୍ଥା ରହିଛି। ଗବେଷକ ଦଳ ଏକ ଉନ୍ନତ ‘ମିକ୍ସ୍‌ଡ ଡ୍ରୁପ୍ ଟେକ୍ନିକ୍’ ବିକଶିତ କରିଛନ୍ତି, ଯାହା ପରିବର୍ତ୍ତିତ ପରିସ୍ଥିତି ଅନୁଯାୟୀ ସ୍ୱୟଂଚାଳିତ ଭାବେ ବିଦ୍ୟୁତ ବଣ୍ଟନ କରିବ। ଗବେଷକ ଦଳ ଏହି ପ୍ରଣାଳୀର ଏକ ପ୍ରୋଟୋଟାଇପ୍ ପ୍ରସ୍ତୁତ କରି ସଫଳତାର ସହ ପରୀକ୍ଷଣ କରିଛନ୍ତି। ଆଗାମୀ ଦିନରେ ଅଧିକ କ୍ଷମତାସମ୍ପନ୍ନ ଇଭି ଚାର୍ଜିଂ ସିଷ୍ଟମ ପାଇଁ ଏହାକୁ ବିକଶିତ କରିବା ସହ ବାସ୍ତବ କ୍ଷେତ୍ରରେ ପରୀକ୍ଷଣ କରିବାକୁ ଲକ୍ଷ୍ୟ ରଖାଯାଇଛି। ଏନେଇ ପ୍ରଫେସର ରାୟ କହିଛନ୍ତି, ଏହି ମାଇକ୍ରୋଗ୍ରିଡରେ ବ୍ୟାଟେରୀଗୁଡ଼ିକ ଧୀର ଓ ନିରନ୍ତର ବିଦ୍ୟୁତ୍ ଚାହିଦା ପୂରଣ କରୁଥିବା ବେଳେ ସୁପର୍‌କ୍ୟାପାସିଟର୍‌ଗୁଡ଼ିକ ଅତି ଶୀଘ୍ର ଶକ୍ତି ଗ୍ରହଣ ଓ ପ୍ରଦାନ କରି ହଠାତ୍ ହେଉଥିବା ବିଦ୍ୟୁତ୍ ପରିବର୍ତ୍ତନକୁ ନିୟନ୍ତ୍ରଣ କରିଥାନ୍ତି। ଫଳରେ ବ୍ୟାଟେରି କ୍ଷତିଗ୍ରସ୍ତ ହୁଏନି ଓ ଏହାର କାର୍ଯ୍ୟକ୍ଷମତା ବୃଦ୍ଧି ପାଏ। ଏହା ଗ୍ରିଡ୍-ଟୁ-ଭେଇକିଲ୍‌ ଓ ଭେଇକିଲ୍-ଟୁ-ଗ୍ରିଡ୍‌ ମାଧ୍ୟମରେ ଦୁଇପାଖିଆ ବିଦ୍ୟୁତ୍ ପ୍ରବାହକୁ ସୁରକ୍ଷିତ ଭାବେ ପରିଚାଳନା କରିପାରିବ।

Read Entire Article
LEFT SIDEBAR AD

Hidden in mobile, Best for skyscrapers.