2 days ago
3
ARTICLE AD BOX
ୱାସିଂଟନ: ଆମେରିକାର ମାସାଚୁସେଟ୍ସରେ ଜଣେ ଭାରତୀୟ ବଂଶୋଦ୍ଭବ କିଶୋରଙ୍କୁ ତାଙ୍କ ମାଆ ଓ ସାନ ଭାଇଙ୍କୁ ହତ୍ୟା କରିବା ଅଭିଯୋଗରେ ଗିରଫ କରାଯାଇଛି। ବୁଧବାର ଆକ୍ଟନର ବାସିନ୍ଦା ୧୭ ବର୍ଷୀୟ ଅର୍ଜୁନ ଅରବିନ୍ଦଙ୍କୁ ଗିରଫ କରାଯାଇଛି। ଅରବିନ୍ଦଙ୍କ ବିରୋଧରେ ତାଙ୍କ ମା’ ୪୫ ବର୍ଷୀୟ ସୁଧା ଭେଙ୍କଟେଶନ ଓ ତାଙ୍କ ୧୪ ବର୍ଷୀୟ ଭାଇ ସିଦ୍ଧାର୍ଥ ଅରବିନ୍ଦଙ୍କୁ ହତ୍ୟା କରିବାର ଅଭିଯୋଗ ରହିଛି।
ଅଧିକାରୀଙ୍କ ଅନୁଯାୟୀ ଅରବିନ୍ଦଙ୍କ ବିରୋଧରେ ଦୁଇଟି ହତ୍ୟା ଅଭିଯୋଗ, ପରିବାରର ସଦସ୍ୟଙ୍କ ଉପରେ ଆକ୍ରମଣ, ଗାଡ଼ି ବ୍ୟବହାର ଓ ମୋଟର ଗାଡ଼ି ଚୋରି ଅଭିଯୋଗ କରାଯାଇଛି। ପୁଲିସ ଅଭିଯୋଗ କରିଛି ଯେ, ଆକ୍ଟନ-ବକ୍ସବରୋ ଆଞ୍ଚଳିକ ଉଚ୍ଚ ବିଦ୍ୟାଳୟର ଛାତ୍ର ଅରବିନ୍ଦ ମଙ୍ଗଳବାର ତାଙ୍କ ମା ଓ ଭାଇଙ୍କୁ ନିଜ ଘରେ ମରଣାନ୍ତକ ଆକ୍ରମଣ କରିଥିଲେ ଓ ତାଙ୍କ ମା’ଙ୍କ ହୋଣ୍ଡା ଆକର୍ଡରେ ଘଟଣାସ୍ଥଳରୁ ଫେରାର୍ ହୋଇ ଯାଇଥିଲେ। ମଙ୍ଗଳବାର ସନ୍ଧ୍ୟା ୬ଟା ୩୦ ମିନିଟରେ ଜଣେ ଶିକ୍ଷକ ଅରବିନ୍ଦଙ୍କ ଘରେ ପହଞ୍ଚିବା ପରେ ଅପରାଧ ସମ୍ପର୍କରେ ଜଣାପଡିଥିଲା। ଘରେ କେହି କବାଟ ନ ଖୋଲିବାରୁ ଶିକ୍ଷକ ଜଣକ ଅରବିନ୍ଦଙ୍କ ବାପାଙ୍କ ସହିତ ଯୋଗାଯୋଗ କରିଥିଲେ। ଅରବିନ୍ଦଙ୍କ ବାପା ଆକ୍ଟନ୍ ପୁଲିସ ବିଭାଗ ସହିତ ଯୋଗାଯୋଗ କରିବା ପରେ ଅରବିନ୍ଦ ତାଙ୍କ ମାଆଙ୍କ ହୋଣ୍ଡା ଆକର୍ଡ ସହିତ ନିଖୋଜ ଥିବା ଓ ଘରେ ମା’ ଓ ଭାଇଙ୍କୁ ମୃତ ଅବସ୍ଥାରେ ମିଳିଥିବା ଜାଣିବାକୁ ପାଇଥିଲେ।
Strait of Hormuz: ବାସ୍ତବତା ବଦଳି ନାହିଁ: ଟ୍ରମ୍ପଙ୍କ ହର୍ମୁଜ୍ ନିୟନ୍ତ୍ରଣ ଦାବି ନେଇ କଡ଼ା ଜବାବ ଦେଲା ଇରାନ
ତଦନ୍ତକାରୀମାନେ ଅରବିନ୍ଦଙ୍କୁ ଖୋଜିବାକୁ ଚେଷ୍ଟା କରିଥିଲେ କିନ୍ତୁ ପ୍ରାରମ୍ଭରେ ବିଫଳ ହୋଇଥିଲେ। ବୁଧବାର ସକାଳେ ମାସାଚୁସେଟ୍ସର ୱେଲ୍ୟାଣ୍ଡର ପୁଲିସ ଏକ ପାର୍କିଂ ସ୍ଥାନରେ ଅରବିନ୍ଦଙ୍କ ସହିତ ତାଙ୍କ ମା’ଙ୍କ ଗାଡ଼ି ପାଇଥିଲେ। ପୁଲିସ ଗାଡ଼ିକୁ ଜବତ କରିବା ସହିତ ଅରବିନ୍ଦଙ୍କୁ ହେପାଜତକୁ ନେଇଥିଲା। ଅରବିନ୍ଦ ପରିବାର ଲୋକଙ୍କୁ ହତ୍ୟା କରିବାକୁ ଇଣ୍ଟରନେଟ୍ ଓ ଚାଟଜିପିଟିରୁ ସହାୟତା ନେଇଥିଲା ବୋଲି ଜଣାପଡ଼ିଛି।
