Modi: ବିଜେପି ମୁଖ୍ୟାଳୟରେ ଦଳର ନୂଆ ପଦାଧିକାରୀଙ୍କୁ ଭେଟିଲେ ମୋଦୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ନୂଆଦିଲ୍ଲୀସ୍ଥିତ ଦଳର ମୁଖ୍ୟାଳୟରେ ବିଜେପିର ନବନିଯୁକ୍ତ ଜାତୀୟ ପଦାଧିକାରୀଙ୍କୁ ଭେଟିଛନ୍ତି। ଅଗଷ୍ଟ ୧୭ ତାରିଖରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ନିତିନ ନବୀନ ତାଙ୍କର ୬୫ ଜଣିଆ ଟିମ୍‌ ଘୋଷଣା କରିବା ପରେ ପ୍ରଥମ ଥର ପାଇଁ ଆଜି ପଦାଧିକାରୀଙ୍କ ବୈଠକ ଅନୁଷ୍ଠିତ ହୋଇଥିଲା। ବ୍ୟାପକ ସାଂଗଠନିକ ପୁନର୍ଗଠନରେ ପ୍ରମୁଖ ନିଯୁକ୍ତି ମଧ୍ୟରେ ପୂର୍ବତନ କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ଓ ବରିଷ୍ଠ ନେତା ରାମ ମାଧବ ପ୍ରମୁଖ ଦଳର ମୁଖ୍ୟ ଭୂମିକାକୁ ଫେରିଥିଲେ। ନବୀନ ଦଳର ସାଂଗଠନିକ ରଣନୀତି, ଆଗାମୀ ବିଧାନସଭା ନିର୍ବାଚନ, ତୃଣମୂଳ ସ୍ତରରେ ସଂଗଠନ ଗଠନ ଓ ସରକାରୀ କାର୍ଯ୍ୟକ୍ରମ ସମ୍ପର୍କରେ ଆଲୋଚନା କରିବା ପାଇଁ ପଦାଧିକାରୀଙ୍କ ବୈଠକରେ ଅଧ୍ୟକ୍ଷତା କରିଥିଲେ।