14 hours ago
1
ARTICLE AD BOX
ଜମୁଇ: ବିହାରର ଜମୁଇ ଜିଲ୍ଲାରେ ଦଶମ ଶ୍ରେଣୀର ଜଣେ ନାବାଳିକା ଛାତ୍ରୀ ଓ ତାଙ୍କ ବନ୍ଧୁଙ୍କୁ ନିର୍ଜନ ରାସ୍ତାରେ ଅଟକାଇ ନିଷ୍ଠୁର ଭାବେ ଆକ୍ରମଣ ଓ ଅତ୍ୟାଚାର କରିବା ମାମଲାରେ ମୁଖ୍ୟ ଅଭିଯୁକ୍ତ ନନ୍ଦନ ଯାଦବକୁ ପୁଲିସ ଏନକାଉଣ୍ଟର ପରେ ଗିରଫ କରାଯାଇଛି। ମଙ୍ଗଳବାର ଅଭିଯୁକ୍ତ ନନ୍ଦନକୁ କାବୁ କରିବା ପାଇଁ ପୁଲିସ ପିଛା କରିବା ସହ ଗୁଳିଚାଳନା କରିଥିଲା। ଏହି ଗୁଳିବିନିମୟରେ ଅଭିଯୁକ୍ତର ଗୋଡ଼ରେ ଗୁଳି ବାଜିବାରୁ ତାକୁ ଚିକିତ୍ସା ପାଇଁ ଜମୁଇ ସଦର ହସ୍ପିଟାଲରେ ଭର୍ତ୍ତି କରାଯାଇଛି।
ଗୁଳିବିନିମୟରେ ଅଭିଯୁକ୍ତର ଗୋଡ଼ରେ ବାଜିଛି ଗୁଳି
ଏହି ସମ୍ବେଦନଶୀଳ ଅପରାଧିକ ଘଟଣାରେ ଜମୁଇ ପୁଲିସ ପୋକ୍ସୋ ଆକ୍ଟ ଏବଂ ବିଏନଏସର ବିଭିନ୍ନ ସଂଗୀନ୍ ଧାରା ଆଧାରରେ ଏଫଆଇଆର୍ ରୁଜୁ କରିଛି। ଏସଡିପିଓ ଦୀପ୍ତି ମୋନାଲିଙ୍କ ନେତୃତ୍ୱରେ ଗଠିତ ସ୍ୱତନ୍ତ୍ର ତଦନ୍ତକାରୀ ଟିମ୍ ପୂର୍ବରୁ ୩ ଜଣ ଅଭିଯୁକ୍ତଙ୍କୁ ଗିରଫ କରିସାରିଥିବା ବେଳେ ମୁଖ୍ୟ ଅଭିଯୁକ୍ତ ନନ୍ଦନକୁ ଗୁଳିବିଦ୍ଧ କରି କାବୁ କରାଯାଇଛି। ଅନ୍ୟପଟେ, ସୋସିଆଲ ମିଡିଆରୁ ଏହି ଅପରାଧର ଭିଡିଓ ହଟାଇବା ପାଇଁ ଆଇନଗତ ପ୍ରକ୍ରିୟା ଜାରି ରହିଛି।
ସୂଚନାଯୋଗ୍ୟ, ଗତ ସେପ୍ଟେମ୍ବର ୧୯ ସନ୍ଧ୍ୟାରେ କୋଚିଂ କ୍ଲାସ୍ ସାରି ଫେରୁଥିବା ଦୁଇ ନାବାଳକ-ନାବାଳିକାଙ୍କୁ କିଛି ଦୁର୍ବୃତ୍ତ ରାସ୍ତାକଡ଼ରେ ଘେରିଯାଇ ଅତ୍ୟାଚାର ଓ ନିର୍ଯାତନା ଦେଇଥିଲେ। ମୁଖ୍ୟ ଅଭିଯୁକ୍ତ ନନ୍ଦନ ଯାଦବ ନିଜ ମୁହଁ ଢାଙ୍କି ନାବାଳିକା ଓ ତାଙ୍କ ବନ୍ଧୁଙ୍କୁ ମାରପିଟ୍ କରିବା ସହ ଅମାନୁଷିକ ଅପରାଧ ଘଟାଇଥିଲା। ଏହି ନୃଶଂସ କାଣ୍ଡର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ପୁଲିସ ଭାଇରାଲ ଭିଡିଓ ଆଧାରରେ ୭ ଜଣ ଅଭିଯୁକ୍ତଙ୍କୁ ଚିହ୍ନଟ କରିଥିଲା।
Election Commission: ୧୨ ରାଜ୍ୟସଭା ଏବଂ ୨୮ ଏମଏଲସି ଆସନ ପାଇଁ ନିର୍ବାଚନ: କାର୍ଯ୍ୟସୂଚୀ ଘୋଷଣା
