1 hour ago
1
ARTICLE AD BOX
ସୁନ୍ଦରଗଡ଼: ସୁନ୍ଦରଗଡ଼ର ସ୍ୱତନ୍ତ୍ର ଭିଜିଲାନ୍ସ ବିଚାରପତି ସମ୍ବଲପୁରଭିଜିଲାନ୍ସ ଥାନା ଅଧିନ ଏକ ମାମଲାର ବିଚାର କରି ଅଭିଯୁକ୍ତ କୁଞ୍ଜ ବିହାରୀ ଜେନାଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ତାଙ୍କ ରାୟରେ କୁଞ୍ଜ ବିହାରୀ ଜେନା (୭୫)ଙ୍କୁ ଏକ ଜେଲ୍ ଦଣ୍ଡ ଶୁଣାଇଛନ୍ତି। ଜଗତସିଂହପୁରଜିଲ୍ଲା ବିରିଡି ଥାନା ଅଧୀନ ଡିହସାହିବିରି ବାସିନ୍ଦା ଗିରିଧାରୀ ଜେନାଙ୍କ ପୁଅ ତଥା ରାଉରକେଲାର ଛେଣ୍ଡ କଲୋନିସ୍ଥିତ M-II-CR-47ରେ ରହୁଥିବା ରାଜସ୍ୱ ଅଧିକାରୀଙ୍କ ଅଧୀନରେ ପୂର୍ବତନ ଜୁନିୟର କ୍ଲର୍କ ତଥା ବେଞ୍ଚ କ୍ଲର୍କ (ବର୍ତ୍ତମାନ ଅବସରପ୍ରାପ୍ତ) ଭାବରେ କାର୍ଯ୍ୟରତ ଥିଲେ। ତାଙ୍କ ପିତା ରାଜାରାମ ଅଗ୍ରୱାଲଙ୍କ ବିରୁଦ୍ଧରେ ଦାୟର ହୋଇଥିବା ଫୌଜଦାରୀ ବିବିଧ ମାମଲାର ପରବର୍ତ୍ତୀ ଶୁଣାଣି ତାରିଖ ଜଣାଇବା ପାଇଁ ଅଭିଯୋଗକାରୀ ରମେଶ କୁମାର ଅଗ୍ରୱାଲଙ୍କ ଠାରୁ ୫୦୦ ଟଙ୍କା ବେଆଇନ ଲାଞ୍ଚ ଦାବି କରିବା ଓ ଗ୍ରହଣ କରିବା ଅଭିଯୋଗରେ ଏହି ରାୟ ପ୍ରଦାନ କରାଯାଇଛି।
ଅଦାଲତ ଦୋଷୀ କୁଞ୍ଜ ବିହାରୀ ଜେନାଙ୍କୁ ଦୋଷୀ ସାବ୍ୟସ୍ତ କରି ଗୋଟିଏ ବର୍ଷ ପାଇଁ କଠୋର କାରାଦଣ୍ଡ ଏବଂ ୫,୦୦୦ ଟଙ୍କା ଜରିମାନା ଦଣ୍ଡାଦେଶ ଶୁଣାଇଛନ୍ତି। ଜରିମାନା ଅନାଦେୟ ହେଲେ ଅତିରିକ୍ତ ଭାବେ ପ୍ରତ୍ୟେକ ଅପରାଧ ପାଇଁ ୨ ମାସର କଠୋର କାରାଦଣ୍ଡ ଭୋଗିବାକୁ ପଡ଼ିବ। ଉଭୟ ମୁଖ୍ୟ ଦଣ୍ଡାଦେଶ ଏକସଙ୍ଗେ ଚାଲିବ।
ଏହି ମାମଲାରେ ଦୋଷୀ ବିଚାରାଧୀନ କଏଦୀ ଭାବେ ବିତାଇଥିବା ସମୟକୁର ଧାରା ୪୨୮ର ବ୍ୟବସ୍ଥା ଅନୁଯାୟୀ ମୂଳ ଦଣ୍ଡାଦେଶରୁ ବାଦ୍ ଦିଆଯିବ। ସୁନ୍ଦରଗଡ଼ ଭିଜିଲାନ୍ସର ସ୍ୱତନ୍ତ୍ର ସରକାରୀ ଓକିଲ ଶ୍ୟାମ ସୁନ୍ଦର ମିଶ୍ର ଅଭିଯୋଗକାରୀ ପକ୍ଷ ତରଫରୁ ମାମଲା ପରିଚାଳନା କରିଥିଲେ ଏବଂ ସୁନ୍ଦରଗଡ଼ ଭିଜିଲାନ୍ସର ସହକାରୀ ସରକାରୀ ଓକିଲ ସନ୍ଦୀପ ପଣ୍ଡା ସେମାନଙ୍କୁ ସହଯୋଗ କରିଥିଲେ।
