1 hour ago
1
ARTICLE AD BOX
ଜେରୁସାଲେମ: ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ଦାବି କରିଛନ୍ତି ଯେ, ଦକ୍ଷିଣ ଲେବାନନର କିଛି ଖ୍ରୀଷ୍ଟିଆନ ଗ୍ରାମ ହିଜବୁଲ୍ଲା ଆକ୍ରମଣରୁ ନିଜକୁ ରକ୍ଷା କରିବା ପାଇଁ ଇସ୍ରାଏଲରେ ସାମିଲ ଦେବାକୁ ଚାହୁଁଛନ୍ତି। ତେବେ ସମ୍ପୃକ୍ତ ଗ୍ରାମଗୁଡ଼ିକ ଏହି ଦାବିକୁ ଦୃଢ଼ ଭାବରେ ଖଣ୍ଡନ କରି ସେମାନଙ୍କର ଲେବାନନ ଜାତୀୟତା ପରିଚୟକୁ ଦୋହରାଇଛନ୍ତି। ରବିବାର ଦିନ ନେତାନ୍ୟାହୁ ଫକ୍ସ ନ୍ୟୁଜରେ କହିଥିଲେ ଯେ, ଦକ୍ଷିଣ ଲେବାନନର କିଛି ଖ୍ରୀଷ୍ଟିଆନ ଗ୍ରାମ ଇସ୍ରାଏଲରେ ଯୋଗ ଦେବାକୁ ଇଚ୍ଛା ପ୍ରକାଶ କରିଛନ୍ତି। ଏହାକୁ ନେଇ ଏବେ ବିବାଦ ସୃଷ୍ଟି ହୋଇଛି।
Netanyahu: ଭାରତ ବି ଆମର ଉତ୍ତମ ବନ୍ଧୁ: ଜେଡି ଭାନ୍ସଙ୍କୁ କଡ଼ା ଜବାବ ଦେଇ ଆଇନା ଦେଖାଇଲେ ନେତାନ୍ୟାହୁ
ନେତାନ୍ୟାହୁ କହିଥିଲେ ଯେ, ଇସ୍ରାଏଲ ଏହି ଗ୍ରାମଗୁଡ଼ିକୁ ହିଜବୁଲ୍ଲା ଉଗ୍ରବାଦୀଙ୍କଠାରୁ ସୁରକ୍ଷା ଦିଏ ଏବଂ ବିଶ୍ୱର ଅନ୍ୟାନ୍ୟ ସ୍ଥାନରେ ଥିବା ଖ୍ରୀଷ୍ଟିଆନମାନଙ୍କୁ ମଧ୍ୟ ସୁରକ୍ଷା ଦିଏ। ତେବେ ସେ କୌଣସି ଗାଁର ନାମ ନେଇ ନାହାନ୍ତି। ଏହାର ଜବାବରେ, ଦକ୍ଷିଣ ଲେବାନନର ମାର୍ଜେୟୁନ୍ ଅଞ୍ଚଳର ଖ୍ରୀଷ୍ଟିଆନ ଗ୍ରାମଗୁଡ଼ିକ ଏକ ମିଳିତ ବିବୃତି ଜାରି କରି କହିଛନ୍ତି ଯେ ସେମାନଙ୍କର ଅନ୍ୟ ଦେଶରେ ମିଶିବାର ଅଧିକାର କିମ୍ବା ଆଇନଗତ କ୍ଷମତା ନାହିଁ। ସେମାନେ କହିଛନ୍ତି ଯେ ସେମାନେ ସେମାନଙ୍କର ମାତୃଭୂମି, ସେମାନଙ୍କର ଜାତୀୟ ପରିଚୟ ଏବଂ ଲେବାନିଜ୍ ଜାତୀୟ ପତାକା ପ୍ରତି ସମ୍ପୂର୍ଣ୍ଣ ବିଶ୍ୱସ୍ତ।
ଇସ୍ରାଏଲ ପକ୍ଷରୁ ସ୍ଥାନାନ୍ତର ନିର୍ଦ୍ଦେଶ ଜାରି
ଆମେରିକା-ଇସ୍ରାଏଲର ମିଳିତ ଆକ୍ରମଣରେ ଇରାନର ସର୍ବୋଚ୍ଚ ନେତାଙ୍କ ହତ୍ୟା ପରେ, ହିଜବୁଲ୍ଲା ଇସ୍ରାଏଲ ଉପରେ ରକେଟ ମାଡ଼ କରି ପ୍ରତିଶୋଧ ନେଇଥିଲା। ପରବର୍ତ୍ତୀ ସମୟରେ ଇସ୍ରାଏଲ ଦକ୍ଷିଣ ଲେବାନନରେ ଏକ ବଡ଼ ବିମାନ ଆକ୍ରମଣ ଏବଂ ସ୍ଥଳ ଅଭିଯାନ ଆରମ୍ଭ କରିଥିଲା। ଇସ୍ରାଏଲୀ ସେନା ବର୍ତ୍ତମାନ ସୀମାରେ ଅନେକ ଅଞ୍ଚଳକୁ ନିଜ କବଜାରେ ରଖିଛି। ଯୁଦ୍ଧ ସମୟରେ, ଦକ୍ଷିଣ ଲେବାନନର ଅନେକ ଖ୍ରୀଷ୍ଟିଆନ ଗ୍ରାମ ଗୁଳିବର୍ଷା, ବିମାନ ଆକ୍ରମଣ, ବିସ୍ଥାପନ ଏବଂ ଭିତ୍ତିଭୂମି କ୍ଷତିର ସମ୍ମୁଖୀନ ହୋଇଥିଲା। ଇସ୍ରାଏଲ ପକ୍ଷରୁ ସ୍ଥାନାନ୍ତର ନିର୍ଦ୍ଦେଶ ଜାରି କରାଯାଇଥିଲା, କିନ୍ତୁ ଅନେକ ବାସିନ୍ଦା ସେମାନଙ୍କ ଘର, ଚର୍ଚ୍ଚ ଏବଂ ଫାର୍ମକୁ ସୁରକ୍ଷା ଦେବା ପାଇଁ ରହିବାକୁ ଶ୍ରେୟ ମଣିଥିଲେ। ତେବେ କିଛି ଗ୍ରାମକୁ ସମ୍ପୂର୍ଣ୍ଣ ଖାଲି କରାଯାଇଥିଲା। ଯୁଦ୍ଧ ସମୟରେ, ଇସ୍ରାଏଲୀ ସେନା ଅନେକ ଖ୍ରୀଷ୍ଟିଆନ ଗ୍ରାମର ମେୟର ଏବଂ ସ୍ଥାନୀୟ ଅଧିକାରୀମାନଙ୍କୁ ଫୋନ୍ କରି ସତର୍କ କରାଇ ଦେଇଥିଲା ଯେ ସେମାନେ ହିଜବୁଲ୍ଲା ଲଢୁଆଙ୍କ ସମେତ କୌଣସି ଅପରିଚିତ ଲୋକଙ୍କୁ ସେମାନଙ୍କ ଗାଁରେ ପ୍ରବେଶ କରିବାକୁ ଦେବେ ନାହିଁ। ରବିବାର ଏକ ସରକାରୀ କାର୍ଯ୍ୟକ୍ରମରେ ଭାଷଣ ଦେଇ ନେତାନ୍ୟାହୁ କହିଥିଲେ ଯେ, ଉତ୍ତର ଇସ୍ରାଏଲ ଏବଂ ଦେଶର ନାଗରିକମାନଙ୍କୁ ସୁରକ୍ଷା ଦେବା ପାଇଁ ଇସ୍ରାଏଲୀ ସେନା ଦକ୍ଷିଣ ଲେବାନନରେ ଆବଶ୍ୟକ ପଡ଼ିବା ପର୍ଯ୍ୟନ୍ତ ମୁତୟନ ରହିବ। ଇସ୍ରାଏଲ ଏବଂ ଲେବାନନ ମଧ୍ୟରେ ଆମେରିକା ମଧ୍ୟସ୍ଥତାରେ ହୋଇଥିବା ଚୁକ୍ତି ସତ୍ତ୍ୱେ, ଇସ୍ରାଏଲୀ ସେନା ଏବଂ ହିଜବୁଲ୍ଲା ମଧ୍ୟରେ ସଂଘର୍ଷ ଏବେ ବି ଜାରି ରହିଛି।
