4 days ago
4
ARTICLE AD BOX
ନୂଆଦିଲ୍ଲୀ:: ଶିଳ୍ପପତି ତଥା ଅଦାନୀ ଗ୍ରୁପ୍ର ଅଧ୍ୟକ୍ଷ ଗୌତମ ଅଦାନୀଙ୍କୁ ଆମେରିକା କୋର୍ଟରୁ ଏକ ବଡ଼ ଆଶ୍ୱସ୍ତି ମିଳିଛି। ନ୍ୟୁୟର୍କର ବ୍ରୁକଲିନ୍ ସ୍ଥିତ ୟୁଏସ୍ ଡିଷ୍ଟ୍ରିକ୍ଟ କୋର୍ଟ ଆମେରିକା ନ୍ୟାୟ ଆବେଦନକୁ ଗ୍ରହଣ କରି ଗୌତମ ଅଦାନୀଙ୍କ ବିରୋଧରେ ଥିବା ଜାଲିଆତି ଏବଂ ଲାଞ୍ଚ କାରବାରର ଅପରାଧିକ ଅଭିଯୋଗକୁ ଖାରଜ କରିଦେଇଛନ୍ତି। ସୂଚନାଯୋଗ୍ୟ ଯେ, ୟୁଏସ୍ ଡିଷ୍ଟ୍ରିକ୍ଟ ଜଜ୍ ନିକୋଲାସ ଗାରୌଫିସ୍ ନ୍ୟାୟିକ ବିଭାଗ ପକ୍ଷରୁ ଅପରାଧିକ ମାମଲା ପ୍ରତ୍ୟାହାର କରିବା ପାଇଁ ଦିଆଯାଇଥିବା ଆବେଦନକୁ ମଞ୍ଜୁରୀ ଦେଇଛନ୍ତି। ଏହି ନିଷ୍ପତ୍ତି ଉପରେ ନିଜର ପ୍ରତିକ୍ରିୟା ପ୍ରକାଶ କରି ଗୌତମ ଅଦାନୀ ସୋସିଆଲ ମିଡିଆ ପ୍ଲାଟଫର୍ମ X ରେ ଲେଖିଛନ୍ତି ଯେ, ସେ ନ୍ୟାୟିକ ପ୍ରକ୍ରିୟାକୁ ସମ୍ପୂର୍ଣ୍ଣ ସମ୍ମାନ ଜଣାଇ ଏହି ନିଷ୍ପତ୍ତିକୁ ନମ୍ରତାର ସହ ସ୍ୱାଗତ କରୁଛନ୍ତି। ସେ ଲେଖିଛନ୍ତି ଯେ ସେ ଅଦାଲତଙ୍କ ନିଷ୍ପତ୍ତିକୁ ସମ୍ମାନ କରନ୍ତି ଏବଂ ଆଇନ ଉପରେ ତାଙ୍କର ଅତୁଟ ବିଶ୍ୱାସ ରହିଛି। ସେ ସେହି ସମସ୍ତ ବ୍ୟକ୍ତିଙ୍କ ପ୍ରତି ହାର୍ଦ୍ଦିକ କୃତଜ୍ଞତା ଜଣାଇଛନ୍ତି, ଯେଉଁମାନେ ତାଙ୍କ ଉପରେ ବିଶ୍ୱାସ ବଜାୟ ରଖିଥିଲେ।
ଅଧିକ ପଢନ୍ତୁ: ବିଶ୍ବ ଧନୀ ତାଲିକାରେ ୧୧ତମ ସ୍ଥାନକୁ ଖସିଆସିଲେ ଗୌତମ ଅଦାନୀ
ଅଦାନୀ ଏବଂ ଅନ୍ୟମାନଙ୍କ ବିରୋଧରେ ଲାଞ୍ଚ ଏବଂ ଜାଲିଆତି ମାମଲାକୁ ଆଗକୁ ନ ବଢ଼ାଇବାକୁ କୋର୍ଟ ନିଷ୍ପତ୍ତି ନେଇଛନ୍ତି। ବ୍ରୁକଲିନ୍ ଆମେରିକୀୟ ଜିଲ୍ଲା ଜଜ୍ ନିକୋଲାସ ଗାରୌଫିସ୍ ମାମଲା ଖାରଜ କରିବା ଦାବିକୁ ଗ୍ରହଣ କରିଛନ୍ତି। ସରକାରୀ ଅଭିଯୋଜକଙ୍କ ସେହି ଦାବିକୁ କୋର୍ଟ ଆନୁଷ୍ଠାନିକ ଭାବେ ସ୍ୱୀକାର କରିଛନ୍ତି, ଯେଉଁଥିରେ ଅଦାନୀଙ୍କ ଉପରେ ଥିବା କଥିତ ଲାଞ୍ଚ କାରବାର ଯୋଜନାରେ ସମ୍ପୃକ୍ତି ଅଭିଯୋଗ ହଟାଇବାକୁ କୁହାଯାଇଥିଲା। ଅଭିଯୋଗ ଖାରଜ କରିବା ସମୟରେ ଜଜ୍ ଗାରୌଫିସ୍ କହିଛନ୍ତି ଯେ, ତାଙ୍କୁ ସମ୍ପୂର୍ଣ୍ଣ ବିଶ୍ୱାସ ଯେ ଆମେରିକା ନ୍ୟାୟ ବିଭାଗର ଏହି ନିଷ୍ପତ୍ତି ସହିତ ଅଦାନୀ ଗ୍ରୁପ୍ର ନିବେଶ ପ୍ରତିଶ୍ରୁତିର କୌଣସି ସମ୍ପର୍କ ନାହିଁ। ସେ ସ୍ୱୀକାର କରିଛନ୍ତି ଯେ, ଅଭିଯୋଗ ପ୍ରତ୍ୟାହାର କରିବା ପାଇଁ ଫେଡେରାଲ ପ୍ରସିକ୍ୟୁଟରଙ୍କ ନିଷ୍ପତ୍ତିର ସମୀକ୍ଷା କରିବାରେ ବିଚାରପତିମାନଙ୍କର ଭୂମିକା ସୀମିତ ଥାଏ।
