Donald Trump: ଏସିଆରେ ଟ୍ରମ୍ପଙ୍କ ନୂଆ କୂଟନୈତିକ ଅଭିଯାନ, ଜିନ୍‌ପିଙ୍ଗ୍‌ ଓ ପୁଟିନଙ୍କ ସହ ପରମାଣୁ ଆଲୋଚନା

24 minutes ago 1
ARTICLE AD BOX

ୱାସିଂଟନ: ସୋମବାରଠାରୁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏସିଆ ଗସ୍ତ ଆରମ୍ଭ କରିଛନ୍ତି। ଏହି ଗସ୍ତରେ ସେ ଫିଲିପାଇନ୍ସର ରାଜଧାନୀ ମାନିଲା ଓ ଚୀନ୍‌ର ଶିଳ୍ପନଗରୀ ସେନ୍‌ଜେନ୍‌ ଯିବେ। ମାନିଲାରେ ଦକ୍ଷିଣ-ପୂର୍ବ ଏସୀୟ ଦେଶଗୁଡ଼ିକର ନେତାଙ୍କ ସହ ଆଲୋଚନା ଓ ଥାଇଲାଣ୍ଡ ସହ ବାଣିଜ୍ୟ ଚୁକ୍ତି ସ୍ୱାକ୍ଷର କରିବା ତାଙ୍କର କାର୍ଯ୍ୟକ୍ରମ ରହିଛି। ଏହାପରେ ଚୀନ୍‌ରେ ଏସିଆ-ପ୍ରଶାନ୍ତ ଅର୍ଥନୈତିକ ସହଯୋଗ (ଏପିଇସି) ସମ୍ମିଳନୀରେ ଯୋଗଦେବା ସହ ଚୀନ୍‌ ରାଷ୍ଟ୍ରପତି ସି ଜିନ୍‌ପିଙ୍ଗ୍‌ ଓ ରୁଷ୍‌ ରାଷ୍ଟ୍ରପତି ଭ୍ଲାଦିମିର ପୁଟିନ୍‌ଙ୍କ ସହ ଏକ ଐତିହାସିକ ତ୍ରିପାକ୍ଷିକ ପରମାଣୁ ଆଲୋଚନାରେ ସାମିଲ ହେବେ।

ଆହୁରି ପଢନ୍ତୁ :Training Programme for Odisha MLAs ଓଡ଼ିଶା ବିଧାନସଭା ସଦସ୍ୟଙ୍କ ଦିନିକିଆ ପ୍ରଶିକ୍ଷଣ କାର୍ଯ୍ୟକ୍ରମ ଉଦ୍‌ଯାପିତ

ନଭେମ୍ବର ୧୮ ଓ ୧୯ ତାରିଖରେ ସେନ୍‌ଜେନ୍‌ରେ ଏପିଇସି ସମ୍ମିଳନୀ ଅନୁଷ୍ଠିତ ହେବ। ଏହି ଅବସରରେ ୧୯ରେ ଟ୍ରମ୍ପ, ଜିନ୍‌ପିଙ୍ଗ୍‌ ଓ ପୁଟିନଙ୍କ ମଧ୍ୟରେ ପ୍ରଥମ ତ୍ରିପାକ୍ଷିକ ବୈଠକ ହେବାକୁ ଯାଉଛି। ବିଶ୍ୱର ତିନି ପ୍ରମୁଖ ପରମାଣୁ ଶକ୍ତିସମ୍ପନ୍ନ ଦେଶର ନେତା ଏକାଠି ବସି ପରମାଣୁ ଅସ୍ତ୍ରଶସ୍ତ୍ରର ଭଣ୍ଡାର ହ୍ରାସ ଓ ନିୟନ୍ତ୍ରଣ ସମ୍ପର୍କରେ ଆଲୋଚନା କରିବେ। ଆମେରିକାର ହ୍ୱାଇଟ୍‌ ହାଉସ୍‌ ମୁଖପାତ୍ର ଅଲିଭିଆ ୱେଲ୍ସ କହିଛନ୍ତି ଯେ ବିଶ୍ୱରେ ପରମାଣୁ ଅସ୍ତ୍ରର ପ୍ରସାର ଅତ୍ୟନ୍ତ ବିପଜ୍ଜନକ ଏବଂ ଏହାର ହ୍ରାସ ଉପରେ ଟ୍ରମ୍ପ ଗୁରୁତ୍ୱ ଦେବେ। ତେବେ ରୁଷ୍-ୟୁକ୍ରେନ୍‌ ଯୁଦ୍ଧ ଏହି ବୈଠକର ଆଲୋଚନା ପରିସରଭୁକ୍ତ ହେବ ନାହିଁ ଏବଂ ଇରାନ ଯୁଦ୍ଧ ପ୍ରସଙ୍ଗ ଉଠିପାରେ ବୋଲି ଆମେରିକୀୟ ଅଧିକାରୀମାନେ ସୂଚନା ଦେଇଛନ୍ତି।

ଆହୁରି ପଢନ୍ତୁ :Threatens: ବଚ୍ଚନ ପିତାପୁତ୍ରଙ୍କୁ ଗ୍ୟାଙ୍ଗଷ୍ଟର ଗୋଲ୍ଡି ଧିଲୋଁଙ୍କ ଧମକ : ବୁଲେଟ୍‌ପ୍ରୁଫ୍‌ କାଚ ପଛରେ ଲୁଚିଲେ ବି ହତ୍ୟା କରିବି

ଏହି ବୈଠକର ଗୁରୁତ୍ୱ ଥିବା ସତ୍ତ୍ୱେ ଚୀନ୍‌ ନିଜର ପରମାଣୁ ଅସ୍ତ୍ର ଭଣ୍ଡାର ଉପରେ କଟକଣା ଲଗାଇବାକୁ ଆଗ୍ରହୀ ନୁହେଁ। କାରଣ ଆମେରିକା ଓ ରୁଷ୍ ତୁଳନାରେ ଚୀନ୍‌ର ପରମାଣୁ ଅସ୍ତ୍ର ସଂଖ୍ୟା ଯଥେଷ୍ଟ କମ୍‌। ତେଣୁ ଏହି ଆଲୋଚନାରୁ ତୁରନ୍ତ କୌଣସି ଚୁକ୍ତି ହେବାର ଆଶା ନାହିଁ। ଚୀନ୍‌ ବୈଦେଶିକ ମନ୍ତ୍ରଣାଳୟର ମୁଖପାତ୍ର ମାଓ ନିଙ୍ଗ୍‌ କହିଛନ୍ତି ଯେ ଏହି ତ୍ରିପାକ୍ଷିକ ଆଲୋଚନାର ବିଶେଷ ଗୁରୁତ୍ୱ ରହିଛି ଏବଂ ବିଶ୍ୱଶାନ୍ତି ଓ ସ୍ଥିରତା ପାଇଁ ତିନି ଦେଶର ନେତା ଗଭୀର ଆଲୋଚନା କରିବେ।

ଆହୁରି ପଢନ୍ତୁ :Imran Khan: ବିଚାରପତିଙ୍କୁ ଇମ୍ରାନ୍‌ଙ୍କ ଚିଠି: ଜେଲ୍‌ରୁ ଜୀବିତ ଫେରିବା ନେଇ ଆଶଙ୍କା

ଟ୍ରମ୍ପଙ୍କ ଏସିଆ ଗସ୍ତ ପଛରେ ଘରୋଇ ରାଜନୈତିକ କାରଣ ମଧ୍ୟ ରହିଛି। ନିକଟରେ ଆମେରିକାର ମଧ୍ୟବର୍ତ୍ତୀ ନିର୍ବାଚନରେ ତାଙ୍କ ରିପବ୍ଲିକାନ୍‌ ଦଳ ଉଭୟ ସଦନରେ ପରାଜୟର ସମ୍ମୁଖୀନ ହୋଇଛି। ଏହା ସହିତ ଦେଶବ୍ୟାପୀ ବିମାନ ଚଳାଚଳ ବାଧାପ୍ରାପ୍ତ ହେବା ଓ ଏହାର ପରିଚାଳନାକୁ ନେଇ ସରକାର ସମାଲୋଚନାର ସମ୍ମୁଖୀନ ହୋଇଛନ୍ତି। ଏହା ବ୍ୟତୀତ ଏନ୍‌ଭିଡିଆର ମୁଖ୍ୟ ଜେନ୍‌ସେନ୍‌ ହୁଆଙ୍ଗ୍‌ଙ୍କୁ ନେଇ ଚୀନ୍‌ ଗୁପ୍ତଚର ସମ୍ପର୍କିତ ବିବାଦ ମଧ୍ୟ ଚର୍ଚ୍ଚାରେ ରହିଛି। ହୁଆଙ୍ଗ୍‌ ଜଣେ ସନ୍ଦିଗ୍ଧ ଚୀନ୍‌ ଏଜେଣ୍ଟ୍‌ଙ୍କ ସହ ସମ୍ପର୍କ ଥିବା ସ୍ୱୀକାର କରିବା ପରେ ଗତ ସପ୍ତାହରେ ଏନ୍‌ଭିଡିଆ ମୁଖ୍ୟ ପଦ ଛାଡ଼ିଛନ୍ତି। ତେବେ ଏହି ପ୍ରସଙ୍ଗ ଜିନ୍‌ପିଙ୍ଗ୍‌ଙ୍କ ସହ ଆଲୋଚନାରେ ଉଠାଇବାକୁ ଟ୍ରମ୍ପଙ୍କ ଯୋଜନା ନାହିଁ ବୋଲି ଆମେରିକୀୟ ଅଧିକାରୀମାନେ କହିଛନ୍ତି। ଟ୍ରମ୍ପଙ୍କ ସହ ଏହି ଗସ୍ତରେ ଟେସ୍‌ଲା ଓ ସ୍ପେସ୍‌ଏକ୍ସ ମୁଖ୍ୟ ଏଲନ୍‌ ମସ୍କ ମଧ୍ୟ ଯାଉଛନ୍ତି।

Read Entire Article
LEFT SIDEBAR AD

Hidden in mobile, Best for skyscrapers.