1 week ago
5
ARTICLE AD BOX
ନାଗୋୟା: ଭାରତୀୟ ମହିଳା କ୍ରିକେଟ୍ ଦଳର ଓପନର୍ ସ୍ମୃତି ମନ୍ଧାନା ମହିଳା ଟି-୨୦ ଅନ୍ତର୍ଜାତୀୟ କ୍ରିକେଟ୍ରେ ସର୍ବାଧିକ ରନ୍ ସ୍କୋର କରିଥିବା ବ୍ୟାଟର୍ ହୋଇଛନ୍ତି। ଏସୀୟ କ୍ରୀଡ଼ାର ସେମିଫାଇନାଲରେ ଶୁକ୍ରବାର ବାଂଲାଦେଶ ବିପକ୍ଷ ମ୍ୟାଚ୍ରେ ବ୍ୟାଟିଂ କରିବା ସମୟରେ ସେ ଏହି ସଫଳତା ହାସଲ କରିଛନ୍ତି। ତାଙ୍କର ମୋଟ ଟ୍ବେଣ୍ଟି-୨୦ ରନ୍ ୬୭୬୧ରେ ପହଞ୍ଚିଛି। ଏହା ସହିତ ସେ ନ୍ୟୁଜିଲାଣ୍ଡର ପୂର୍ବତନ ଓପନର୍ ସୁଜି ବେଟ୍ସଙ୍କୁ ପଛରେ ପକାଇଛନ୍ତି।
ସୁଜି ବେଟ୍ସଙ୍କୁ ପଛରେ ପକାଇଛନ୍ତି ସ୍ମୃତି ମନ୍ଧାନା
ଚଳିତ ବର୍ଷ ଟି-୨୦ ବିଶ୍ୱକପ୍ ପରେ ଏହି ଫର୍ମାଟ୍ରୁ ଅବସର ନେଇଥିବା ବେଟ୍ସଙ୍କ ନାମରେ ୪,୭୫୮ ରନ୍ ରହିଛି। ମନ୍ଧାନା ମଧ୍ୟ ଟ୍ବେଣ୍ଟି-୨୦ରେ ୧୦୦ ଛକା ମାରିବାର ମାଇଲଖୁଣ୍ଟ ଅତିକ୍ରମ କରିଛନ୍ତି। ମହିଳା ଟ୍ବେଣ୍ଟି-୨୦ ଅନ୍ତର୍ଜାତୀୟରେ ସର୍ବାଧିକ ରନ ସଂଗ୍ରହକାରୀ ତାଲିକାରେ ଭାରତୀୟ ଅଧିନାୟିକା ହରମନପ୍ରୀତ୍ କୌର (୪୨୮୭) ତୃତୀୟ ଏବଂ ଶ୍ରୀଲଙ୍କା ଅଧିନାୟିକା ଚମାରି ଅଟାପଟୁ (୪୨୮୨) ଚତୁର୍ଥରେ ରହିଛନ୍ତି। ପଞ୍ଚମରେ ନ୍ୟୁଜିଲାଣ୍ଡର ସୋଫି ଡିଭାଇନ (୩୮୧୭) ଅଛନ୍ତି।
