1 week ago
6
ARTICLE AD BOX
ନବନିର୍ମାଣ ଯୁବଛାତ୍ର ସଂଗଠନର ଅନଶନ ସତ୍ୟାଗ୍ରହକୁ ସମର୍ଥନ ଜଣାଇଲେ
ଭୁବନେଶ୍ବର: ଓଡ଼ିଶା ଗସ୍ତରେ ଆସିଛନ୍ତି କକ୍ରୋଚ ଜନତା ପାର୍ଟି (ସିଜେପି)ର ରାଷ୍ଟ୍ରୀୟ ମୁଖପାତ୍ର ସୌରଭ ଦାସ ଏବଂ କକ୍ରୋଚ ପାର୍ଟିର ସେକ୍ରେଟାରି ବାଲକ୍ରିଷ୍ଣ। ଆଜି (ସୋମବାର) ପୂର୍ବାହ୍ଣରେ ସେମାନେ ଭୁବନେଶ୍ବର ବିମାନବନ୍ଦରରେ ପହଞ୍ଚିଥିଲେ। ‘ସ୍କୁଲ୍ ଠିକ୍ କରୋ’ ଅଭିଯାନରେ ଖୋର୍ଦ୍ଧାର ୩ଟି ସରକାରୀ ବିଦ୍ୟାଳୟ ପରିଦର୍ଶନ କରିଥିଲେ। ପରେ ଅପରାହ୍ନ ୪ଟାରେ ନବନିର୍ମାଣ ଯୁବ-ଛାତ୍ର ସଂଗଠନର ନେତାମାନେ ଏକ ଶୋଭାଯାତ୍ରାରେ ସେମାନଙ୍କୁ ଲୋୟର ପିଏମ୍ଜି ସତ୍ୟାଗ୍ରହ ସ୍ଥଳକୁ ଆଣିଥିଲେ। ଲୋୟର ପିଏମ୍ଜିସ୍ଥିତ ନବନିର୍ମାଣ ଯୁବଛାତ୍ର ସଂଗଠନ ପକ୍ଷରୁ ଚାଲିଥିବା ଅନଶନ ଓ ସତ୍ୟାଗ୍ରହସ୍ଥଳକୁ ଆସି ୧୬ ଦିନ ଧରି ଅନଶନରେ ବସିଥିବା ସଂଗଠନର ପ୍ରତିଷ୍ଠାତା ଅକ୍ଷୟ କୁମାରଙ୍କୁ ସମର୍ଥନ ଜଣାଇବା ସହିତ ଆସନ୍ତାକାଲି ବିଧାନସଭା ଘେରାଉ ଡାକରା ଦେଇଥିଲେ।
CJP: ଅଖିଳେଶ - ସିଜେପି ମଧ୍ୟରେ ରୁଦ୍ଧଦ୍ବାର ବୈଠକ: ବିଧାନସଭା ନିର୍ବାଚନ ପୂର୍ବରୁ ଆଲୋଚନାକୁ ନେଇ ଚର୍ଚ୍ଚା
ଶ୍ରୀ ଦାସ କହିଥିଲେ ଯେ ଓଡ଼ିଶାରେ ଡବଲ ଇଞ୍ଜିନ ସରକାରରେ ଓଡ଼ିଶାର ଶିକ୍ଷା ବ୍ୟବସ୍ଥାକୁ ତଳିତଳାନ୍ତ କରିଚାଲିଛି। ବେକାର ଯୁବକଯୁବତୀଙ୍କୁ ନିଯୁକ୍ତି ଦେବାରେ ବିଫଳ ହୋଇଛନ୍ତି। ନୂଆ ପାଠ୍ୟ ପୁସ୍ତକରେ ଯେଉଁ ତ୍ରୁଟି କରାଯାଇଛି ଏହାର ଜବାବ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ ଏବଂ ଶିକ୍ଷା ବିଭାଗର ସରକାରୀ ଅଧିକାରୀମାନଙ୍କୁ ଦେବାକୁ ପଡ଼ିବ।
CJP: ପୁଣି ‘ଦିମାଗୀ ନକ୍ସଲ’ ମନ୍ତବ୍ୟ ନେଇ ମୋଦୀଙ୍କୁ ସିଜେପିର ସମାଲୋଚନା
ବିଧାନସଭା ଘେରଉ ପୂର୍ବରୁ ସରକାର ଯଦି ୬ ଦଫା ଦାବିକୁ ନଶୁଣନ୍ତି, ତେବେ ଆଗାମୀ ଦିନରେ ସଂଗଠନର ଦାବିଗୁଡ଼ିକୁ କକ୍ରୋଚ ପାର୍ଟି ଜୋରଦାର ଉଠାଇବ। ଓଡ଼ିଶା ପାଠ୍ୟ ପୁସ୍ତକ ତ୍ରୁଟି ଏକ ବଡ଼ ପ୍ରସଙ୍ଗ। ପିଲା ଭୁଲ୍ ବହି ପଢ଼ିଲେ, ଦେଶର ତଥା ରାଜ୍ୟର ପ୍ରଗତି କେମିତି ହେବ ବୋଲି ଶ୍ରୀ ଦାସ ପ୍ରଶ୍ନ କରିଥିଲେ।
CJP: ଗୌରବ ଭାଟିଆଙ୍କ ମାନହାନି ମାମଲାରେ ସିଜେପି ନେତାଙ୍କୁ ସମନ
ଆଜି ସତ୍ୟାଗ୍ରହ ସ୍ଥଳରେ ବିଜେଡି ନେତା ମନ୍ମଥ ରାଉତରାୟ, ରାଜ୍ୟ ପ୍ରଦେଶ କଂଗ୍ରେସର ଉପସଭାପତି ଶିବାନନ୍ଦ ରାୟ, ସୁଦର୍ଶନ ଦାସ, ଯୁବ ଛାତ୍ରସଂଗଠନର ମହମ୍ମଦ ମନୱର ଅଲ୍ଲୀ, ମଧୁମିତା ସାମଲ, ଅମିତ ଜେନା, ସ୍ମୃତି ରଂଜନ ସାମଲ, ସେକ୍ ହେଦାଇ, କୁଳମଣି, ବିଚିତ୍ର ବିଶ୍ବାଳ, ମମତାରାଣୀ ଜେନା, ସଂଘମିତ୍ରା ଜେନା, ଚିନ୍ମୟୀ ପଣ୍ଡା, ଅକ୍ରୁର ପଲାଇ, ଅଶ୍ବନୀ ଜେନା, ଗଣେଶ ବେହେରା ପ୍ରମୁଖ ଉପସ୍ଥିତ ଥିଲେ।
