BJP: ବାଙ୍କୀପୁର ଲ‌ଢ଼େଇ ପାଇଁ ପ୍ରାର୍ଥୀ ଘୋଷଣା କଲା ବିଜେପି

ପାଟନା : ବାଙ୍କୀପୁର ବିଧାନସଭା ଉପନିର୍ବାଚନ ପାଇଁ ବିଜେପି ମଙ୍ଗଳବାର ଦିନ ବିଜେୱାଇଏମ୍‌ ( ଭାରତୀୟ ଜନତା ଯୁବ ମୋର୍ଚ୍ଚା) ଉପସଭାପତି ଅଭିଷେକ କୁମାରଙ୍କୁ ଏହାର ପ୍ରାର୍ଥୀ ଘୋଷଣା କରିଛି। ଜନ ସୁରାଜ ପାର୍ଟି ପ୍ରତିଷ୍ଠାତା ପ୍ରଶାନ୍ତ କିଶୋର ମଧ୍ୟ ନିର୍ବାଚନ ମଇଦାନ‌ରେ ଅଛନ୍ତି। ଏଥିସହ ଏହି ହାଇପ୍ରୋଫାଇଲ ଲଢ଼େଇ ପାଇଁ ମଞ୍ଚ ପ୍ରସ୍ତୁତ ହୋଇଛି। ଜୁଲାଇ ୩୦ ତାରିଖରେ ବାଙ୍କୀପୁରରେ ଉପନିର୍ବାଚନ ହେବ ଏବଂ ଅଗଷ୍ଟ ୩ ତାରିଖରେ ଭୋଟ୍‌ ଗଣତି ହେବ। ନୀତିନ ନବୀନ ରାଜ୍ୟସଭାକୁ ନିର୍ବାଚିତ ହେବାପରେ ବାଙ୍କୀପୁର‌ରେ ଉପନିର୍ବାଚନ ଆବଶ୍ୟକ ପଡ଼ିଛି। ଆଜି ଏକ ପ୍ରେସ୍‌ ରିଲିଜ୍‌ରେ ବିଜେପି ଜାତୀୟ ସାଧାରଣ ସମ୍ପାଦକ ଏବଂ ମୁଖ୍ୟାଳୟ ମୁଖ୍ୟ ଅରୁଣ ସିଂହ ଅଭିଷେକ କୁମାରଙ୍କ ପ୍ରାର୍ଥିତ୍ବ ଘୋଷଣା କରିଛନ୍ତି। ଅଭିଷେକ ବିଜେପି ମୁଖ୍ୟ ନିତୀନ ନବୀନଙ୍କର ଅତି ଘନିଷ୍ଠ ବୋଲି ବିବେଚନା କରାଯାଉଛି। ଇତି ମଧ୍ୟରେ ତୃଣମୂଳ କଂଗ୍ରେସ ସାଂସଦ ଏବଂ ପୂର୍ବତନ ବଲିଉଡ ଅଭିନେତା ଶତ୍ରୁଘ୍ନ ସିହ୍ନା ପ୍ରଶାନ୍ତ କିଶୋରଙ୍କୁ ଏକ୍ସରେ ସମର୍ଥନ ଜଣାଇଛନ୍ତି।