1 hour ago
1
ARTICLE AD BOX
କୋଲକାତା : ନେତାଜୀ ସୁଭାଷ ଚନ୍ଦ୍ର ବୋଷଙ୍କ ବିରୋରେ ଅପମାନଜନକ ଟିପ୍ପଣୀ ଦେଇଥିବାରୁ ବିଜେପି ସାଂସଦ ନାଗେନ୍ଦ୍ର ରାୟଙ୍କ ବିରୋଧରେ ପଶ୍ଚିମବଙ୍ଗ ସରକାର କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ପଶ୍ଚିମବଙ୍ଗ ସରକାର ନାଗେନ୍ଦ୍ରଙ୍କୁ ଦିଆଯାଇଥିବା ରାଜ୍ୟର ସର୍ବୋଚ୍ଚ ନାଗରିକ ସମ୍ମାନ ‘ବଙ୍ଗ ବିଭୂଷଣ’ ପ୍ରତ୍ୟାହାର କରିନେଇଛନ୍ତି ।
ଉଲ୍ଲେଖଯୋଗ୍ୟ ନେତାଜୀଙ୍କ ବିରୋଧରେ ସୋସିଆଲ ମିଡିଆରେ ଅପମାନଜନକ ମନ୍ତବ୍ୟ କରୁଥିବା ଲୋକଙ୍କ ବିରୋଧରେ ଗିରଫ ସମେତ କଠୋର କାର୍ଯ୍ୟାନୁଷ୍ଠାନ ନେବାକୁ ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ ନିର୍ଦ୍ଦେଶ ଦେବାର ୨୪ ଘଣ୍ଟା ମଧ୍ୟରେ ସରକାର ଏହି ପଦକ୍ଷେପ ନେଇଛନ୍ତି । ମୁଖ୍ୟମନ୍ତ୍ରୀ କହିଥିଲେ ନେତାଜୀ ଜଣେ ସ୍ୱାଧୀନତା ସଂଗ୍ରାମୀ ଏବଂ ପଶ୍ଚିମବଙ୍ଗରେ ଅତ୍ୟନ୍ତ ସମ୍ମାନିତ ବ୍ୟକ୍ତିତ୍ୱ । ତେଣୁ ଆଇନ ସାଂସଦ, ବିଧାୟକ ଓ ସରକାରୀ ଅଧିକାରୀ ସମସ୍ତଙ୍କ ପାଇଁ ସମାନ ଭାବେ ଲାଗୁ ହେବ ବୋଲି ସେ କହିଥିଲେ । ସାଂସଦ ନାଗେନ୍ଦ୍ର ରାୟ ଯିଏ କି ଲୋକପ୍ରୀୟ ଭାବେ ଅନନ୍ତ ମହାରାଜ ଭାବେ ଜଣାଶୁଣା ଗତ କିଛି ଦିନ ତଳେ ନେତାଜୀଙ୍କୁ ‘ଯୁଦ୍ଧ ଅପରାଧୀ’ ବୋଲି ବର୍ଣ୍ଣନା କରିବା ସହ ତାଙ୍କ ନେତୃତ୍ୱ ଏବଂ ଭାରତର ସ୍ୱାଧୀନତା ସଂଗ୍ରାମରେ ଆଜାଦ ହିନ୍ଦ ଫୌଜର ଭୂମିକାକୁ ନେଇ ପ୍ରଶ୍ନ ଉଠାଇଥିଲେ । ବିଜେପି ସାଂସଦ ନାଗେନ୍ଦ୍ର ରାୟ ରାଜ୍ୟର ଉତ୍ତର ଭାଗରେ ଥିବା କୁଚବିହାରର ବାସିନ୍ଦା ଏବଂ ରାଜବଂଶୀ ସମ୍ପ୍ରଦାୟର ଜଣେ ନେତା ।
India-China: ଭାରତର ଅପ୍ଟିକାଲ ଫାଇବର ଉପରେ ଆଣ୍ଟି ଡମ୍ପିଂ ଡ୍ୟୁଟି ୫ ବର୍ଷ ବଢ଼ାଇଲା ଚୀନ
ଉଲ୍ଲେଖଯୋଗ୍ୟ ମମତା ବାନାର୍ଜୀ ସରକାର କ୍ଷମତାରେ ଥିବା ସମୟରେ ଫେବ୍ରୁଆରି ୨୦୨୬ରେ ନାଗେନ୍ଦ୍ର ରାୟଙ୍କୁ ‘ବଙ୍ଗ ବିଭୂଷଣ’ ସମ୍ମାନ ଦିଆଯାଇଥିଲା । ରାଜ୍ୟ ସରକାର କହିଛନ୍ତି ଯେ ଏହି ସମ୍ମାନ ରାଜ୍ୟ ଓ ଏହାର ଲୋକଙ୍କ ପାଇଁ ବିଶିଷ୍ଟ ଏବଂ ଉଲ୍ଲେଖନୀୟ ଅବଦାନ ପାଇଁ ପ୍ରଦାନ କରାଯାଏ । ସରକାର କହିଛନ୍ତି, କିଛି ନିର୍ଦ୍ଦିଷ୍ଟ ତଥ୍ୟ ଓ ପରିସ୍ଥିତି ସାମ୍ନାକୁ ଆସିଛି, ଯାହା ନାଗେନ୍ଦ୍ର ରାୟଙ୍କ ପାଖରେ ଏହି ସମ୍ମାନ ଜାରି ରହିବା ନେଇ ପ୍ରଶ୍ନ ଉଠିଛି ।
ସରକାରୀ ବିବୃତ୍ତିରେ କୁହାଯାଇଛି ଯେ ନାଗେନ୍ଦ୍ର ରାୟଙ୍କ ଦ୍ୱାରା ‘ବଙ୍ଗ ବିଭୂଷଣ’ ସମ୍ମାନକୁ ଆଗକୁ ରଖିବା ଏହି ସମ୍ମାନର ମର୍ଯ୍ୟାଦା, ପ୍ରତିଷ୍ଠା ଓ ଉଦ୍ଦେଶ୍ୟ ସହ ସମନ୍ୱୟପୂର୍ଣ୍ଣ ନୁହେଁ ବୋଲି ସକ୍ଷମ କର୍ତ୍ତୃପକ୍ଷ ମତ ଦେଇଛନ୍ତି । ତେଣୁ ପଶ୍ଚିମବଙ୍ଗ ସରକାର ୨୧ ଫେବ୍ରୁଆରି ୨୦୨୬ରେ ନାଗେନ୍ଦ୍ର ରାୟଙ୍କୁ ପ୍ରଦାନ କରାଯାଇଥିବା ‘ବଙ୍ଗ ବିଭୂଷଣ’ ପ୍ରତ୍ୟାହାର କରିଛନ୍ତି ।
