6 hours ago
1
ARTICLE AD BOX
ଢାକା: ବାଂଲାଦେଶ ବର୍ତ୍ତମାନ ଏକ ଗମ୍ଭୀର ଶକ୍ତି ସଙ୍କଟର ସମ୍ମୁଖୀନ ହୋଇଛି। ଏହି ସଙ୍କଟକୁ ନିୟନ୍ତ୍ରଣ କରିବା ପାଇଁ ବାଂଲାଦେଶ ସରକାର ଅଗଷ୍ଟ ୧୨ ତାରିଖରେ ଏକ ଅଫିସିଆଲ୍ ନୋଟିଫିକେସନ୍ ଜାରି କରି ସାରା ଦେଶରେ ସପିଂ ମଲ୍, ମାର୍କେଟ୍ ଏବଂ ଦୋକାନଗୁଡ଼ିକ କେବଳ ପୂର୍ବାହ୍ନ ୧୧ଟାରୁ ରାତି ୮ଟା ପର୍ଯ୍ୟନ୍ତ ଖୋଲା ରଖିବାକୁ ନିର୍ଦ୍ଦେଶ ଦେଇଛନ୍ତି।
ବିଦ୍ୟୁତ୍, ଶକ୍ତି ଓ ଖଣିଜ ସମ୍ପଦ ମନ୍ତ୍ରଣାଳୟ ପକ୍ଷରୁ ଜାରି ଏହି ନିର୍ଦ୍ଦେଶନାମା ଅନୁଯାୟୀ, ଦେଶସାରା ଚାଲିଥିବା କିମ୍ବା ଆଗାମୀ ଦିନରେ ହେବାକୁ ଥିବା ସମସ୍ତ ମେଳା, ବାଣିଜ୍ୟ ମେଳା ଏବଂ ସାଂସ୍କୃତିକ କାର୍ଯ୍ୟକ୍ରମଗୁଡ଼ିକୁ ମଧ୍ୟ ରାତି ୮ଟା ସୁଦ୍ଧା ଶେଷ କରିବାକୁ କୁହାଯାଇଛି। ଏହା ସହିତ ସନ୍ଧ୍ୟା ୭ଟା ସୁଦ୍ଧା ସମସ୍ତ ସାଜସଜ୍ଜା ପାଇଁ ବ୍ୟବହୃତ ଲାଇଟକୁ ସମ୍ପୂର୍ଣ୍ଣ ବନ୍ଦ ରଖିବାକୁ ନିର୍ଦ୍ଦେଶ ଦିଆଯାଇଛି। ସାରା ଦେଶରେ ଘଣ୍ଟା ଘଣ୍ଟା ଧରି ବିଦ୍ୟୁତ୍ କାଟ୍ ହେଉଥିବାରୁ କୃତ୍ରିମ ଆଲୋକର ବ୍ୟବହାର କମାଇବା ପାଇଁ ସରକାର ଏହି ପଦକ୍ଷେପ ନେଇଛନ୍ତି।
ରାଉରକେଲାରେ ପ୍ରବଳ ବର୍ଷା: ଆରଏମ୍ସିର ସମସ୍ତ ଅଧିକାରୀ ଓ କର୍ମଚାରୀଙ୍କ ଛୁଟି ବାତିଲ
ସଙ୍କଟର ମୁକାବିଲା ପାଇଁ ବାଂଲାଦେଶର ଶକ୍ତି ମନ୍ତ୍ରୀ ଇକବାଲ ହସନ ମହମୁଦ ଭାରତୀୟ ହାଇକମିଶନର ପ୍ରଣୟ ବର୍ମାଙ୍କ ସହ ଆଲୋଚନା କରି ଭାରତରୁ ଅତିରିକ୍ତ ଡିଜେଲ ଯୋଗାଣ ପାଇଁ ଅନୁରୋଧ କରିଛନ୍ତି। ବିଶ୍ୱସ୍ତରରେ ମଧ୍ୟପ୍ରାଚ୍ୟ ବିବାଦ ବୃଦ୍ଧି ପାଇଲେ ଇନ୍ଧନ ଆମଦାନୀ ବାଧାପ୍ରାପ୍ତ ହୋଇପାରେ, ତେଣୁ ଭାରତ-ବାଂଲାଦେଶ ପାଇପଲାଇନ୍ ଜରିଆରେ ଅଧିକ ଡିଜେଲ୍ ଦେବାକୁ ବାଂଲାଦେଶ ଅନୁରୋଧ କରିଛି। ଏହି ଅନୁରୋଧ ସମ୍ପର୍କରେ ଭାରତୀୟ ବୈଦେଶିକ ମନ୍ତ୍ରଣାଳୟର ସ୍ପୋକ୍ସପରସନ୍ ରଣଧୀର ଜୈସୱାଲ କହିଛନ୍ତି ଯେ, ବାଂଲାଦେଶ ସରକାରଙ୍କଠାରୁ ଅନୁରୋଧ ମିଳିଛି ଏବଂ ଏହାର ତର୍ଜମା କରାଯାଉଛି।
