22 minutes ago
1
ARTICLE AD BOX
ନୂଆଦିଲ୍ଲୀ: ଜାତୀୟ ରାଜଧାନୀ ଦିଲ୍ଲୀ ଆକାଶକୁ ଘନକୁହୁଡ଼ିର ଆସ୍ତରଣ ଆଚ୍ଛାଦିତ କରି ରଖିଥିବାବେଳେ ବାୟୁ ପ୍ରଦୂଷଣ ରବିବାର ସକାଳେ ମଧ୍ୟ ଅତି ଖରାପ ଶ୍ରେଣୀରେ ରହିଛି। ସାମଗ୍ରିକ ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ସମୀର୍ ଆପ୍ରେ ୩୫୦ ରହିଥିବାବେଳେ କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ଼ (ସିପିସିବି) ତଥ୍ୟ ଅନୁଯାୟୀ ୩୫୨ ରହିଛି।
ସମୀର ଆପ୍ ଅନୁଯାୟୀ, ଦିଲ୍ଲୀର ୫୪ଟି ନିରୀକ୍ଷଣ କେନ୍ଦ୍ର ମଧ୍ୟରୁ ୪୭ଟିରେ ‘ଅତ୍ୟନ୍ତ ଖରାପ’ ବାୟୁ ଗୁଣବତ୍ତା ରେକର୍ଡ କରାଯାଇଥିଲା, ସାତଟିରେ ‘ଗମ୍ଭୀର’ ବର୍ଗରେ ଥିଲା। ଆଇଆଇଟି ଦିଲ୍ଲୀରେ ଏକ୍ୟୁଆଇ ସର୍ବାଧିକ ୪୨୮ ରେକର୍ଡ଼ ହୋଇଥିବାବେଳେ ଆଇଟିଓରେ ୪୧୪ ରହିଛି। ସିପିସିବି ତଥ୍ୟ ଅନୁସାରେ ଏହି ଦୁଇ ସ୍ଥାନରେ ଏକ୍ୟୁଆଇ ଯଥାକ୍ରମେ ୪୨୫ ଓ ୪୧୫ ରହିଛି। କମନୱେଲ୍ଥ ସ୍ପୋର୍ଟ୍ସ କମ୍ପ୍ଲେକ୍ସଠାରେ ଏକ୍ୟୁଆଇ ୪୦୩ ରହିଛି। ଦିଲ୍ଲୀ ବିଶ୍ବବିଦ୍ୟାଳୟ ନର୍ଥ କ୍ୟାମ୍ପସଠାରେ ୪୦୨ରୁ ବୁରାରୀ କ୍ରସିଂରେ ୪୦୦ ରେକର୍ଡ଼ କରାଯାଇଛି।
Air pollution: ବଠିଣ୍ଡାରେ ବିଶ୍ୱର ସର୍ବାଧିକ ବାୟୁ ପ୍ରଦୂଷଣ, ଏକ୍ୟୁଆଇ ୧୦୪୮
କିଛି ଷ୍ଟେସନରେ ବାୟୁ ଗୁଣବତ୍ତା ତୁଳନାତ୍ମକ ଭାବରେ ଉନ୍ନତ ରେକର୍ଡ କରାଯାଇଛି, ନଜଫଗଡ଼ରେ ଏକ୍ୟୁଆଇ ୨୯୮, ଇଗ୍ନୋ-ମୈଦାନ ଗଡ଼ିରେ ୨୭୮ ଓ ଆଇଏମ୍ଡି ଲୋଧି ରୋଡ୍ (ଆଇଆଇଟିଏମ୍ ) ୨୮୦ ପଞ୍ଜିକୃତ ହୋଇଛି, ଯାହାକି ଖରାପ ବର୍ଗରେ ଆସୁଛି। କ୍ୟାଣ୍ଟନମେଣ୍ଟ ଅଞ୍ଚଳରେ ଏକ୍ୟୁଆଇ ୧୬୫ ରେକର୍ଡ କରାଯାଇଛି, ଯାହା ଏହାକୁ ‘ମଧ୍ୟମ’ ବର୍ଗରେ ରଖାଯାଇଛି। ପିଏମ୍ ୧୦ ଓ ପିଏମ୍ ୨.୫ ମୁଖ୍ୟ ପ୍ରଦୂଷକ ରହିଛନ୍ତି।
