4 hours ago
1
ARTICLE AD BOX
ନୂଆଦିଲ୍ଲୀ: ଲୋକସଭାରେ ପେପର ଲିକ୍ ବିଲ୍ ଉପରେ ଆଲୋଚନାରେ ଭାଗ ନେଇ ବିଜେପି ସାଂସଦ ବାଂଶୁରୀ ସ୍ବରାଜ ଆଜି କହିଛନ୍ତି, କଂଗ୍ରେସ ନେତୃତ୍ବାଧୀନ ଉପା ଶାସନ ସମୟରେ ମଧ୍ୟ ପ୍ରଶ୍ନପତ୍ର ପ୍ରଘଟ ହୋଇଥିଲା। କିନ୍ତୁ ବିରୋଧୀମାନେ ଏବେ ପ୍ରଶ୍ନପତ୍ର ଲିକ୍ ଘଟଣାକୁ ନେଇ ଚୟନାତ୍ମକ ପ୍ରତିକ୍ରିୟା ଦେଖାଉଛନ୍ତି। ବାଂଶୁରୀ ସ୍ବରାଜ କହିଛନ୍ତି, ପ୍ରସ୍ତାବିତ ବିଲ୍ରେ ତ୍ବରିତ ବିଚାରଣ ଏବଂ ଦୋଷୀଙ୍କ ପାଇଁ କଠୋର ଦଣ୍ଡବିଧାନ ବ୍ୟବସ୍ଥା ରହିଛି। ଏହା ପରିବର୍ତ୍ତନଶୀଳ ସଂଶୋଧନ। ଏହା କେବଳ ଏକ ଆବଶ୍ୟକତା ନୁହେଁ ବରଂ ଏହା ବର୍ତ୍ତମାନ ସମୟର ଆବଶ୍ୟକତା।
୨୦୧୪ ମସିହାରେ ବିଜେପି ନେତୃତ୍ବାଧୀନ ଏନ୍ଡିଏ କେନ୍ଦ୍ରରେ କ୍ଷମତାକୁ ଆସିବାପରେ ପେପର୍ ଲିକ୍ ଆରମ୍ଭ ହୋଇଛି ବୋଲି ବିରୋଧୀମାନେ ଧାରଣା ସୃଷ୍ଟି କରିବାକୁ ଚେଷ୍ଟା କରୁଥିବା ବାଂଶୁରୀ ଅଭିଯୋଗ କରିଛନ୍ତି। ଗଣମାଧ୍ୟମ ରିପୋର୍ଟକୁ ଆଧାର କରି ବାଂଶୁରୀ ଦାବି କରିଛନ୍ତି ଯେ ୨୦୦୪ରୁ ୨୦୧୪ ମଧ୍ୟରେ କଂଗ୍ରେସ କେନ୍ଦ୍ରରେ କ୍ଷମତାରେ ଥିବା ସମୟରେ ଏବଂ କଂଗ୍ରେସ ଶାସିତ ରାଜ୍ୟ ଗୁଡ଼ିକରେ ୨୨ ଥର ପେପର୍ ଲିକ୍ ହୋଇଛି।
