55 minutes ago
1
ARTICLE AD BOX
କୋଲକାତା : କେନ୍ଦ୍ରୀୟ କୋଲକାତାରେ ଟିଏମ୍ସି ନେତା ଅଭିଷେକ ବାନାର୍ଜୀଙ୍କ ଅଫିସ୍ ଥିବା ଏକ ସୁଉଚ୍ଚ କୋଠାର ବେସମେଣ୍ଟ ଏବଂ ୨ଟି ମହଲା ଖାଲି କରିବା ପାଇଁ ପଶ୍ଚିମବଙ୍ଗ ଅଗ୍ନିଶମ ବିଭାଗ ନିର୍ଦ୍ଦେଶ ଦେଇଛି । ଅଗ୍ନି ନିରାପତ୍ତା ପଦକ୍ଷେପ ଅଭାବରୁ ଏହି କାର୍ଯ୍ୟାନୁଷ୍ଠାନ ଗ୍ରହଣ ହୋଇଛି । ଉଲ୍ଲେଖଯୋଗ୍ୟ, ଅଭିଷେକଙ୍କ କାମାକ ଷ୍ଟ୍ରିଟ୍ ଅଫିସ୍ରେ ଭଙ୍ଗାରୁଜା ହେବାର ଦିନକ ପରେ ଏହି ଘଟଣା ଘଟିଛି । ଟିଏମ୍ସି ବିଜେପି ସହ ଜଡ଼ିତ ଲୋକଙ୍କୁ ଏହି ଆକ୍ରମଣ ପାଇଁ ଦାୟୀ କରିଥିବାବେଳେ ଶାସକ ଦଳ ଦ୍ବାରା ଏହି ଅଭିଯୋଗକୁ ଖଣ୍ଡନ କରାଯାଇଛି ।
Bomb Threat: କୋଲକାତା ବିମାନବନ୍ଦରରେ ବୋମା ଆତଙ୍କ
ତେବେ ସପ୍ତାହକ ତଳେ କର୍ତ୍ତୃପକ୍ଷ ଏହି କୋଠାରୁ ଟିଏମ୍ସିର ଏକ ବିଲ୍ବୋର୍ଡ କାଢ଼ି ନେଇଥିଲେ । ଏହି ସମୟରେ ବାନାର୍ଜୀଙ୍କ ଅଫିସ୍ର ଘରୋଇ ସୁରକ୍ଷାକର୍ମୀ, ତାଙ୍କ ସମର୍ଥକ ଓ କିଛି ଦଳୀୟ ନେତା ପୁଲିସ ଓ କୋଲକାତା ପୌର ନିଗମର ଅଧିକାରୀଙ୍କ ସହ ସଂଘର୍ଷ କରିଥିଲେ । କୋଠାର ବେସମେଣ୍ଟ୍, ଷଷ୍ଠ ଓ ସପ୍ତମ ମହଲାକୁ ଖାଲି କରିବା ପାଇଁ ଏହାର ମାଲିକଙ୍କୁ ଏକ ନୋଟିସ୍ ପଠାଯାଇଛି । ପୁଲିସ ଓ ଅଗ୍ନିଶମ ଅଧିକାରୀମାନେ କୋଠାରେ ପ୍ରତି ମହଲାକୁ ଯାଇ ଅଗ୍ନି ନିରାପତ୍ତା ଯାଞ୍ଚ କରିବାପରେ ଏହି ପଦକ୍ଷେପ ଗ୍ରହଣ କରାଯାଇଛି ।
