1 hour ago
1
ARTICLE AD BOX
ମସ୍କୋ: କୃଷ୍ଣସାଗର ଉପକୂଳ ନିକଟରେ ୟୁକ୍ରେନ ଡ୍ରୋନ୍ ଆକ୍ରମଣରେ ଏକ ତେଲ ଟ୍ୟାଙ୍କର୍ରେ ନିଆଁ ଲାଗିଯାଇଛି। ରୁଷିଆନ୍ ଅଧିକାରୀମାନେ କହିଛନ୍ତି ଯେ ଲାଇବେରିଆନ୍ ପତାକାଥିବା ତେଲ ଟ୍ୟାଙ୍କର୍ରେ ୨୩ ଜଣ ଭାରତୀୟ କର୍ମଚାରୀ ଥିଲେ। ସମସ୍ତଙ୍କୁ ଉଦ୍ଧାର କରାଯାଇଛି। ଋଷିଆନ୍ ପରିବହନ ମନ୍ତ୍ରଣାଳୟ କହିଛି, ରୁଷର ରିସୋର୍ଟ ସହର ସୋଚି ନିକଟରେ କୃଷ୍ଣସାଗରରେ ଏକ ନୌସେନା ଡ୍ରୋନ୍ ଦ୍ୱାରା ଆଫ୍ରାମାକ୍ସ ରିଓ ନାମକ ଟ୍ୟାଙ୍କର୍ ଉପରେ ଆକ୍ରମଣ କରାଯାଇଥିଲା, ଯାହା ଫଳରେ ଏଥିରେ ନିଆଁ ଲାଗିଯାଇଥିଲା।
ପରିବହନ ମନ୍ତ୍ରଣାଳୟର ସୂଚନା ଆଧାରରେ ନ୍ୟୁଜ୍ ଏଜେନ୍ସି ରଏଟର୍ସ କହିଛି,କ୍ରୁର କେହି ଆହତ ହୋଇ ନାହାନ୍ତି। ତୁରନ୍ତ ଜରୁରୀକାଳୀନ ଦଳ ପଠାଯାଇଥିଲା ଏବଂ ଟ୍ୟାଙ୍କର୍ରେ ଥିବା ସମସ୍ତଙ୍କୁ ଉଦ୍ଧାର କରାଯାଇଥିଲା। ଏହି ଆକ୍ରମଣ ଯୋଗୁଁ କୃଷ୍ଣସାଗରରେ ଅଶୋଧିତ ତେଲ ଜଳିବାକୁ ଲାଗିଲା, ଯାହା ଫଳରେ ଉଚ୍ଚ ଅଗ୍ନିଶିଖା ଏବଂ ଧୂଆଁ ସୃଷ୍ଟି ହୋଇଛି। ଜାହାଜରେ ଥିବା ସମସ୍ତ କ୍ରୁ ସଦସ୍ୟ ଭାରତୀୟ ନାଗରିକ ବୋଲି ଜଣାପଡ଼ିଛି।
ସମୁଦ୍ରରେ ଜଳିଗଲା ଜାହାଜ
ଆକ୍ରମଣ ପରେ ପ୍ରକାଶିତ ଭିଡିଓଗୁଡ଼ିକରେ ସୋଚି ଉପକୂଳରୁ ସମୁଦ୍ର ଭିତରକୁ କଳା ଧୂଆଁର ଏକ ବଡ଼ ଗୁଣ୍ଡ ଉଠୁଥିବା ଦେଖାଯାଉଛି। ଘଟଣା ପରେ ସିରିଆନ ଫେଡେରାଲ ରିଜିଅନର କର୍ତ୍ତୃପକ୍ଷ ବେଳାଭୂମିକୁ ବନ୍ଦ କରିଦେଇଛନ୍ତି। ଜଳ ଏବଂ ବାୟୁ ଗୁଣବତ୍ତା ପରୀକ୍ଷା କରାଯାଉଛି। ସୋଚିର ମେୟର କହିଛନ୍ତି ଯେ, ବେଳାଭୂମିରେ ପ୍ରବେଶକୁ ମନା କରାଯାଇଛି। ରୁଷର ପରିବହନ ମନ୍ତ୍ରଣାଳୟ ଆକ୍ରମଣ ସମ୍ପର୍କରେ ସୂଚନା ଦେଇ କହିଛି, ଆକ୍ରମଣ ଏକ ମାନବହୀନ ଜାହାଜରୁ କରାଯାଇଥିଲା।
ଏହି ଘଟଣା ଏପରି ସମୟରେ ଘଟିଛି ଯେତେବେଳେ କୃଷ୍ଣସାଗରରେ ବାଣିଜ୍ୟିକ ଜାହାଜ ଉପରେ ଆକ୍ରମଣ ବୃଦ୍ଧି ପାଇଛି। କୃଷ୍ଣସାଗର ଚାରିପାଖରେ ରୁଷ ଏବଂ ୟୁକ୍ରେନ ଉଭୟ ବାଣିଜ୍ୟିକ ଜାହାଜକୁ ଟାର୍ଗେଟ କରୁଛନ୍ତି। ଗୋଟିଏ ଦିନ ପୂର୍ବରୁ, କୃଷ୍ଣସାଗରରେ ଏକ ଭାରତୀୟ କର୍ମଚାରୀଙ୍କ ସହିତ ଏକ ଜାହାଜ ଉପରେ ଆକ୍ରମଣ କରାଯାଇଥିଲା, ଯେଉଁଥିରେ ଜାହାଜର କ୍ୟାପ୍ଟେନଙ୍କ ମୃତ୍ୟୁ ହୋଇଥିଲା। ଆକ୍ରମଣ ପରେ, ଜାହାଜରେ ନିଆଁ ଲାଗିଯାଇଥିଲା। ୧୧ ଜଣଙ୍କୁ ଉଦ୍ଧାର କରାଯାଇଥିଲା। ୟୁକ୍ରେନୀୟ ରାଷ୍ଟ୍ରପତି ଭୋଲୋଡିମିର ଜେଲେନସ୍କି ଆକ୍ରମଣ ପାଇଁ ରୁଷକୁ ଦାୟୀ କରିଥିଲେ। ରୁଷ-ୟୁକ୍ରେନ ଯୁଦ୍ଧ ଯୋଗୁଁ କୃଷ୍ଣସାଗରରେ ବର୍ତ୍ତମାନ ସୁଦ୍ଧା ମୋଟ ୫ ଜଣ ଭାରତୀୟ ନାବିକଙ୍କ ମୃତ୍ୟୁ ଘଟିଛି।
ଆମେରିକୀୟ ସାମରିକ ବିମାନ କ୍ଷତିଗ୍ରସ୍ତ
୧୯ ଜୁଲାଇ ୨୦୨୬ରେ ୟୁକ୍ରେନର ଓଡେସା ବନ୍ଦର ନିକଟରେ ଏମଭି ଗୋଲଡେନ ଲିଓ ନାମକ ଏକ ସାଧାରଣ କାର୍ଗୋ ଜାହାଜ ଉପରେ ରୁଷ କ୍ରୁଜ୍ କ୍ଷେପଣାସ୍ତ୍ର ଆକ୍ରମଣ କରିବା ଫଳରେ ୪ ଜଣ ଭାରତୀୟ ମୃତ୍ୟୁବରଣ କରିଥିଲେ । ମୃତକଙ୍କ ନାମ ଅକିଲ ଜୟ , ଗେରିତ ସିଂହ , ବାର୍ଟ ଜଗନ ସିଂହ ଏବଂ ଅଭିଷେକ ନିଷାଦ ଥିଲା। ସେହିପରି ୧୮ ଜୁଲାଇରେ କୃଷ୍ଣସାଗରରେ ପରିବହନ କରୁଥିବା ସମୟରେ ଏକ ବାଣିଜ୍ୟିକ ଜାହାଜ ଆକ୍ରମଣର ଶିକାର ହୋଇଥିଲା। ଏଥିରେ ଜଣେ ଭାରତୀୟ ନାବିକ ମୃତ୍ୟୁବରଣ କରିଥିଲେ।
