1 hour ago
1
ARTICLE AD BOX
ବୈଶିଙ୍ଗା(ଦୀପକ କୁମାର ସିଂହ): ଗତ ମଙ୍ଗଳବାର ବେତନଟୀ ବ୍ଲକ ଅଧୀନ ଗଡ଼ଦେଉଳିଆ ସ୍ଥିତ ସରକାରୀ ପ୍ରାଥମିକ ବିଦ୍ୟାଳୟ ପରିସରରେ ଖେଳୁଥିବା ସମୟରେ ୫ମ ଶ୍ରେଣୀରେ ପଢ଼ୁଥିବା ହଷ୍ଟେଲ ଛାତ୍ର ବିଷାକ୍ତ ସର୍ପ ଦଂଶନରେ ଗୁରୁତର ହୋଇ କଟକ ଡାକ୍ତରଖାନାରେ ଚିକିତ୍ସାଧୀନ ଥିବା ଅବସ୍ଥାରେ ଆଜି ତାଙ୍କର ମୃତ୍ୟୁ ଘଟିଛି l ତେବେ ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ ଦାୟିତ୍ୱହୀନତା କାର୍ଯ୍ୟକଳାପକୁ ବିରୋଧ କରି ଆଜି ଶତାଧିକ ଅଭିଭାବକ ଆସି ବିଦ୍ୟାଳୟରେ ପହଞ୍ଚି ବିକ୍ଷୋଭ ପ୍ରଦର୍ଶନ କରିବା ସହିତ ଶିକ୍ଷକ ଶିକ୍ଷୟିତ୍ରୀମାନଙ୍କୁ ଗୋଟିଏ ଶ୍ରେଣୀ ଗୃହରେ ପୁରେଇ ଦୁଆର ଜଗି ବସିଛନ୍ତି l
ଘଟଣା ସ୍ଥଳରେ ଉତ୍ତେଜନା
ଅନ୍ୟପଟେ ଘଟଣା ସ୍ଥଳରେ ପ୍ରବଳ ଉତ୍ତେଜନାକୁ ଲକ୍ଷ କରି ବେତନଟୀ ଏସଡିପିଓ ଓ ବୈଶିଙ୍ଗା ଥାନା ଅଧିକାରୀଙ୍କ ସହିତ ପୁଲିସ ଫୋର୍ସ ପହଞ୍ଚି ସ୍ଥିତି ନିୟନ୍ତ୍ରଣ କରିବାକୁ ଚେଷ୍ଟା କରୁଛନ୍ତି l ତେବେ ମୃତକ ପରିବାରକୁ ୨୫ଲକ୍ଷ ଟଙ୍କାର ଆର୍ଥିକ ସହାୟତା ସହିତ ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀଙ୍କୁ ବହିଷ୍କାର ଓ ଗିରଫ ଦାବିରେ ଅଡି ବସିଛନ୍ତି ଅଭିଭାବକ ଓ ଗ୍ରାମବାସୀ l ଅନ୍ୟପଟେ ପ୍ରାଥମିକ ତଦନ୍ତରୁ ଦାୟୀତ୍ୱରେ ଅବହେଳା ପାଇଁ ପ୍ରଧାନଶିକ୍ଷୟିତ୍ରୀ ସୁବର୍ଣ୍ଣମଞ୍ଜରୀ ଭୂୟାଁକୁ ନୀଳମ୍ବନ କଲା ଶିକ୍ଷାବିଭାଗ l
Death: ମେସ୍ କର୍ତ୍ତୃପକ୍ଷଙ୍କ ଅବହେଳା ପାଇଁ ଚାଲିଗଲା ଛାତ୍ରଙ୍କ ଜୀବନ
ପ୍ରକାଶ ଯୋଗ୍ୟ, ବାରିପଦା ଉପକଣ୍ଠ ବାଇଗଣ ବାଡିଆ ଅଞ୍ଚଳର ରବୀନ୍ଦ୍ର ସୋରେନଙ୍କ ପୁଅ ୫ମ ଶ୍ରେଣୀ ଛାତ୍ର ସପନ ସୋରେନ ଗତକାଲି ମଙ୍ଗଳବାର ଅପରାହ୍ନରେ ସ୍କୁଲ ପରିସରରେ ଖେଳୁଥିବା ସମୟରେ, ଏକ ବିଷାକ୍ତ ସାପ ଦଂଶନ କରିବା ଯୋଗୁଁ ତାଙ୍କ ଅବସ୍ଥା ଗୁରୁତର ହୋଇଥିଲା l ତାଙ୍କୁ ପ୍ରଥମେ ବୈଶିଙ୍ଗା,ପରେ ବାରିପଦା ଜିଲ୍ଲା ମୁଖ୍ୟ ଡାକ୍ତରଖାନା ଓ ପରେ ଆଜି ଅବସ୍ଥା ସଙ୍କଟାପନ୍ନ ହେବାରୁ କଟକ ସ୍ଥାନାନ୍ତର କରାଯାଇଥିଲା l
