5 hours ago
2
ARTICLE AD BOX
ୱାସିଂଟନ/ଜେରୁସାଲେମ: ଇରାନ ବିରୋଧରେ ଯୁଦ୍ଧ ପାଇଁ ଭବିଷ୍ୟତ ରଣନୀତିକୁ ନେଇ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଛି। ଇସ୍ରାଏଲୀ ଗଣମାଧ୍ୟମ ରିପୋର୍ଟ ଅନୁଯାୟୀ, ଗତ କିଛି ଦିନ ଧରି ଦୁଇ ନେତାଙ୍କ ମଧ୍ୟରେ ଫୋନ୍ ଆଲୋଚନା ଉଷ୍ମ ବିତର୍କରେ ପରିଣତ ହୋଇଛି। ଏହା ଇରାନ ପ୍ରତି ଆମେରିକା ଏବଂ ଇସ୍ରାଏଲୀ ରଣନୀତି ଉପରେ ଉଭୟଙ୍କ ମଧ୍ୟରେ ଥିବା ପାର୍ଥକ୍ୟକୁ ସ୍ପଷ୍ଟ କରିଛି।ଇସ୍ରାଏଲୀ ସମ୍ବାଦ ସଂସ୍ଥା ୱାଇନେଟ୍ ଏବଂ ୱେଡିୟଟ ଆରେହନାଥ ରିପୋର୍ଟ କରିଛନ୍ତି ଯେ, ନେତାନ୍ୟାହୁ ଟ୍ରମ୍ପଙ୍କ ଉପରେ ଇରାନ ବିରୋଧରେ ସାମରିକ କାର୍ଯ୍ୟାନୁଷ୍ଠାନ ପୁଣି ଆରମ୍ଭ କରିବାକୁ ଚାପ ପକାଇଥିଲେ। ମାତ୍ର ଟ୍ରମ୍ପ ତେହେରାନ ସହିତ ଚାଲିଥିବା ଶାନ୍ତି ଆଲୋଚନା ଆଗକୁ ବଢ଼ିବା ଉପରେ ଜୋର୍ ଦେଇଥିଲେ।
ରିପୋର୍ଟ ଅନୁଯାୟୀ, ନେତାନ୍ୟାହୁ ଆମେରିକାକୁ ଇରାନ ଉପରେ ଆକ୍ରମଣ ପୁଣି ଆରମ୍ଭ କରିବାକୁ ଏବଂ ସେଠାରେ ଶାସନ ପରିବର୍ତ୍ତନ ପାଇଁ ପଦକ୍ଷେପ ନେବାକୁ ଲଗାତାର ଅନୁରୋଧ କରିଆସୁଛନ୍ତି। ଅନ୍ୟପକ୍ଷରେ ଟ୍ରମ୍ପ ସାମରିକ କାର୍ଯ୍ୟାନୁଷ୍ଠାନ ପୁନଃ ଆରମ୍ଭ କରିବା ସପକ୍ଷରେ ନାହାନ୍ତି। ସେ ଇରାନ ଉପରେ ଆର୍ଥିକ ଚାପ ବଜାୟ ରଖିବାକୁ ଏବଂ କୂଟନୈତିକ ଆଲୋଚନା କରିବାକୁ ଚାହୁଁଛନ୍ତି।
Donald Trump:ଡୋନାଲ୍ଡ ଟ୍ରମ୍ପ ଏବଂ ଜର୍ଜିଆ ମେଲୋନିଙ୍କ ମନୋମାଳିନ୍ୟ ଶେଷ
ଉଭୟ ଗଣମାଧ୍ୟମ,ଆଲୋଚନାକୁ ଅତ୍ୟନ୍ତ ଉଷ୍ମ ବୋଲି ବର୍ଣ୍ଣନା କରିଛନ୍ତି, ଏହାକୁ ‘ସାଉଟିଙ୍ଗ୍ ମ୍ୟାଚ୍ ଫ୍ରମ୍ ହେଲ୍’ ବୋଲି କହିଛନ୍ତି। ତେବେ ଜଣେ ବରିଷ୍ଠ ଇସ୍ରାଏଲୀ ଅଧିକାରୀ ଦୁଇ ନେତାଙ୍କ ମଧ୍ୟରେ ସପ୍ତାହାନ୍ତ ଆଲୋଚନାକୁ ନିଶ୍ଚିତ କରିଛନ୍ତି କିନ୍ତୁ କୌଣସି ମୁହାଁମୁହିଁ ହେବାର କଥାକୁ ଅସ୍ୱୀକାର କରିଛନ୍ତି। ନେତାନ୍ୟାହୁଙ୍କ କାର୍ଯ୍ୟାଳୟ ମଧ୍ୟ ଆଲୋଚନା ସମୟରେ ଝଗଡ଼ାର ରିପୋର୍ଟକୁ ଖଣ୍ଡନ କରି ଏହି ରିପୋର୍ଟଗୁଡ଼ିକୁ ମିଥ୍ୟା ଖବର ବୋଲି କହିଛି।
