1 hour ago
2
ARTICLE AD BOX
ମୁମ୍ବାଇ: ଶିବସେନା (ୟୁବିଟି) ସାଂସଦ ସଞ୍ଜୟ ରାଉତ ଜନ୍ତରମନ୍ତରରେ ଘଟିଥିବା ଘଟଣା ନେଇ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ ପ୍ରଶ୍ନ କରି କହିଛନ୍ତି ଯେ, ତାଙ୍କୁ ପୂର୍ବରୁ ଇସ୍ତଫା ଦେବା ଉଚିତ୍ ଥିଲା। ଯେତେବେଳେ ପ୍ରତିବାଦ ସ୍ଥଳରେ ପୁଲିସ କାର୍ଯ୍ୟାନୁଷ୍ଠାନ ପାର୍ଲାମେଣ୍ଟ ଷ୍ଟ୍ରିଟ୍ ପୁଲିସ ଷ୍ଟେସନର ଜେନେରାଲ ଡାଏରୀରେ ରେକର୍ଡ କରାଯାଇଛି ବୋଲି ସେ ଅଭିଯୋଗ କରିଛନ୍ତି। ଜନ୍ତରମନ୍ତରରେ ଏତେ ବଡ଼ ଘଟଣା ଘଟିଛି। ରାହୁଲ ଗାନ୍ଧୀ ଲୋକସଭାରେ ଠିଆ ହୋଇ ଆପଣଙ୍କ ବିଷୟରେ କହୁଛନ୍ତି। ତଥାପି, ଆପଣ କୌଣସି ସ୍ଥାନରେ ଦେଖାଯାଉନାହାନ୍ତି। ତେବେ, ଆପଣଙ୍କ ନିଖୋଜ ହେବାର କାରଣ କ’ଣ ବୋଲି ସେ ଶାହାଙ୍କ ଉଦ୍ଦେଶ୍ୟରେ ପ୍ରଶ୍ନ କରିଛନ୍ତି।ଯେତେବେଳେ ପୁଲୱାମା ଘଟିଥିଲା, ପହଲଗାମ ଘଟିଥିଲା। ପ୍ରଧାନମନ୍ତ୍ରୀ ପ୍ରଥମେ ତାଙ୍କ ଇସ୍ତଫା ନେଇ ତାଙ୍କୁ ଘରକୁ ପଠାଇଦେବା ଉଚିତ୍ ଥିଲା। କେନ୍ଦ୍ର ଗୃହମନ୍ତ୍ରୀଙ୍କୁ କଟାକ୍ଷ କରି ସଞ୍ଜୟ କହିଛନ୍ତି,‘ଶାହ ଜେନେରାଲ ଡାୟାର, ଜେନେରାଲ କାୟାର ହୈ’।
ସାମ୍ବାଦିକ ସମ୍ମିଳନୀରେ ସେ ଶାହାଙ୍କ ଅନୁପସ୍ଥିତି ଉପରେ ପ୍ରଶ୍ନ ଉଠାଇ ଅମିତ ଶାହ କେଉଁଠି? ଦେଶର ଗୃହମନ୍ତ୍ରୀଙ୍କୁ ଜନସାଧାରଣ ଏବଂ ସାଂସଦମାନଙ୍କୁ ଖୋଜିବାକୁ ପଡିବ କି। ନିଖୋଜ ହେବାର ରହସ୍ୟ କ’ଣ ବୋଲି ସେ ପ୍ରଶ୍ନ କରିଛନ୍ତି। ଶାହାଙ୍କୁ କଟାକ୍ଷ କରି ସେ କହିଛନ୍ତି, ସମ୍ପ୍ରତି ‘ଲାପତା ଲେଡିଜ୍’ ନାମକ ଏକ ଚଳଚ୍ଚିତ୍ର ମୁକ୍ତିଲାଭ କରିଛି। ମୁଁ ‘ଲାପତା ଗୃହମନ୍ତ୍ରୀ’ ନାମକ ଏକ ଚଳଚ୍ଚିତ୍ର ନିର୍ମାଣ କରିବାକୁ ଚିନ୍ତା କରୁଛି।
