1 hour ago
1
ARTICLE AD BOX
ନୂଆଦିଲ୍ଲୀ: ନୂଆଦିଲ୍ଲୀରେ ଅନୁଷ୍ଠିତ ହେଉଥିବା ବ୍ରିକ୍ସ ଶିଖର ସମ୍ମିଳନୀ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କର ଏକ ବ୍ୟସ୍ତବହୁଳ କୂଟନୈତିକ କାର୍ଯ୍ୟସୂଚୀ ସାମ୍ନାକୁ ଆସିଛି। ରୁଷ୍ ରାଷ୍ଟ୍ରପତି ଭ୍ଲାଦିମିର ପୁଟିନ୍, ଚୀନ୍ ରାଷ୍ଟ୍ରପତି ସି ଜିନପିଙ୍ଗ ଏବଂ ଇରାନ ରାଷ୍ଟ୍ରପତି ମସୁଦ ପେଜେସ୍କିଆନ୍ଙ୍କ ସମେତ ବିଶ୍ୱର ପ୍ରମୁଖ ଶୀର୍ଷ ନେତାମାନଙ୍କ ସହ ପ୍ରଧାନମନ୍ତ୍ରୀ ୩ ଦିନ ମଧ୍ୟରେ ଅନ୍ତତଃ ୧୫ଟି ଦ୍ୱିପାକ୍ଷିକ ବୈଠକରେ ଭାଗ ନେବେ।
Education: ସମାଜ ଆମ ଯୋଗାଯୋଗ ପଦ୍ଧତିକୁ ଆକାର ଦେଇଥାଏ: ଶ୍ରୀ ଅଖିଳ କୁମାର ମିଶ୍ର
ନିର୍ଦ୍ଧାରିତ ସୂଚୀ ଅନୁଯାୟୀ, ଆଜି ଅପରାହ୍ନ ୩:୩୦ରେ ରୁଷ୍ ରାଷ୍ଟ୍ରପତି ଭ୍ଲାଦିମିର ପୁଟିନ୍ଙ୍କ ସହ ମୋଦୀଙ୍କ ଦ୍ୱିପାକ୍ଷିକ ଆଲୋଚନା ଅନୁଷ୍ଠିତ ହୋଇଛି। ଏହାପରେ ସନ୍ଧ୍ୟାରେ ଇରାନ ରାଷ୍ଟ୍ରପତି ପେଜେସ୍କିଆନ୍ ଏବଂ ଜାତିସଂଘ ମହାସଚିବ ଆଣ୍ଟୋନିଓ ଗୁଟେରସଙ୍କ ସହ ସେ ବୈଠକ କରିଛନ୍ତି। ଶନିବାର କାର୍ଯ୍ୟସୂଚୀ ଅତ୍ୟନ୍ତ ବ୍ୟସ୍ତ ବହୁଳ ରହିଛି। ପୂର୍ବାହ୍ନ ୧୦ଟାରେ ଇଥିଓପିଆ ପ୍ରଧାନମନ୍ତ୍ରୀ ଆବି ଅହମ୍ମଦ ଅଲ୍ଲୀ, ୧୦:୩୦ରେ ମାଲେସିଆ ପ୍ରଧାନମନ୍ତ୍ରୀ ଅନୱର ଇବ୍ରାହିମ, ୧୧ଟାରେ ଆବୁଧାବି କ୍ରାଉନ୍ ପ୍ରିନ୍ସ ଏବଂ ୧୧:୩୦ରେ ଭିଏତନାମ ପ୍ରଧାନମନ୍ତ୍ରୀ ଲେ ମିନ୍ ହୁଙ୍ଗ୍ଙ୍କ ସହ ପ୍ରଧାନମନ୍ତ୍ରୀ ଆଲୋଚନା କରିବେ।
Indravati reservoir: ୦.୪୧ମିଟର ବଢ଼ିଲେ ଇନ୍ଦ୍ରାବତୀ ଜଳଭଣ୍ଡାରରୁ ଖୋଲିବ ଅଧିକ ଗେଟ୍
ଶନିବାର ସବୁଠାରୁ ଗୁରୁତ୍ୱପୂର୍ଣ୍ଣ ବୈଠକ ସନ୍ଧ୍ୟା ୫:୪୫ରେ ଅନୁଷ୍ଠିତ ହେବ, ଯେତେବେଳେ ପ୍ରଧାନମନ୍ତ୍ରୀ ମୋଦୀ ଚୀନ୍ ରାଷ୍ଟ୍ରପତି ସି ଜିନ୍ପିଙ୍ଗଙ୍କୁ ଭେଟିବେ। ବିଗତ ସାଢ଼େ ୭ ବର୍ଷ ମଧ୍ୟରେ ଜିନ୍ପିଙ୍ଗଙ୍କର ଏହା ପ୍ରଥମ ଭାରତ ଗସ୍ତ ହୋଇଥିବାରୁ ଏହି ଦ୍ୱିପାକ୍ଷିକ ଆଲୋଚନା ଉପରେ ସମଗ୍ର ବିଶ୍ୱର ନଜର ରହିଛି। ରବିବାର ଅପରାହ୍ନ ୨:୩୦ରୁ ସନ୍ଧ୍ୟା ୫:୪୦ ମଧ୍ୟରେ ମୋଦୀ କାଜାଖସ୍ତାନ, ଫିଲିପାଇନ୍ସ, ଇଜିପ୍ଟ, ଦକ୍ଷିଣ ଆଫ୍ରିକା, ବୁରୁଣ୍ଡି, ନାଇଜେରିଆ ଏବଂ ଉଗାଣ୍ଡାର ନେତାମାନଙ୍କ ସହ ପୃଥକ ବୈଠକ କରିବେ। ଏହି ବିରାଟ କୂଟନୈତିକ ଅଭିଯାନ ଅନ୍ତର୍ଜାତୀୟ ସ୍ତରରେ ଭାରତର ନେତୃତ୍ୱ ଓ ନୀତିଗତ ପ୍ରଭାବକୁ ସ୍ପଷ୍ଟ ପ୍ରତିଫଳିତ କରୁଛି।
