Nepal-Tibet floods: ନେପାଳ-ତିବ୍ବତ ଜଳ ପ୍ରଳୟ: ପାହାଡ଼ି ‘ସୁନାମି’ର କରାଳ ପଥ

ପ୍ରଳୟଙ୍କରୀ ଜଳସ୍ରୋତ ମାତ୍ର କେଇ ଘଣ୍ଟାରେ ୨୦୦ କିଲୋମିଟର ପର୍ଯ୍ୟନ୍ତ ଜନବସତିକୁ ସମ୍ପୂର୍ଣ୍ଣ ଧୋଇଦେଇଛି। ଚୀନ୍ ଏବଂ ନେପାଳ ସୀମାରେ ଘଟିଥିବା ଅତି ଭୟାନକ ପାହାଡ଼ି ବନ୍ୟାର  ବିସ୍ତୃତ ତଥ୍ୟ ସାମ୍ନାକୁ ଆସିଛି; ଯେଉଁଥିରେ ପ୍ରକୃତିର କରାଳ ରୂପ ଏବଂ ମୁଖ୍ୟ ପ୍ରଭାବିତ ଅଞ୍ଚଳଗୁଡ଼ିକର ବିସ୍ତୃତ ସୂଚନା ରହିଛି। ଉପଗ୍ରହ ଚିତ୍ରରୁ ଏହି ବିପର୍ଯ୍ୟୟର ପ୍ରକୃତ ଗତିପଥ ସ୍ପଷ୍ଟ ହୋଇଛି; ଯେଉଁଥିରେ ନଦୀ କୂଳରେ ଥିବା ଅନେକ ସହର ଓ ଗାଁଗୁଡ଼ିକ ନିଶ୍ଚିହ୍ନ ହୋଇଯାଇଛି।

Poetry session: ସମ୍ବାଦ ସାହିତ୍ୟଘର ପକ୍ଷରୁ ମନୋଜ୍ଞ ମଞ୍ଜୁଳ କବିତା ଆସର

ବିପର୍ଯ୍ୟୟର ପ୍ରାରମ୍ଭ: ୧୭,୦୦୦ ଫୁଟ ଉଚ୍ଚତା ଓ ଲେହନ୍ଦେ ଖୋଲା ନଦୀ
ଉତ୍ସ ସ୍ଥଳ: ସମୁଦ୍ର ପତନରୁ ପ୍ରାୟ ୧୭,୦୦୦ ଫୁଟ ଉଚ୍ଚତାରେ ଥିବା ଏକ ବିଶାଳ ଗ୍ଲାସିୟରରୁ ପ୍ରାୟ ୬୦୦ ମିଟର ଓସାରର ଏକ ବରଫଖଣ୍ଡ ସ୍ଖଳିତ ହୋଇ ତଳେ ଥିବା ଉପତ୍ୟକାରେ ପଡ଼ିଥିଲା। ଏହି ଘଟଣାଟି  ବୁଧବାର ସକାଳ ୮:୨୨ ମିନିଟ୍‌ରେ ଘଟିଥିଲା। ବନ୍ଧ ସୃଷ୍ଟି: ତିବ୍ବତରୁ ବାହାରି ନେପାଳ ଓ ଚୀନ୍‌ର ଅନ୍ତର୍ଜାତୀୟ ସୀମା ନିର୍ଦ୍ଧାରଣ କରୁଥିବା ‘ଲେହନ୍ଦେ ଖୋଲା’ ନଦୀରେ ଏହି ବରଫଖଣ୍ଡ ପଡ଼ିବା ଯୋଗୁଁ ନଦୀର ସ୍ରୋତ ସମ୍ପୂର୍ଣ୍ଣ ଅବରୁଦ୍ଧ ହୋଇଯାଇଥିଲା।  ଅତ୍ୟଧିକ ଜଳଚାପ ଯୋଗୁଁ ଅସ୍ଥାୟୀ ବନ୍ଧ ଭାଙ୍ଗି ଏକ ପ୍ରଳୟଙ୍କରୀ ଜଳପ୍ଲାବନ ସୃଷ୍ଟି କରିଥିଲା ଏବଂ ଏହା ଭୋଟେ କୋଶୀ ନଦୀ ଦେଇ ନେପାଳ ମଧ୍ୟକୁ ପ୍ରବେଶ କରିଥିଲା।

ଗ୍ଲାସିୟର ସ୍ଖଳନଠାରୁ ଆରମ୍ଭ କରି କାଠମାଣ୍ଡୁ ଓ ନାରାୟଣୀ ନଦୀ ପର୍ଯ୍ୟନ୍ତ ବିପର୍ଯ୍ୟୟର ଚିତ୍ର

ଗାଇରୋଙ୍ଗ ବନ୍ଦର ଓ ରସୁୱାଗାଧି ସୀମାନ୍ତ ଚେକ୍‌ପଏଣ୍ଟ
ଏହା ଚୀନ୍ (ତିବ୍ବତ) ଏବଂ ନେପାଳ ମଧ୍ୟରେ ଥିବା ମୁଖ୍ୟ ବାଣିଜ୍ୟିକ ଚେକ୍‌ପଏଣ୍ଟ ଏବଂ ଦୁଇ ଦେଶ ମଧ୍ୟରେ ସାମଗ୍ରୀ ପରିବହନର ପ୍ରମୁଖ କେନ୍ଦ୍ର ଅଟେ।
ସାଙ୍ଘାତିକ କ୍ଷତି: ବନ୍ୟାର ପ୍ରଖର ସ୍ରୋତରେ ସୀମାନ୍ତ ସୁରକ୍ଷା ପୋଷ୍ଟ, ବୈଦ୍ୟୁତିକ ଯୋଗାଯୋଗ ବ୍ୟବସ୍ଥା ଏବଂ ପ୍ରଶାସନିକ ଭିତ୍ତିଭୂମି ସମ୍ପୂର୍ଣ୍ଣ ଧ୍ୱଂସ ହୋଇଯାଇଛି; ନେପାଳ-ଚୀନ୍ ମୈତ୍ରୀ ପୁଲ ମଧ୍ୟ ଗଭୀର ଭାବେ କ୍ଷତିଗ୍ରସ୍ତ ହେବା ସହ ସମସ୍ତ ସଂଯୋଗୀକରଣ ରାସ୍ତା ଧୋଇଯାଇଛି।

ସ୍ୟାବ୍ରୁବେସି ଓ ମୈଲୁଙ୍ଗ ହାଇଡେଲ ପ୍ରକଳ୍ପ
ସ୍ୟାବ୍ରୁବେସି: ଏହା  କୈଳାସ ଏବଂ ମାନସରୋବର ଯାତ୍ରା କରୁଥିବା ତୀର୍ଥଯାତ୍ରୀ ଏବଂ ପର୍ଯ୍ୟଟକମାନଙ୍କ ପାଇଁ ଏକ ପ୍ରମୁଖ ପ୍ରବେଶ ଦ୍ୱାର ଅଟେ। ବନ୍ୟା ଯୋଗୁଁ ଏହି ସହରର ଘରଦ୍ୱାର, ହୋଟେଲ ଏବଂ ପରିବହନ ବ୍ୟବସ୍ଥା ବ୍ୟାପକ ଭାବେ ପ୍ରଭାବିତ ହୋଇଛି। ଜଳବିଦ୍ୟୁତ ପ୍ରକଳ୍ପ: ମୈଲୁଙ୍ଗ ଜଳବିଦ୍ୟୁତ ପ୍ରକଳ୍ପର ଅଧିକାଂଶ ଅଂଶ ଏବଂ ସଂଯୋଗୀକରଣ ରାସ୍ତା ସମ୍ପୂର୍ଣ୍ଣ ନଷ୍ଟ ହୋଇଯାଇଛି; ଏହି ଅଞ୍ଚଳରେ ଅନେକ ଶ୍ରମିକ ଓ କର୍ମଚାରୀ ନିଖୋଜ ଥିବା ସୂଚନା ମିଳିଛି।

Raksha bandhan: ପ୍ରତିବର୍ଷ ସହିଦ ବୀରମାନଙ୍କ ପ୍ରତିମୂର୍ତ୍ତିରେ ରାଖୀ ବାନ୍ଧିଥାଏ ଭଉଣୀ

ବେତ୍ରାବତୀ ବାଜାର ଏବଂ ମଲେଖୁ
ବେତ୍ରାବତୀ ବାଜାର: ଏହି ସହରର ବହୁ ସଂଖ୍ୟକ ଆବାସିକ ଘର, କୃଷି ଫାର୍ମ, ବ୍ରିଜ୍ ଏବଂ ରାସ୍ତା ଜଳମଗ୍ନ ହୋଇଯାଇଛି। ଏଠାରେ ଥିବା ନଦୀର ଜଳସ୍ତର ମାପୁଥିବା  ଷ୍ଟେସନ ସମ୍ପୂର୍ଣ୍ଣ ଭାସିଯାଇଛି।
ମଲେଖୁ (ଧାଡ଼ିଙ୍ଗ ଜିଲ୍ଲା): ଧାଡ଼ିଙ୍ଗ ଜିଲ୍ଲା  ଅନ୍ତର୍ଗତ ମଲେଖୁ ଠାରେ ଥିବା ଏକ ପ୍ରମୁଖ ଯୋଗାଯୋଗ ସେତୁ ବନ୍ୟାର ପ୍ରଖର ସ୍ରୋତରେ ସମ୍ପୂର୍ଣ୍ଣ ଭାଙ୍ଗିଯାଇଛି। ସମଗ୍ର ଅଂଚଳରେ ଯାତାୟାତ ଠପ୍ ହୋଇଯାଇଛି।

ଗାଲଛି, ତ୍ରିଶୂଳୀ ବାଜାର ଓ ଦେବୀଘାଟ
ଗାଲଛି: ଏହି ଅଞ୍ଚଳରେ ମାତ୍ର ୩୦ ମିନିଟ୍ ମଧ୍ୟରେ ନଦୀର ଜଳସ୍ତର ପ୍ରାୟ ୩୦ ଫୁଟ ପର୍ଯ୍ୟନ୍ତ ବୃଦ୍ଧି ପାଇଥିଲା; ଯାହା ସ୍ଥାନୀୟ ଲୋକଙ୍କୁ ସୁରକ୍ଷିତ ସ୍ଥାନକୁ ଯିବା ପାଇଁ ସମୟ ଦେଇନଥିଲା।
ତ୍ରିଶୂଳୀ ବାଜାର: ତ୍ରିଶୂଳୀ ନଦୀ କୂଳରେ ଥିବା ଏହି ବାଜାର ଓ ଆଖପାଖ ଅଞ୍ଚଳର ଶତାଧିକ ଘର ଭାସିଯାଇଛି। ଦୁଇଟି ପ୍ରମୁଖ  ପୋଲ ନଷ୍ଟ ହୋଇଯାଇଛି ଏବଂ ସମଗ୍ର ବଜାର ବର୍ତ୍ତମାନ ପଙ୍କ ଓ ଆବର୍ଜନା ତଳେ ପୋତି ହୋଇ ରହିଛି।

Raksha bandhan: ପ୍ରତିବର୍ଷ ସହିଦ ବୀରମାନଙ୍କ ପ୍ରତିମୂର୍ତ୍ତିରେ ରାଖୀ ବାନ୍ଧିଥାଏ ଭଉଣୀ

ବିନାଶକାରୀ ପ୍ରଭାବର ମୁଖ୍ୟ କାରଣ
ପଥର ଓ ବରଫଖଣ୍ଡ: ପାହାଡ଼ିଆ ଅଞ୍ଚଳରେ ଆକସ୍ମିକ ବନ୍ୟା ଅତ୍ୟନ୍ତ ଦ୍ରୁତଗତିରେ ମାଡ଼ିଆସେ।  ଏହାର ଧ୍ୱଂସକାରୀ କ୍ଷମତା ସେତେବେଳେ ବହୁଗୁଣିତ ହୋଇଯାଏ, ଯେତେବେଳେ ଜଳସ୍ରୋତ ସହ ବିଶାଳ ପଥର, ପାହାଡ଼ିଆ ମାଟି ଏବଂ ବରଫଖଣ୍ଡ ପ୍ରଖର ବେଗରେ ଭାସିଆସେ।

ସଂକୀର୍ଣ୍ଣ ଉପତ୍ୟକା: ନେପାଳର ନଦୀ ଉପତ୍ୟକାଗୁଡ଼ିକ ଅତ୍ୟନ୍ତ ସଂକୀର୍ଣ୍ଣ ହୋଇଥିବାରୁ ଜଳ ନିଷ୍କାସନ ପାଇଁ ପର୍ଯ୍ୟାପ୍ତ ସ୍ଥାନ ମିଳେନାହିଁ; ଫଳରେ ମାତ୍ର କେଇ ମିନିଟ୍ ମଧ୍ୟରେ ଜଳସ୍ତର ଅନେକ ମିଟର ବୃଦ୍ଧି ପାଇ ଉଚ୍ଚ ସ୍ଥାନରେ ଥିବା ଜନବସତି ଓ ସମ୍ପତ୍ତିକୁ ମଧ୍ୟ ନଷ୍ଟ କରିଦିଏ।

ନୂତନ ବିପଦର ସଙ୍କେତ
ଚୀନ୍ ପକ୍ଷରୁ ଚେତାବନୀ: ଚୀନ୍‌ର ଭୂତତ୍ତ୍ୱ ବିଜ୍ଞାନୀମାନେ ଚେତାବନୀ ଦେଇଛନ୍ତି ଯେ ତିବ୍ବତର ‘ଛୋଚେନ୍ ଖୋଲା’ ଏବଂ ‘ପୁରେପୁ ସାଙ୍ଗପୋ’  ନଦୀର ସଙ୍ଗମ ସ୍ଥଳ ନିକଟରେ ଆଉ ଏକ ନୂତନ ପ୍ରାକୃତିକ ଜଳବନ୍ଧ ବା ଅବରୋଧ ହ୍ରଦ ସୃଷ୍ଟି ହୋଇଛି ଏବଂ ଯେ କୌଣସି ସମୟରେ ଏହା ଭାଙ୍ଗିବାର  ଆଶଙ୍କା ରହିଛି, ଯାହା ନେପାଳ ପାଇଁ ପୁଣି ଏକ ବଡ଼ ବିପତ୍ତି ଆଣିପାରେ।