1 hour ago
1
ARTICLE AD BOX
ହାଇଦ୍ରାବାଦ: ତେଲେଙ୍ଗାନାର ହାଇଦ୍ରାବାଦର ବ୍ୟବସାୟୀ ପବ୍ବା ଚନ୍ଦ୍ରଶେଖର (୫୧) ଏବଂ ତାଙ୍କ ପତ୍ନୀ ସ୍ୱପ୍ନା (୪୨) ସ୍ୱିଜରଲାଣ୍ଡରେ ଛୁଟି ବିତାଇବା ସମୟରେ ରହସ୍ୟମୟ ପରିସ୍ଥିତିରେ ନିଖୋଜ ହୋଇଯାଇଛନ୍ତି। ସେମାନଙ୍କ ଝିଅ ଶ୍ରେୟାଙ୍କ ଅଭିଯୋଗ ଆଧାରରେ ପୁଲିସ ଏକ ନିଖୋଜ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ବ୍ୟବସାୟୀ ଚନ୍ଦ୍ରଶେଖର ଜୁନ୍ ୨୨ ତାରିଖରେ ତାଙ୍କ ପତ୍ନୀଙ୍କ ସହିତ ସ୍ୱିଜରଲାଣ୍ଡକୁ ଛୁଟି ବିତାଇବାକୁ ଯାଇଥିଲେ। ସେମାନେ ପ୍ରାୟ ତିନି ସପ୍ତାହ ପାଇଁ ସେଠାରେ ରହିବାର ଥିଲା। ଚନ୍ଦ୍ରଶେଖରଙ୍କ ଝିଅ ଶ୍ରେୟା ତାଙ୍କ ଅଭିଯୋଗରେ ପୁଲିସକୁ କହିଛନ୍ତି ଯେ, ସେମାନେ ପ୍ରଥମେ ସେମାନଙ୍କ ପରିବାର ସହିତ ଯୋଗାଯୋଗରେ ଥିଲେ, କିନ୍ତୁ ଜୁଲାଇ ୮ ପରେ ଯୋଗାଯୋଗ ବିଚ୍ଛିନ୍ନ ହୋଇଯାଇଥିଲା। ପରିବାର ପକ୍ଷରୁ ସେମାନଙ୍କ ସହିତ ଯୋଗାଯୋଗ କରିବାକୁ ଅନେକ ଚେଷ୍ଟା କରାଯାଇଥିଲେ ମଧ୍ୟ ତାହା ବିଫଳ ହୋଇଥିଲା। କାରଣ ସେମାନଙ୍କର ଉଭୟ ମୋବାଇଲ୍ ଫୋନ୍ ବନ୍ଦ କିମ୍ବା ନେଟୱାର୍କ କଭରେଜ୍ ବାହାରେ ଥିଲା। ଚନ୍ଦ୍ରଶେଖର ଏବଂ ତାଙ୍କ ପତ୍ନୀ ବର୍ଷ ବର୍ଷ ଧରି ଆକର୍ଷଣୀୟ ରିଟର୍ଣ୍ଣ ପ୍ରତିଶ୍ରୁତି ଦେଇ ୬୦ରୁ ଅଧିକ ଲୋକଙ୍କଠାରୁ ପ୍ରାୟ ୫୦ କୋଟି ଟଙ୍କା ଆଦାୟ କରିଛନ୍ତି।
ଆହୁରି ପଢ଼ନ୍ତୁ: ସାପ କାମୁଡ଼ାରେ ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ; ପ୍ରଧାନଶିକ୍ଷୟିତ୍ରୀ ନିଲମ୍ବିତ
ତେବେ ପୁଲିସ ପକ୍ଷରୁ କୌଣସି ଆନୁଷ୍ଠାନିକ ଠକେଇ ଅଭିଯୋଗ ଘୋଷଣା କରାଯାଇ ନାହିଁ। ପୁଲିସ ଏହି ମାମଲାର ତଦନ୍ତ ସମସ୍ତ ସମ୍ଭାବ୍ୟ ଦୃଷ୍ଟିକୋଣରୁ କରୁଛି, ଯେପରିକି ସ୍ୱେଚ୍ଛାକୃତ ନିଖୋଜ ଏବଂ ଆର୍ଥିକ ଠକେଇ। ପୁଲିସ ଦମ୍ପତିଙ୍କ କାର୍ଯ୍ୟକଳାପ ବିଷୟରେ ସୂଚନା ଥିବା ଯେକୌଣସି ବ୍ୟକ୍ତିଙ୍କୁ ସୂଚନା ଦେବା ପାଇଁ ଆସିବାକୁ ନିବେଦନ କରିଛି। ନିଖୋଜ ଦମ୍ପତିଙ୍କ ଟୁର୍ ପ୍ଲାନ୍, ପ୍ରବାସନ ରେକର୍ଡ ଏବଂ ଆର୍ଥିକ କାରବାରର ପୁଙ୍ଖାନୁପୁଙ୍ଖ ଭାବରେ ଯାଞ୍ଚ୍ କରାଯାଉଛି। ଯାହା ଦ୍ୱାରା ଜଣାପଡିବ ଯେ, ସେମାନେ ପ୍ରକୃତରେ ସ୍ୱିଜରଲାଣ୍ଡ ଯାଇଥିଲେ ନା ଅନ୍ୟ କୌଣସି ସ୍ଥାନକୁ ଯାଇଥିଲେ।
ଆହୁରି ପଢ଼ନ୍ତୁ: ଶ୍ରଦ୍ଧା ୱାଲକର ହତ୍ୟା ମାମଲା: ପରୀକ୍ଷା ପାଇଁ ଜୁଲାଇ ୨୦ ଶୁଣାଣି ସ୍ଥଗିତ, ଜେଲରେ ଏମଏ ପରୀକ୍ଷା ଦେବ ଅଭିଯୁକ୍ତ ଆଫତାବ୍
ଅଧିକ ଦେଖନ୍ତୁ:
