1 hour ago
4
ARTICLE AD BOX
ଜୟପୁର: ଜୟପୁର ଅନ୍ତର୍ଜାତୀୟ ବିମାନବନ୍ଦରରେ ଏକ ବଡ଼ ଦୁର୍ଘଟଣା ଏଡାଇ ଦିଆଯାଇଛି। ସୋମବାର ହ୍ୟାଙ୍ଗରରୁ ରନୱେକୁ ନିଆଯିବା ସମୟରେ ଏକ ଏନ୍ସିସି ମାଇକ୍ରୋଲାଇଟ୍ ବିମାନ ଗ୍ରାଉଣ୍ଡ ହ୍ୟାଣ୍ଡଲିଂ ଯାନ ସହିତ ଧକ୍କା ହୋଇଥିଲା। ଦୁର୍ଘଟଣା ସମୟରେ ପାଇଲଟ୍ ଓ ପ୍ରଶିକ୍ଷଣ ନେଉଥିବା ଜଣେ ଏନ୍ସିସି କ୍ୟାଡେଟ୍ ମାଇକ୍ରୋଲାଇଟ୍ ବିମାନରେ ଥିଲେ। ଉଭୟ ସୁରକ୍ଷିତ ଥିବା ଜଣାପଡ଼ିଛି। କେହି ଆହତ ହେବାର ରିପୋର୍ଟ ନାହିଁ। ସୋମବାର ସକାଳ ପ୍ରାୟ ୧୦ଟାରେ ଏହି ଘଟଣା ଘଟିଥିବା ଜଣାପଡ଼ିଛି।
ତ୍ବିଶାଙ୍କ ମୃତ୍ୟୁ ହତ୍ୟା ନା ଆତ୍ମହତ୍ୟା?: ସିବିଆଇ ଚାର୍ଜସିଟ୍ ପ୍ରକାଶ କଲା ସତ୍ୟ
ପ୍ରାଥମିକ ସୂଚନା ଅନୁଯାୟୀ, ଅବହେଳା ଯୋଗୁ ଦୁର୍ଘଟଣା ହୋଇଥାଇପାରେ ବୋଲି ଅନୁମାନ କରାଯାଉଛି। ତେବେ ତଦନ୍ତ ସମାପ୍ତ ହେବା ପରେ ହିଁ ସଠିକ୍ କାରଣ ନିର୍ଣ୍ଣୟ କରାଯାଇପାରିବ ବୋଲି କୁହାଯାଇଛି। ବିମାନବନ୍ଦର କର୍ତ୍ତୃପକ୍ଷ ଘଟଣାର ତଦନ୍ତ କରୁଛନ୍ତି। ଧକ୍କା ପରେ ମାଇକ୍ରୋଲାଇଟ୍ ବିମାନକୁ ବୈଷୟିକ ଯାଞ୍ଚ ଅଧୀନରେ ରଖାଯାଇଛି। ତଦନ୍ତ ସମାପ୍ତ ହେବା ଓ ବିମାନକୁ ଉଡ଼ାଣ ପାଇଁ ସୁରକ୍ଷିତ ଘୋଷଣା କରାଯିବା ପରେ ହିଁ ଏହାକୁ ପୁନର୍ବାର ଉଡ଼ାଣ ପାଇଁ ଅନୁମତି ଦିଆଯିବ।
