6 days ago
4
ARTICLE AD BOX
କୁଆଲାଲମ୍ପୁର: ମାଲେସିଆର କୁଆଲାଲମ୍ପୁରରେ ଥିବା ଭାରତୀୟ ହାଇ କମିସନ ଭାରତୀୟ ନାଗରିକମାନଙ୍କୁ ଚାକିରି ଅନ୍ବେଷଣ ପାଇଁ ମାଲେସିଆର ୩୦ ଦିନିଆ ଭିସା-ମୁକ୍ତ ପ୍ରବେଶ(ଭିସା-ଫ୍ରି ଏଣ୍ଟ୍ରି) ସୁବିଧାର ଲାଭ ନ ନେବାକୁ ପରାମର୍ଶ ଦେଇଛନ୍ତି। ଏହା ମଧ୍ୟ ଚେତାବନୀ ଦେଇଛି ଯେ ଏପରି କରୁଥିବା ଲୋକମାନେ ଅଧିକ ସମୟ ଧରି ବାସ କରିବା, ଅବୈଧ ସ୍ଥିତି, ଶୋଷଣ, ଅଟକ ଏବଂ ଆଇନଗତ କାର୍ଯ୍ୟାନୁଷ୍ଠାନର ସମ୍ମୁଖୀନ ହୋଇପାରନ୍ତି। ମଙ୍ଗଳବାର ଦିନ ଜାରି କରାଯାଇଥିବା ଏକ ପରାମର୍ଶରେ, କମିସନ କହିଛନ୍ତି ଯେ, ଚାକିରି ଖୋଜିବା ପାଇଁ ଭିସା-ମୁକ୍ତ ସୁବିଧା ମାଧ୍ୟମରେ ମାଲେସିଆକୁ ଆସୁଥିବା ଭାରତୀୟ ନାଗରିକଙ୍କ ସଂଖ୍ୟାରେ ଉଲ୍ଲେଖନୀୟ ବୃଦ୍ଧି ଲକ୍ଷ୍ୟ କରାଯାଇଛି।
ଚାକିରିର ମିଥ୍ୟା ପ୍ରତିଶ୍ରୁତି ଦେଇ ଅସାଧୁ ଏଜେଣ୍ଟମାନେ ଭ୍ରମିତ କରୁଛନ୍ତି
କମିସନ କହିଛନ୍ତି ଯେ, ଅନେକ ଲୋକଙ୍କୁ ଚାକିରିର ମିଥ୍ୟା ପ୍ରତିଶ୍ରୁତି ଦେଇ ଅସାଧୁ ଏଜେଣ୍ଟମାନେ ଭ୍ରମିତ କରୁଛନ୍ତି। ୩୦ ଦିନିଆ ଭିସା-ମୁକ୍ତ ସୁବିଧା ପର୍ଯ୍ୟଟନ ଏବଂ ସାମାଜିକ ପରିଦର୍ଶନ ପାଇଁ। ଏହା ନିଯୁକ୍ତିକୁ ଅନୁମତି ଦିଏ ନାହିଁ। କାମ ପାଇଁ ମାଲେସିଆ ଯାଉଥିବା ଭାରତୀୟ ନାଗରିକମାନଙ୍କର ଏକ ବୈଧ କାର୍ଯ୍ୟ ପରମିଟ୍ କିମ୍ବା ରେଫରେନ୍ସ ସହିତ ଭିସା ରହିବା ଆବଶ୍ୟକ। ଭାରତୀୟ ମିଶନ୍ ପ୍ରକୃତ ପର୍ଯ୍ୟଟକମାନଙ୍କୁ ମାଲେସିଆର ଇମିଗ୍ରେସନ୍ ଅଧିକାରୀଙ୍କ ଦ୍ୱାରା ଯାଞ୍ଚ୍ କରାଯାଇପାରୁଥିବା ଡକ୍ୟୁମେଣ୍ଟ ବହନ କରିବାକୁ ପରାମର୍ଶ ଦେଇଛି। ଏଥିରେ ଏକ ନିଶ୍ଚିତ ରିଟର୍ଣ୍ଣ ଟିକେଟ୍, ହୋଟେଲ ବୁକିଂ ଏବଂ ଅତି କମରେ ଛଅ ମାସ ପାଇଁ ବୈଧ ପାସପୋର୍ଟ ଅନ୍ତର୍ଭୁକ୍ତ।
ପରାମର୍ଶ ଅନୁଯାୟୀ, ଯାତ୍ରୀମାନେ ମାଲେସିଆରେ ପହଞ୍ଚିବାର ତିନି ଦିନ ପୂର୍ବରୁ ସେମାନଙ୍କର ମାଲେସିଆ ଡିଜିଟାଲ୍ ଆଗମନ କାର୍ଡ(ଏମଡିଏସି) ଅନଲାଇନରେ ଦାଖଲ କରିବାକୁ ପଡିବ। ଏହି ଚେତାବନୀ କେତେକ ଉଦାହରଣକୁ ଦୃଷ୍ଟିରେ ରଖି ଦିଆଯାଇଛି। କିଛି ଭାରତୀୟ ଯାତ୍ରୀ ମାଲେସିଆରେ ପ୍ରବେଶ କରି ଚାକିରି ଅନ୍ବେଷଣ କରୁଥିବା ସନ୍ଦେହ, କେଉଁଠି ରହିବେ ସେ ନେଇ ପର୍ଯ୍ୟାପ୍ତ ଆବାସ ପ୍ରମାଣ, ପାଣ୍ଠିର ଅଭାବ କିମ୍ବା ବୈଧ ଫେରସ୍ତ ଟିକେଟ୍ ଅଭାବ ଯୋଗୁଁ ଅସୁବିଧାର ସମ୍ମୁଖୀନ ହେଉଛନ୍ତି।
ଭାରତୀୟ ବୃତ୍ତିଗତଙ୍କ ପାଇଁ ମାଲେସିଆ ଏକ ସ୍ୱର୍ଗ ଭାବରେ ଉଭା ହୋଇଛି। ସମ୍ପ୍ରତି ଏହା ଭାରତୀୟଙ୍କ ପାଇଁ ସବୁଠାରୁ ସମ୍ଭାବ୍ୟ କାର୍ଯ୍ୟସ୍ଥଳ ପାଲଟିଛି। ଏକ ବିକଶିତ ଅର୍ଥନୀତି, ଇଂରାଜୀ ଭାଷାଭାଷୀ କାର୍ଯ୍ୟସ୍ଥଳ ଏବଂ ସୁଗମ କାର୍ଯ୍ୟ ପରମିଟ୍ ପ୍ରକ୍ରିୟା ସହିତ, ଭାରତୀୟ ବୃତ୍ତିଗତମାନେ ସେମାନଙ୍କର ଆନ୍ତର୍ଜାତୀୟ କ୍ୟାରିଅର ଗଠନ ପାଇଁ ସର୍ବୋତ୍ତମ ସ୍ଥାନ ମଧ୍ୟରୁ ଗୋଟିଏ ବୋଲି ବିବେଚନା କରୁଛନ୍ତି। ଆଇଟି ଏବଂ ପ୍ରଯୁକ୍ତିବିଦ୍ୟା, ତୈଳ ଏବଂ ଗ୍ୟାସ୍, ଆର୍ଥିକ, ଇଞ୍ଜିନିୟରିଂ ଏବଂ ସ୍ୱାସ୍ଥ୍ୟସେବା ଭଳି କ୍ଷେତ୍ରଗୁଡ଼ିକ ଭାରତରୁ ଦକ୍ଷ ଶ୍ରମିକଙ୍କୁ ନିଯୁକ୍ତି ଦେଉଛନ୍ତି। କୁଆଲାଲମ୍ପୁର, ପେନାଙ୍ଗ ଏବଂ ଜୋହର ବାହରୁ ଭଳି ସହରରେ ବହୁ ସଂଖ୍ୟକ ଭାରତୀୟ ଚାକିରି କରୁଛନ୍ତି।
2 Babies Died: ହସ୍ପିଟାଲ୍ ଏସଏନସିୟୁରେ ନିଆଁ ଲାଗି ୨ ନବଜାତଙ୍କ ମୃତ୍ୟୁ, ୨୮ ଶିଶୁ ଉଦ୍ଧାର
