1 week ago
6
ARTICLE AD BOX
ଚଳିତ ଏସୀୟ କ୍ରୀଡ଼ାରେ ଭାରତକୁ ପ୍ରଥମ ପଦକ ଭେଟି ଦେଇଛନ୍ତି ୧୦ ମିଟର ଏୟାର ରାଇଫଲ ମହିଳା ଦଳ। ଏଲାଭେନି ଭାଲାରିଭାନ୍, ସୋନମ ମସ୍କାର ଓ ବିଦର୍ଶା କେ ବିନୋଦଙ୍କୁ ଗଠିତ ମହିଳା ୧୦ ମିଟର ଏୟାର ରାଇଫଲ ଦଳ ରବିବାର ରୌପ୍ୟ ପଦକ ଜିତିଛନ୍ତି। ଏହି ଭାରତୀୟ ତ୍ରିମୂର୍ତ୍ତି ୧୮୯୮.୦ ସହ ଦ୍ବିତୀୟ ସ୍ଥାନରେ ରହି ଏହି ପଦକ ନିଶ୍ଚିତ କରିଥିଲେ। ଚୀନ୍ର ଜିଫେଇ ୱାଙ୍ଗ, ଜିଆୟୁ ହାଁ ଓ ୟୁଚେଁ ଡୁ (୧୯୦୪.୨) ବିଶ୍ବ ରେକର୍ଡ ସହ ସ୍ବର୍ଣ୍ଣ ଜିତିଥିଲା ବେଳେ ଜାପାନର ହିନାତା ତାିଚି, ମିସାକି ନୋବାତା ଓ ଶିଓରି ହିରାତା (୧୮୯୭.୧) କାଂସ୍ୟ ପାଇଥିଲେ।
ଭାରତର ଏହା ଲଗାତାର ଦ୍ବିତୀୟ ପଦକ
ଏସୀୟ କ୍ରୀଡ଼ାରେ ଭାରତର ଏହା ଲଗାତାର ଦ୍ବିତୀୟ ପଦକ। ୨୦୨୩ ହାଙ୍ଗ୍ଝୌରେ ଭାରତ ଏହି ଇଭେଣ୍ଟ୍ରେ ଦ୍ବିତୀୟ ସ୍ଥାନ ଅଧିକାର କରିଥିଲା। ବ୍ୟକ୍ତିଗତ ବର୍ଗର ଫାଇନାଲ୍ରେ ଏଲାଭେନି (୬୩୪.୧) ତୃତୀୟ ଏବଂ ମାସ୍କର (୬୩୩.୫) ସପ୍ତମରେ ରହି ପ୍ରବେଶ କରିଛନ୍ତି। ଚୀଡ଼ର ୱାଙ୍ଗ (୬୩୬.୮) ଶୀର୍ଷରେ ରହିଛନ୍ତି। ବିଦର୍ଶା (୬୩୦.୪) ଦ୍ବାଦଶ ସ୍ଥାନରେ ରହି ଫାଇନାଲ୍ରୁ ବଞ୍ଚିତ ହୋଇଛନ୍ତି।
