1 hour ago
2
ARTICLE AD BOX
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗତକାଲି ଦେଶର ପ୍ରଥମ ହାଇଡ୍ରୋଜେନ ଟ୍ରେନକୁ ପତାକା ଦେଖାଇ ଶୁଭାରମ୍ଭ କରିଛନ୍ତି | ଏହା ହରିୟାଣାର ଜିନ୍ଦ୍-ସୋନିପତ ରୁଟ୍ରେ ଚାଲିବ। ମିଳିଥିବା ସୂଚନା ମୁତାବକ ପ୍ରାୟ ୯୦ କିଲୋମିଟର ଲମ୍ବା ଏହି ରୁଟ୍ରେ ଟ୍ରେନଟି ନିଜର ଯାତ୍ରା ପ୍ରାୟ ୨ ଘଣ୍ଟାରେ ପୂରା କରିବ ଏବଂ ମଝିରେ ୧୧ଟି ଷ୍ଟେସନରେ ରହିବ। ଏହି ଟ୍ରେନ୍ ଡିଜେଲ୍ କିମ୍ବା ପାରମ୍ପରିକ ବିଦ୍ୟୁତରେ ଚାଲିବ ନାହିଁ, ବରଂ ହାଇଡ୍ରୋଜେନ୍ ଇନ୍ଧନରେ ଚାଲିବ। ଏହା ଦ୍ୱାରା ପ୍ରଦୂଷଣ ହେବ ନାହିଁ | ବଡ କଥା ଯେ ସାଧାରଣ ଭାବେ ଏହାର ଗତି ପ୍ରତି ଘଣ୍ଟା ପ୍ରତି ୭୫ କିଲୋମିଟର ରହିବ। ଜୁନ୍ ୨୦୨୬ରେ ଏହାର ସଫଳ ହାଇ-ସ୍ପିଡ୍ ଟ୍ରାଏଲ୍ କରାଯାଇଥିଲା, ଯେଉଁଥିରେ ଏହା ୧୨୦ କିଲୋମିଟର ପ୍ରତି ଘଣ୍ଟା ବେଗରେ ଚାଲିଥିଲା। ଏହାକୁ ଚେନ୍ନାଇର ଇଣ୍ଟିଗ୍ରାଲ୍ କୋଚ୍ ଫ୍ୟାକ୍ଟ୍ରି (ICF) ରେ ପ୍ରସ୍ତୁତ କରାଯାଇଛି ଏବଂ ଏହାର ଫ୍ୟୁଏଲ୍ ସେଲ୍ ସିଷ୍ଟମ୍ ଟାଟା ଆଡଭାନ୍ସଡ୍ ସିଷ୍ଟମ୍ସ ଦ୍ୱାରା ବିକଶିତ ହୋଇଛି।
ଆହୁରି ପଢନ୍ତୁ:RailwayJobs 2026: ରେଳବାଇ ନିଯୁକ୍ତି ବୋର୍ଡ : ମୋଟ ୬,୫୫୭ ପଦବି ପାଇଁ ଆରମ୍ଭ ହୋଇଛି ଆବେଦନ ପ୍ରକ୍ରିୟା
ବିଶ୍ୱରେ ପ୍ରଥମେ କେଉଁଠି ଆରମ୍ଭ ହୋଇଥିଲା?
ବିଶ୍ୱରେ ପ୍ରଥମ କରି ବଡ଼ ସ୍ତରରେ ହାଇଡ୍ରୋଜେନ୍ ଟ୍ରେନ୍ ଚଳାଇବାର ଗୌରବ ଜର୍ମାନୀହାସଲ କରିଛି। ସେଠାରେ 'ଅଲଷ୍ଟମ୍' କମ୍ପାନୀ ଦ୍ୱାରା ନିର୍ମିତ 'କୋରାଡିଆ ଆଇଲିଣ୍ଟ' (Coradia iLint) ବିଶ୍ୱର ପ୍ରଥମ ସମ୍ପୂର୍ଣ୍ଣ ହାଇଡ୍ରୋଜେନ୍ ଚାଳିତ ଯାତ୍ରୀବାହୀ ଟ୍ରେନ୍ ଥିଲା।
ଆହୁରି ପଢନ୍ତୁ:Jantar Mantar: ଜନ୍ତର ମନ୍ତରରେ ହଙ୍ଗାମା: ସିଜେପି ମୁଖ୍ୟ ଅଭିଜିତ୍ ଦୀପକେଙ୍କ ଉପରକୁ କାଳିମାଡ଼, ମହିଳା ଅଟକ
ବିଶ୍ୱର କେଉଁ କେଉଁ ଦେଶରେ ହାଇଡ୍ରୋଜେନ୍ ଟ୍ରେନ୍ ଚାଲୁଛି?
୧. ଜର୍ମାନୀ: ହାଇଡ୍ରୋଜେନ୍ ଟ୍ରେନ୍ ପ୍ରଯୁକ୍ତିବିଦ୍ୟାରେ ଜର୍ମାନୀ ସବୁଠାରୁ ଆଗରେ ଅଛି। ଏଠାରେ ହାଇଡ୍ରୋଜେନ୍ ଟ୍ରେନ୍ଗୁଡ଼ିକ ନିୟମିତ ଭାବେ ଯାତ୍ରୀମାନଙ୍କୁ ସେବା ଯୋଗାଇ ଦେଉଛନ୍ତି।
୨. ଜାପାନ: ଜାପାନ ଦୀର୍ଘ ଦିନ ଧରି ଏହି ଟେକ୍ନୋଲୋଜି ଉପରେ କାମ କରୁଛି। ସେଠାରେ 'ହାୟବାରୀ' ଭଳି ଆଧୁନିକ ହାଇଡ୍ରୋଜେନ୍ ଟ୍ରେନ୍ ବିକଶିତ କରାଯାଉଛି, ଯାହା ଫ୍ୟୁଏଲ୍ ସେଲ୍ ଏବଂ ବ୍ୟାଟେରୀର ହାଇବ୍ରିଡ୍ ସିଷ୍ଟମ୍ ଉପରେ ଆଧାରିତ।
୩. ଫ୍ରାନ୍ସ: ଫ୍ରାନ୍ସ ମଧ୍ୟ ନିଜ ଦେଶରେ ଏହି ଟ୍ରେନ୍ଗୁଡ଼ିକର ପରୀକ୍ଷଣ ଏବଂ ସଞ୍ଚାଳନ ଆରମ୍ଭ କରୁଛି। କାର୍ବନ ନିର୍ଗମନ କମାଇବା ପାଇଁ ସରକାର ଏହାକୁ ଏକ ପ୍ରମୁଖ ମାଧ୍ୟମ କରିଛନ୍ତି।
୪. ଚୀନ୍: ଚୀନ୍ ମଧ୍ୟ ହାଇଡ୍ରୋଜେନ୍ ଟ୍ରେନ୍ ବିକାଶରେ ଦ୍ରୁତ ଗତିରେ ଆଗେଇ ଚାଲିଛି। ସେଠାରେ ୧୨୦୦ ହର୍ସପାୱାର ପର୍ଯ୍ୟନ୍ତ ହାଇଡ୍ରୋଜେନ୍ ଇଞ୍ଜିନପ୍ରସ୍ତୁତ କରାଯାଇଛି। ଚୀନ୍ କେବଳ ଯାତ୍ରୀବାହୀ ଟ୍ରେନ୍ ନୁହେଁ, ବରଂ ମାଲବାହୀ ଟ୍ରେନ୍ ପାଇଁ ମଧ୍ୟ ଏହି ପ୍ରଯୁକ୍ତିବିଦ୍ୟା ଉପରେ କାମ କରୁଛି।
