1 hour ago
2
ARTICLE AD BOX
୭ ସେପ୍ଟେମ୍ବର ୨୦୨୬, ସୋମବାର। ତିଥି: ଭାଦ୍ରବ କୃଷ୍ଣ ଏକାଦଶୀ। ନକ୍ଷତ୍ର: ପୁନର୍ବସୁ। ଚନ୍ଦ୍ର: ମିଥୁନ। ଅଜା/କାଳୀୟଦଳନ ଏକାଦଶୀ (ସର୍ବସମ୍ମତ), ଶ୍ରୀମନ୍ଦିରରେ କାଳୀୟଦଳନ ବେଶ, ଧେନୁକାବଧ ପ୍ରସ୍ତାବ। ସୂର୍ଯ୍ୟୋଦୟ: ୫ଟା୩୫, ସୂର୍ଯ୍ୟାସ୍ତ: ୫ଟା୫୩। ଘାତଚନ୍ଦ୍ର: କନ୍ୟା। ଘାତବାର: ମିଥୁନ। ଶୁଭବେଳା: ପ୍ରାତଃ ୫ଟା୩୫ରୁ ୭ଟା୮, ଦିବା ୧୦ଟା୩୦ରୁ ୧୨ଟା୫୮, ଦିବା ୪ଟା୨୧ରୁ ୫ଟା୪, ସନ୍ଧ୍ୟା ୬ଟା୪୦ରୁ ୯ଟା ପର୍ଯ୍ୟନ୍ତ।
ମେଷ: ନୂଆ ଜମି କିଣାବିକା କରିବାର ଥିଲେ ଭଲଭାବେ ଯାଞ୍ଚ ପରଖ କରି ନିଅନ୍ତୁ। ପରିବାରରେ ମନୋରଞ୍ଜନ ସଂପର୍କିତ ଯାତ୍ରାର କାର୍ଯ୍ୟକ୍ରମ ହେବ। ବିଦ୍ୟାର୍ଥୀଙ୍କର ଲାଗି ରହିଥିବା ବାଧା ଦୂର ହେବ।
ବୃଷ: ଆମଦାନିରେ ଅଧିକ ଲାଭ ମିଳିବା ଯୋଗୁଁ ଆଶ୍ବସ୍ତ ଅନୁଭବ କରିବେ। ଛାତ୍ରଛାତ୍ରୀ ଅଧ୍ୟୟନରେ ଏକାଗ୍ରତା ରଖିଲେ ଉଚିତ ପରିଣାମ ପାଇବେ। ଜୀବନସାଥୀଙ୍କ ସହ ସିନେମା ଦେଖିବାର ଯୋଜନା କରିବେ।
ମିଥୁନ: ଜମି ସମ୍ବନ୍ଧୀୟ ସମସ୍ୟା ବାରମ୍ବାର ଯାଆସ ପରେ ଦୂର ହୋଇଯିବ। ଚାକିରିରେ ଭଲ ଆୟ ହେବ। ସିଲେଇ କାମ କରୁଥିବା ଲୋକ ଗ୍ରାହକଙ୍କ ଠାରୁ ଭଲ ଲାଭ ପାଇବେ। ବନ୍ଧୁ ସହିତ ଭଲ ତାଳମେଳ ରହିବ।
କର୍କଟ: ଆପଣଙ୍କ ବ୍ୟବହାରରେ କିଛି ସୁଧାର ଆଣିବାର ଅଛି। ଆପଣଙ୍କର ତରବରିଆ ସ୍ବଭାବ ଲୋକମାନଙ୍କ ଲାଗି ସମସ୍ୟା ଉତ୍ପନ୍ନ କରିପାରେ। ବ୍ୟାୟାମ ଓ ଖାଦ୍ୟ ପାନୀୟ ଉପରେ ଧ୍ୟାନ ଦିଅନ୍ତୁ।
ସିଂହ: କାର୍ଯ୍ୟକ୍ଷେତ୍ରରେ ଉନ୍ନତି କରିବେ। କୌଣସି ବି ପରସ୍ଥିତିରେ ଭୟଭୀତ ନହୋଇ ନିଜର ବୁଦ୍ଧିବଳ ଓ କାର୍ଯ୍ୟଦକ୍ଷତା ଉପଯୋଗ କରନ୍ତୁ, ଉଚିତ ସମାଧାନ ବାହାରି ଆସିବ। ବିଦ୍ୟାର୍ଥୀଙ୍କୁ ପରିଶ୍ରମର ସୁଫଳ ମିଳିବ।
କନ୍ୟା: ଚାକିରିଆଙ୍କ ଲାଗି ଦିନଟି ଭଲ। ପଦୋନ୍ନତି ବା ଦରମା ବୃଦ୍ଧି ହେବ। ଭାଇ ସହିତ ଲାଗି ରହିଥିବା ମତଭେଦ ଦୂର ହେବ। କିଛି ସମୟ ଆଧ୍ୟାତ୍ମିକ ସ୍ଥାନ ବା ଏକାନ୍ତରେ ବିତାନ୍ତୁ। ରାଜନୀତି କାର୍ଯ୍ୟରେ ରୁଚି ବଢ଼ିବ।
ତୁଳା: ଆପଣ ବାପାମାଆଙ୍କୁ ମନର କଥା କହିବେ। ପରିବାର ସହିତ ଧାର୍ମିକ କାର୍ଯ୍ୟକ୍ରମରେ ସମ୍ମିଳିତ ହେବେ, ଯାହା ଦ୍ବାରା ଆପଣଙ୍କ ମନକୁ ଶାନ୍ତି ମିଳିବ। ଦୂର ସଂଚାର ମାଧ୍ୟମରେ ଶୁଭ ସୂଚନା ପାଇବେ।
ବିଛା: ନକାରାତ୍ମକ ଚିନ୍ତାରୁ ନିବୃତ୍ତ ରହନ୍ତୁ। ସବୁ କାମ କରିବାରେ ସଫଳ ହେବେ। ବକେୟା ଧନ ପାଇବେ। ଓକିଲଙ୍କ ଲାଗି ଦିନଟି ଉତ୍ତମ। କୌଣସି ମକଦ୍ଦମାର ଫଇସଲା ଆପଣଙ୍କ ପକ୍ଷରେ ଆସିବ।
ଧନୁ: କାମ ପ୍ରତି ସମର୍ପିତ ରହିବା ଯୋଗୁଁ ଖୁବ୍ ଶୀଘ୍ର ସଫଳତା ଆଡ଼କୁ ଅଗ୍ରସର ହେବେ। କୌଣସି ଅନୁଭବୀ ବ୍ୟକ୍ତିଙ୍କ ସାନ୍ନିଧ୍ୟ ମିଳିବା ଯୋଗୁଁ ଭଲ ଅନୁଭବ କରିବେ। ଜୀବନସାଥୀ ସହିତ ଫିଲ୍ମ ଦେଖିବାର ଯୋଜନା କରିବେ।
ମକର: ଆପଣଙ୍କୁ ନିର୍ଦ୍ଧାରିତ ସମୟରେ କୌଣସି ମାମଲାର ଫଇସଲା କରିବାକୁ ହେବ। ତେବେ ଯାଇ ଭଲ ପରିଣାମ ପାଇବେ। ଦାମ୍ପତ୍ୟ ଜୀବନରେ ସୁଖ ପାଇବେ। ଅଯଥା କଥା ଠରୁ ଦୂରରେ ରହନ୍ତୁ। ଛାତ୍ରଛାତ୍ରୀ ଆହୁରି ପରିଶ୍ରମ କରନ୍ତୁ।
କୁମ୍ଭ: ମାନସିକ ଦ୍ବନ୍ଦ୍ବର ନିବାରଣ ହେବା ଯୋଗୁଁ ଆପଣ ପ୍ରସନ୍ନ ରହିବେ। ଯେଉଁ କାମକୁ ହାତକୁ ନେବେ ତାକୁ ପୂରା ମନ ଲଗାଇ କରିବେ। ନୂଆ ଅଭିଜ୍ଞତା ମିଳିବ। ସାମାଜିକ ପରିସର ବଢ଼ିବ। କୌଣସି ବନ୍ଧୁର ସହଯୋଗ ନେବେ।
ମୀନ: ସମାଜସେବା କ୍ଷେତ୍ରରେ ଥିବା ଲୋକଙ୍କର ପ୍ରଭାବ ବଢ଼ିବ। ଲେଖନ କ୍ଷେତ୍ରରେ ଥିବା ଲୋକ ଖୁସି ଖବର ପାଇବେ। ଆପଣଙ୍କ ରଚନାକୁ ଲୋକେ ଖୁବ୍ ପସନ୍ଦ କରିବେ। ବାଣୀ ଉପରେ ସଂଯମ ରଖନ୍ତୁ।
