Elephants Attack Hemgir: ହେମଗିର ବନାଞ୍ଚଳରେ ହାତୀ ଉପଦ୍ରବ: ଗ୍ରାମବାସୀ ଭୟଭୀତ

ସୁନ୍ଦରଗଡ଼: ହେମଗିର ବନାଞ୍ଚଳ କୋଡ଼ବାହାଲ ସେକ୍ସନରେ ଗାଁ ମୁହାଁ ହୋଇଛନ୍ତି ହାତୀପଲ। ଜଙ୍ଗଲରେ ଖାଦ୍ୟ ନ ପାଇ ଗାଁ ଭିତରକୁ ପଶି ଆସି ଅନେକ କ୍ଷୟକ୍ଷତି କରୁଛନ୍ତି ହାତୀ। ଗତକାଲି ରାତିରେ ଏକ ହାତୀ ଚିତାମୁଡl ଓ ପଚପେଡ଼ି  ଗ୍ରାମରେ ପଶି ଘର ଭାଙ୍ଗି ଦେଇଛି।

ଘାଇ ମରାମତି ହୋଇଥିବା ସ୍ଥାନର ୩ ଫୁଟ ଉଚ୍ଚତାରେ ବନ୍ୟା ଜଳ

ହାତୀ ଆକ୍ରମଣରେ ଚିତାମୁଡା ଗାଁରେ କିଛି ଘର ସାମାନ୍ୟ ଭାଙ୍ଗିଥିବା ବେଳେ ପଚପେଡ଼ିର ଗୌତମ୍ ସେଠ୍ ଓ ସୂରୁଜ ଲାଲ କିଷାନଙ୍କ ଘର ସମ୍ପୂର୍ଣ୍ଣ ଭାବେ ଭାଙ୍ଗି ଯାଇଛି। ଘର ଲୋକେ ଅଳ୍ପକେ ବର୍ତ୍ତି ଯାଇଥିବା ବେଳେ ଗୌତମ୍ ସେଠ୍ ସାମାନ୍ୟ ଆହତ ହୋଇଥିବା ସୂଚନା ମିଳିଛି। ଏ ନେଇ ବନ ବିଭାଗ ହାତୀକୁ ରାତିସାରା ନିକଟସ୍ଥ ଜଙ୍ଗଲକୁ ସୁରକ୍ଷିତ ଭାବେ ଘଉଡାଇବା ସହ ଗାଁ ଗାଁ ବୁଲି ଗ୍ରାମବାସୀଙ୍କୁ ସତର୍କ ରହିବାକୁ ସଚେତନ ମଧ୍ୟ କରାଇଛନ୍ତି।