1 hour ago
1
ARTICLE AD BOX
ନୂଆଦିଲ୍ଲୀ: ନୋବେଲ୍ ପୁରସ୍କାର ଘୋଷଣା ସହିତ ଏହାର ସ୍ରଷ୍ଟା ଆଲଫ୍ରେଡ୍ ନୋବେଲ୍ ଏବଂ ତାଙ୍କର ସବୁଠାରୁ ପ୍ରସିଦ୍ଧ ଆବିଷ୍କାର ‘ଡାଇନାମାଇଟ୍’କୁ ନେଇ ଚର୍ଚ୍ଚା ପୁଣି ଥରେ ଜୋର ଧରିଛି। ବିଶ୍ୱର ସବୁଠାରୁ ମାନ୍ୟଗଣ୍ୟ ନୋବେଲ୍ ପୁରସ୍କାରର ପାଣ୍ଠି ଆଲଫ୍ରେଡ୍ ନୋବେଲଙ୍କ ସମ୍ପତ୍ତିରୁ ହିଁ ଗଠିତ ହୋଇଛି। ୧୮୬୦ ଦଶକରେ ସ୍ୱିଡିଶ୍ ରସାୟନବିତ୍ ତଥା ଶିଳ୍ପପତି ଆଲଫ୍ରେଡ୍ ନୋବେଲ୍ ଡାଇନାମାଇଟ୍ ଆବିଷ୍କାର କରିଥିଲେ। ତେବେ ଏହି ଭୟାନକ ବିସ୍ଫୋରକ ସୃଷ୍ଟି କରିବା ପଛରେ କ’ଣ କାରଣ ଥିଲା?
ଆହୁରି ପଢନ୍ତୁ :Anant Ambani: ଅନନ୍ତଙ୍କ ‘ଚାମ୍ପିଅନ୍ସ ଅଫ୍ କେୟାର୍’ ଅଭିଯାନ
ନାଇଟ୍ରୋଗ୍ଲିସେରିନ୍ର ବିପଦ ଓ ଭୟଙ୍କର ଦୁର୍ଘଟଣା
ଡାଇନାମାଇଟ୍ ଆବିଷ୍କାର ହେବା ପୂର୍ବରୁ ସାଧାରଣତଃ ନାଇଟ୍ରୋଗ୍ଲିସେରିନ୍କୁ ବିସ୍ଫୋରକ ଭାବେ ବ୍ୟବହାର କରାଯାଉଥିଲା। ମାତ୍ର ଏହା ଅତ୍ୟନ୍ତ ଅସ୍ଥିର ଥିବାରୁ ଏହାକୁ ନେବା ଆଣିବା କରିବା ଏବଂ ବ୍ୟବହାର କରିବା ଅତ୍ୟନ୍ତ ବିପଜ୍ଜନକ ଥିଲା। ୧୮୬୪ ମସିହାରେ ଷ୍ଟକହୋମ୍ସ୍ଥିତ ନୋବେଲଙ୍କ କାରଖାନାରେ ଏକ ଭୟଙ୍କର ନାଇଟ୍ରୋଗ୍ଲିସେରିନ୍ ବିସ୍ଫୋରଣ ଘଟିଥିଲା। ଏହି ଅସାବଧାନତାପୂର୍ଣ୍ଣ ଦୁର୍ଘଟଣାରେ ଆଲଫ୍ରେଡ୍ ନୋବେଲଙ୍କ ସାନଭାଇ ଏମିଲ୍ ନୋବେଲଙ୍କ ସମେତ କେତେକ କର୍ମଚାରୀ ପ୍ରାଣ ହରାଇଥିଲେ।
ଆହୁରି ପଢନ୍ତୁ :Water crisic: ପାଣି କିଣି ପିଉଛନ୍ତି ବସ୍ତିବାସୀ; ସ୍ମାର୍ଟସିଟିର ଅସଲ ଚିତ୍ର
ଏଭଳି ହୋଇଥିଲା ‘ଡାଇନାମାଇଟ୍’ର ସୃଷ୍ଟି
ଏହି ଦୁଃଖଦ ଦୁର୍ଘଟଣା ପରେ, ଆଲଫ୍ରେଡ୍ ନୋବେଲ୍ ନାଇଟ୍ରୋଗ୍ଲିସେରିନ୍କୁ ନିୟନ୍ତ୍ରଣ କରିବା ଏବଂ ମାନବସେବାରେ ସୁରକ୍ଷିତ ଭାବେ ବ୍ୟବହାର କରିବା ପାଇଁ ଗବେଷଣା ଆରମ୍ଭ କରିଥିଲେ। ପରୀକ୍ଷଣ ସମୟରେ ସେ ଲକ୍ଷ୍ୟ କଲେ ଯେ, ତରଳ ନାଇଟ୍ରୋଗ୍ଲିସେରିନ୍କୁ ଯେତେବେଳେ ‘କିସେଲଗୁର’ (ଏକ ପ୍ରକାର ମାଟି) ସହ ମିଶାଯାଏ, ସେତେବେଳେ ମାଟି ସମ୍ପୂର୍ଣ୍ଣ ତରଳ ପଦାର୍ଥକୁ ଶୋଷିନିଏ। ଏହି ନୂତନ ମିଶ୍ରଣକୁ ଏକ ନୂଆ ରୂପ ଦିଆଯାଇପାରିଲା, ଯାହା ସାଧାରଣ ହଲଚଲ, ଖସିପଡ଼ିବା କିମ୍ବା ତାପମାତ୍ରା ପରିବର୍ତ୍ତନ ଯୋଗୁଁ ଆପେ ଆପେ ବିସ୍ଫୋରଣ ହେବାର ଆଶଙ୍କା କମ୍ ଥିଲା। ଏହାକୁ ନିୟନ୍ତ୍ରିତ ଭାବେ ଫୁଟାଇବା ପାଇଁ ‘ବ୍ଲାଷ୍ଟିଂ କ୍ୟାପ୍’ ଓ ‘ଫ୍ୟୁଜ୍’ର ଆବଶ୍ୟକତା ପଡ଼ୁଥିଲା, ଯାହାଫଳରେ କେଉଁ ସମୟରେ ବିସ୍ଫୋରଣ ହେବ ତାହା ନିୟନ୍ତ୍ରଣ କରିବା ସହଜ ହେଲା।
ଆହୁରି ପଢନ୍ତୁ :IMF Warning: ଆଇଏମଏଫର ଚେତାବନୀ: ବିଶ୍ୱ ପ୍ରତି ଏଆଇ-ତେଲ-ଋଣର ତ୍ରିମୁଖୀ ବିପଦ
ନାମକରଣ ଓ ପେଟେଣ୍ଟ
ଗ୍ରୀକ୍ ଶବ୍ଦ 'ଡାଇନାମିସ୍' (Dynamis) ରୁ ଏହି ଆବିଷ୍କାରର ନାମ ‘ଡାଇନାମାଇଟ୍’ ରଖାଯାଇଥିଲା, ଯାହାର ଅର୍ଥ ହେଉଛି 'ଶକ୍ତି' କିମ୍ବା 'ସାମର୍ଥ୍ୟ'। ଆଲଫ୍ରେଡ୍ ନୋବେଲ୍ ୧୮୬୭ ମସିହାରେ ଏହି ଆବିଷ୍କାରର ପେଟେଣ୍ଟ ହାସଲ କରିଥିଲେ। ଆଲଫ୍ରେଡ୍ ନୋବେଲ୍ ମୁଖ୍ୟତଃ ଖଣି ଖନନ, ନିର୍ମାଣ କାର୍ଯ୍ୟ, ସୁଡ଼ଙ୍ଗ, ସଡ଼କ ଏବଂ କେନାଲ ତିଆରି ପରି କଲ୍ୟାଣକାରୀ କାମ ପାଇଁ ଡାଇନାମାଇଟ୍ ତିଆରି କରିଥିଲେ। ମାତ୍ର ପରବର୍ତ୍ତୀ ସମୟରେ ଯୁଦ୍ଧ ଓ ସାମରିକ କ୍ଷେତ୍ରରେ ଏହାର ବ୍ୟାପକ ସଂହାରକାରୀ ବ୍ୟବହାର ତାଙ୍କୁ ଗଭୀର ଭାବେ ମର୍ମାହତ କରିଥିଲା। ଏହି ପଶ୍ଚାତାପ ଓ ମାନବସେବାର ଭାବନା ହିଁ ପରବର୍ତ୍ତୀ ସମୟରେ ବିଶ୍ୱପ୍ରସିଦ୍ଧ ‘ନୋବେଲ୍ ପୁରସ୍କାର’ ପ୍ରତିଷ୍ଠା କରିବାରେ ପ୍ରମୁଖ ଭୂମିକା ଗ୍ରହଣ କରିଥିଲା।
