1 month ago
7
ARTICLE AD BOX
ନୂଆଦିଲ୍ଲୀ: କକ୍ରୋଚ୍ ଜନତା ପାର୍ଟି (ସିଜେପି)ର ପ୍ରତିଷ୍ଠାତା ଅଭିଜିତ୍ ଦୀପକେ ଏକ ଦେଶବ୍ୟାପୀ ଜନସମ୍ପର୍କ ଅଭିଯାନ,‘କ୍ୟା ବୋଲ୍ତି ପବ୍ଲିକ୍’ ଘୋଷଣା କରିଛନ୍ତି। ଏହି ପଦକ୍ଷେପର ଲକ୍ଷ୍ୟ ଜନତାଙ୍କ ସମସ୍ୟାକୁ ବୁଝିବା ବୋଲି ସେ କହିଛନ୍ତି। ଅଭିଯାନର ପ୍ରଥମ ଲକ୍ଷ୍ୟ ଶିକ୍ଷା ଉପରେ ରହିବ, କାରଣ ସ୍କୁଲ, କଲେଜ ଏବଂ କୋଚିଂ ଫି ବୃଦ୍ଧି ପାଇବା ଯୋଗୁଁ ଅନେକ ପରିବାର ଗୁଣାତ୍ମକ ଶିକ୍ଷା ପାଇପାରୁ ନାହାନ୍ତି।
ଆସାମରେ ବନ୍ୟା ତାଣ୍ଡବ: ୯୫ ମୃତ, ଲକ୍ଷେ ୬୦ ହଜାରରୁ ଅଧିକ ବେଘର
ଶିକ୍ଷା ସଂସ୍କାର ଆମର ପ୍ରଥମ ପ୍ରସଙ୍ଗ ହେବ ଯାହାକୁ ଆମେ ଗ୍ରହଣ କରିବାକୁ ଯାଉଛୁ। ଆମେ ଦେଖୁଛୁ ଦେଶରେ ଶିକ୍ଷା ବହୁମୂଲ୍ୟ ହୋଇପଡ଼ିଛି। ଡୋନେସନ ଟଙ୍କା ବ୍ୟତୀତ ପ୍ରଥମ ଶ୍ରେଣୀ ପାଇଁ ବାର୍ଷିକ ଫି ୧ ଲକ୍ଷ ରୁ ୨ ଲକ୍ଷ ପର୍ଯ୍ୟନ୍ତ ରହିଛି।ମଧ୍ୟବିତ୍ତ ଏବଂ ନିମ୍ନ ଆୟ ପରିବାରଗୁଡ଼ିକ ଏପରି ଖର୍ଚ୍ଚ କିପରି ପରିଚାଳନା କରିବେ ବୋଲି ସେ ପ୍ରଶ୍ନ ଉଠାଇଛନ୍ତି। ଯେଉଁ ପରିବାରଗୁଡ଼ିକର ଆୟ ଅଧିକ ନାହିଁ ସେମାନେ କେଉଁଠାରୁ ଟଙ୍କା ଆଣିବେ। ସେ ଅଭିଯୋଗ କରିଛନ୍ତି ଯେ କଲେଜ ଏବଂ କୋଚିଂ ଫି ବୃଦ୍ଧି ପରିବାରଗୁଡ଼ିକୁ ଋଣଗ୍ରସ୍ତ କରୁଛି। ଆମେ ଏହି ଆର୍ଥିକ ବୋଝକୁ ହାଲୁକା କରିବାକୁ ଚାହୁଁଛୁ। ଡକ୍ଟର ବି.ଆର. ଆମ୍ବେଦକରଙ୍କ ଅନୁସାରେ ଶିକ୍ଷା ଏକ ମୌଳିକ ଅଧିକାର। କିନ୍ତୁ ଗତ କିଛି ବର୍ଷ ମଧ୍ୟରେ ଶିକ୍ଷାର ବ୍ୟବସାୟିକରଣ କରାଯାଇଥିବା ସେ କହିଛନ୍ତି।
