3 days ago
3
ARTICLE AD BOX
ଭାରତୀୟ ନିର୍ବାଚନ କମିସନ(ଇସିଆଇ) ଦ୍ୱାରା କାର୍ଯ୍ୟକାରୀ ହୋଇଥିବା ସ୍ୱତନ୍ତ୍ର ସଘନ ସଂଶୋଧନ (ଏସ୍ଆଇଆର୍) କାର୍ଯ୍ୟକ୍ରମକୁ ନେଇ ନାଗରିକ ସଂଗଠନ, ଆଇନଜୀବୀ ଓ ନିର୍ବାଚନ ଆୟୋଗଙ୍କ ମଧ୍ୟରେ ତୀବ୍ର ମତଭେଦ ସୃଷ୍ଟି ହୋଇଛି। ଏହି ପ୍ରକ୍ରିୟା ଗାଣତନ୍ତ୍ରିକ ଅଧିକାର ଓ ବୈଷୟିକ କେନ୍ଦ୍ରୀକରଣକୁ ନେଇ ଦେଶରେ ଏକ ବଡ଼ ଚର୍ଚ୍ଚାର ବିଷୟ ପାଲଟିଛି।
‘ଆସୋସିଏସନ୍ ଫର୍ ଡେମୋକ୍ରାଟିକ୍ ରିଫର୍ମସ’ (ଏଡିଆର୍) ଏବଂ ଅନ୍ୟାନ୍ୟ ନାଗରିକ ଅଧିକାର ମଞ୍ଚ ପକ୍ଷରୁ ମିଳିତ ବିବୃତିରେ କୁହାଯାଇଛି ଯେ, ନିୟମିତ ସଂଶୋଧନ ପ୍ରକ୍ରିୟାକୁ ଏକ ସଫ୍ଟୱେର୍-ଚାଳିତ ନାଗରିକତା ଯାଞ୍ଚରେ ପରିଣତ କରାଯାଇଛି। ମୌଳିକ ସାମ୍ବିଧାନିକ ଅଧିକାର ବଜାୟ ରଖିବା ପାଇଁ ଗରିବ ନାଗରିକଙ୍କ ଉପରେ ବହୁ ବର୍ଷର ପୁରୁଣା ବଂଶାନୁକ୍ରମିକ ଦଲିଲ ଦାଖଲ କରିବାର ବୋଝ ଲଦି ଦିଆଯାଉଛି। ଏହା ପ୍ରଶାସନିକ ସୁଧାର ନୁହେଁ, ବରଂ ଅବହେଳିତ, ପ୍ରବାସୀ ଓ ଅଳ୍ପସଂଖ୍ୟକ ଭୋଟର୍ଙ୍କୁ ଆଇନଗତ ଭାବେ ମତାଧିକାରରୁ ବଞ୍ଚିତ କରିବାର ପ୍ରୟାସ।
ଲୋକଙ୍କୁ ଗଣତାନ୍ତ୍ରିକ ଅଧିକାରରୁ ବଞ୍ଚିତ କରାଯାଉଛି: ନାଗରିକ ସଙ୍ଗଠନ
ନିରପେକ୍ଷ ନିର୍ବାଚନ ପାଇଁ ତାଲିକା ସୁଧାର ଜରୁରୀ: କମିସନ
ସୁପ୍ରିମକୋର୍ଟରେ ଚାଲିଥିବା ଶୁଣାଣି ସମୟରେ ଆବେଦନକାରୀଙ୍କ ଆଇନଜୀବୀ ଦର୍ଶାଇଥିଲେ ଯେ, ସମ୍ପୂର୍ଣ୍ଣ ଯାଞ୍ଚ ବ୍ୟବସ୍ଥାକୁ ‘ଇସିନେଟ୍’ କ୍ଲାଉଡ୍ ସଫ୍ଟୱେର୍କୁ ହସ୍ତାନ୍ତର କରାଯିବା ଦ୍ୱାରା ସ୍ଥାନୀୟ ଆଇନଗତ ଅଧିକାରୀଙ୍କ ସ୍ୱାଧୀନ ନିଷ୍ପତ୍ତି କ୍ଷମତା ହ୍ରାସ ପାଇଛି। ବୁଥ୍ ସ୍ତରୀୟ ଅଧିକାରୀ (ବିଏଲ୍ଓ)ଙ୍କ କ୍ଷେତ୍ରସ୍ତରୀୟ ଯାଞ୍ଚକୁ ସ୍ୱୟଂଚାଳିତ କେନ୍ଦ୍ରୀୟ ଆଲଗୋରିଦମ୍ ପ୍ରତ୍ୟାଖ୍ୟାନ କରିବା ଫଳରେ ନାଗରିକଙ୍କ ସାମ୍ବିଧାନିକ ଭୋଟ୍ ଅଧିକାର ଡିଜିଟାଲ୍ ଉଚ୍ଛେଦର ଶିକାର ହେଉଛି। ଅପରପକ୍ଷରେ, ନିର୍ବାଚନ ଆୟୋଗ ନିଜର ଆନୁଷ୍ଠାନିକ ବିବୃତିରେ କହିଛନ୍ତି ଯେ, ସମ୍ବିଧାନର ଧାରା ୩୨୪ ଅଧୀନରେ ନିରପେକ୍ଷ ଓ ଗ୍ରହଣଯୋଗ୍ୟ ନିର୍ବାଚନ କରାଇବା ଆୟୋଗଙ୍କ ଆଇନଗତ ଦାୟିତ୍ୱ। ୧୩ କୋଟି ନକଲି, ମୃତ ଓ ଅଣ-ନାଗରିକଙ୍କ ନାମ ହଟାଇ ଭୋଟର୍ ଡାଟାବେସ୍ ସୁଧାରିବା ଏକ ବୈଷୟିକ ଆବଶ୍ୟକତା। ମାନବୀୟ ପକ୍ଷପାତିତା ଦୂର କରିବା, ନକଲି ଭୋଟର୍ ରୋକିବା ଏବଂ ଭୋଟିଂ ବ୍ୟବସ୍ଥାର ଆଧୁନିକୀକରଣ ପାଇଁ ‘ଇସିନେଟ୍’ରେ କଡ଼ା ‘ଏନ୍କ୍ରିପସନ୍’ ପଦ୍ଧତି ଆପଣାଯାଇଛି।
Animal: ଠିଆ ହୋଇ ଶୋଉଥିବା ପ୍ରାଣୀ
ଅନ୍ୟପକ୍ଷରେ ଏହି ମାମଲାରେ ସୁପ୍ରିମକୋର୍ଟ ଏସ୍ଆଇଆର୍କୁ କାଏମ ରଖି ନିଜ ଆଦେଶରେ ସ୍ପଷ୍ଟ କରିଛନ୍ତି ଯେ, ଗାଣତନ୍ତ୍ରିକ ପ୍ରକ୍ରିୟାର ସୁରକ୍ଷା ପାଇଁ ଭୋଟର୍ ତାଲିକାର ସଂଶୋଧନ ଏକ ଜରୁରୀ ପ୍ରଶାସନିକ କାର୍ଯ୍ୟ। ୧୯୫୦ ମସିହାର ଜନପ୍ରତିନିଧିତ୍ୱ ଆଇନର ଧାରା ୨୧ ଅନୁସାରେ ସଘନ ସଂଶୋଧନ କରିବା ଆୟୋଗଙ୍କ ଆଇନସମ୍ମତ ଅଧିକାର। ଡାଟା ତ୍ରୁଟି ସୁଧାରିବା ପାଇଁ ପଦ୍ଧତିଗତ ସୁରକ୍ଷା ଜରୁରୀ ହୋଇଥିଲେ ହେଁ, ସକ୍ରିୟ ଭୋଟର୍ ତାଲିକାରୁ ନାମ ହଟିବା ଦ୍ୱାରା କୌଣସି ବ୍ୟକ୍ତିଙ୍କ ଆଇନଗତ ନାଗରିକତା ରଦ୍ଦ ହୋଇ ନଥାଏ।
